Kvika eignastýring er einn reynslumesti rekstraraðili framtakssjóða á Íslandi. Framtakssjóðasvið Kviku eignastýringar stofnaði fyrsta framtakssjóðinn árið 2008 og hefur síðan farið fyrir yfir 25 ma.kr. fjárfestingu í 25 félögum.

Sjóðir framtakssjóðasviðs nýta tækifæri sem felast í langtímafjárfestingu í óskráðum hlutabréfum og eru áhrifafjárfestar sem leggja áherslu á að styðja stjórnendur með markvissum hætti í að bæta rekstur og árangur félaga í eigu sjóðanna. Stjórnendur félaganna eru hvattir til að sýna samfélagslega ábyrgð, tileinka sér góða viðskipta- og stjórnarhætti og huga að umhverfismálum. Fulltrúar framtakssjóðasviðs taka virkan þátt í mótun stefnu og framtíðarsýn félaganna með það að markmiði að hámarka verðmæti til lengri tíma.

Ef þú ert með áhugavert fjárfestingartækifæri og í leit að öflugum samstarfsaðila má senda okkur tölvupóst á framtakssjodir@kvikaeignastyring.is.


Hjá framtakssjóðasviði Kviku eignastýringar starfar öflugt teymi starfsmanna með vítt tengslanet og mikla reynslu af rekstri framtakssjóða, kaupum og sölu fyrirtækja, verðmati fyrirtækja, samningaviðræðum, stjórnun, stjórnarsetum og stefnumótun.

Um okkur

Starfsfólk

Stjórn Kviku eignastýringar hf. er skipuð þremur aðalmönnum; Tanyu Zharov, stjórnarformanni, Steinunni Hlíf Sigurðardóttur og Andra Vilhjálmi Sigurðssyni.

Tanya starfar sem sjálfstætt starfandi ráðgjafi og stjórnarmaður. Hún starfaði sem aðstoðarforstjóri og yfirlögfræðingur Alvotech á árunum 2020 til 2026 og þar áður sem aðstoðarforstjóri Íslenskrar erfðagreiningar frá 2016 til 2020. Áður gegndi hún meðal annars stöðu framkvæmdastjóra lögfræðisviðs Auðar Capital og síðar Virðingar, auk þess sem hún starfaði sem lögfræðingur og framkvæmdastjóri stjórnunarsviðs Íslenskrar erfðagreiningar. Tanya var einnig meðeigandi og skattalögfræðingur hjá PwC. Þá hefur hún kennt verðbréfarétt og haft umsjón með kennslu í námi til öflunar réttinda til verðbréfamiðlunar.

Tanya hefur meðal annars setið í stjórnum Íslandssjóða, Íslandsbanka, ORF Líftækni, Carbon Recycling International og Akthelia. Hún er jafnframt stjórnarformaður Háskólans í Reykjavík og Regenics. Tanya lauk embættisprófi í lögfræði frá Háskóla Íslands.

Tanya var kjörin stjórnarformaður Kviku eignastýringar á aðalfundi félagsins í júní 2026.

Tanya Zharov

Andri starfar sem eigandi hjá Lögmönnum Lækjargötu en hann gekk til liðs við stofuna árið 2013. Andri hefur starfað sem lögfræðingur í fjármálafyrirtækjum hér á landi og erlendis í fjölda ára. Í störfum sínum sem lögmaður hefur Andri einkum sinnt lögfræðilegri ráðgjöf fyrir fyrirtæki, fjárfesta og ýmsa fagfjárfestasjóði. Þá hefur Andri komið að stofnun, rekstri og stjórnun rekstrarfélaga verðbréfasjóða. Andri lauk prófi frá Lagadeild Háskóla Íslands árið 1998.

Andri tók sæti í stjórn Kviku eignastýringar árið 2020. Andri er flokkaður sem óháður stjórnarmaður.

Andri Vilhjálmur Sigurðsson

Steinunn er með BA-gráðu í viðskiptafræði frá Flagler College og próf í verðbréfaviðskiptum. Hún starfaði hjá Kaupþingi/KB banka á árunum 1999-2005 og gegndi þar m.a. starfi markaðsstjóra. Steinunn starfaði einnig sem markaðsstjóri Sjóvár og forstöðumaður á sölu- og markaðssviði Landsbankans áður en hún hóf störf hjá Verði þar sem hún sat í framkvæmdastjórn á árunum 2008-2021. Síðast starfaði Steinunn hjá Arion banka þar sem hún gegndi stöðu framkvæmdastjóra upplifunar viðskiptavina 2021-2024.

Steinunn tók sæti í stjórn Kviku eignastýringar árið 2024 og telst vera óháður stjórnarmaður.

Steinunn Hlíf Sigurðardóttir

Stjórn Kviku eignastýringar hefur skipað starfsnefnd sem sinnir hlutverki áhættu- og endurskoðunarnefndar fyrir félagið og starfar skv. íslenskum lögum og reglum og góðum stjórnarháttum. Nefndin er skipuð af stjórn í samræmi við 78. gr. laga nr. 161/2002 um fjármálafyrirtæki og IX. kafla A laga nr. 3/2006 um ársreikninga. Starfsnefndinni er ætlað að sinna ráðgjafar- og eftirlitshlutverki fyrir stjórn Kviku eignastýringar, m.a. vegna mótunar áhættustefnu og áhættuvilja, og leitast við að tryggja gæði ársreikninga og annarra fjármálaupplýsinga og óhæði endurskoðunar félagsins að teknu tilliti til 1. mgr. 99. gr. laga nr. 3/2006 um ársreikninga. Nefndin hefur eftirlit með vinnuferli við gerð reikningsskila, áhættugreiningu, viðbrögðum við áhættu, virkni innra eftirlits auk innri og ytri endurskoðunar. Nefndin hefur einnig ráðgjafar- og eftirlitshlutverk fyrir stjórn félagsins vegna mótunar áhættustefnu og áhættuvilja félagsins.

Starfsnefnd Kviku eignastýringar skipa Andri Vilhjálmur Sigurðsson, formaður starfsnefndar, Tanya Zharov, Margrét Flóvenz og Steinunn Hlíf Sigurðardóttir.

Stjórn

Fjárhagsupplýsingar

Tímabil                                      

Reglur félagsins

Lýsing á eðli og áhættu fjármálagerninga KES.pdf

flokkar-fjarfesta.pdf

2022-12-15-reglur-ke-um-haefi-lykilstarfsmanna.pdf

2021-11-16-reglur-um-radstafanir-gegn-hagsmunaarekstrum.pdf

2022-12-15-reglur-ke-um-uppysingar-um-vidskiptamenn.pdf

2023-01-25-reglur-um-vidskipti-starfsmanna-vid-ke.pdf

2022-12-15-reglur-um-bestu-framkvaemd-vidskiptafyrirmaela-kes-.pdf

Skilmálar fjárfestingarþjónustu KES.pdf

personuverndarstefna-kes-2023.pdf

jafnrettisstefna-kes.pdf

Stjórnarhættir

Samþykktir Kviku eignastýringar_2026.06.30.pdf

Samþykktir

Stjórnarháttayfirlýsing KES fyrir ársreikning 2025.pdf

Yfirlýsing um stjórnarhætti KES 2024.pdf

2024 02 14 Yfirlýsing um stjórnarhætti KES 2024.pdf

Stjórnarháttayfirlýsingar sl. 3 ár

Starfskjarastefna KES 2025.pdf

Starfskjarastefna

Starfsreglur stjórnar 2025-2026.pdf

Starfsreglur starfsnefndar stjórnar 2025-2026.pdf

Starfsreglur

starfsleyfi-fra-fme.pdf

31.8.2020.pdf

Vottorð-KES.pdf

Starfsleyfi

2020_09_4-stefna-um-abyrgar-fjarfestingar_final.pdf

20220120-sidareglur.pdf

sjalfbaerniahaettustefna-kes.pdf

Samfélagsleg ábyrgð

Regluverk og lagalegir fyrirvarar

Kvika eignastýring hf. er sjálfstæð fjármálastofnun í skilningi laga um fjármálafyrirtæki nr. 161/2002 og fellur því undir gildissvið laganna. Tilgangur laganna er að tryggja að fjámálafyrirtæki séu rekin á heilbrigðan og eðlilegan hátt með hagsmuni viðskiptavina, hluthafa, stofnfjáreigenda og alls þjóðarbúsins að leiðarljósi.



Kvika eignastýring hf. er hlutafélag og fellur því undir gildissvið laga um hlutafélög nr. 2/1995. Reglur hlutafélagalaga innihalda m.a. réttarreglur sem lúta að starfsemi fyrirtækja, hlutafé, hlutabréfum, stjórnskipulagi, hluthafafundum, endurskoðun og ábyrgð stjórnenda.



Lög um verðbréfasjóði og lög um sérhæfða sjóði

Kvika eignastýring hf. hefur m.a. starfsleyfi sem rekstrarfélag verðbréfasjóða skv. lögum nr. 116/2021 um verðbréfasjóði og er með starfsleyfi sem rekstraraðili sérhæfðra sjóða skv. lögum nr. 45/2020. Framangreind lög taka til starfsemi og reksturs verðbréfasjóða og sérhæfðra sjóða. Kvika eignastýring hf. rekur ýmsa slíka sjóði og innihalda lögin m.a. réttarreglur sem lúta að starfsemi sjóða, hlutdeildarskírteina, réttindum hlutdeildarskírteinishafa og stjórnskipulagi svo dæmi séu nefnd.



Lög um aðgerðir gegn peningaþvætti og fjármögnun hryðjuverka

Þann 1. janúar 2019 tóku gildi lög um aðgerðir gegn peningaþvætti og fjármögnun hryðjuverka nr. 140/2018, sem gilda m.a. um fjármálafyrirtæki. Markmið laganna er að koma í veg fyrir peningaþvætti og fjármögnun hryðjuverka með því að skylda aðila sem stunda starfsemi er kann að verða notuð til peningaþvættis eða fjármögnunar hryðjuverka. Lögin gera kröfu um að eftirlitsskyldir aðilar þekki deili á viðskiptamönnum sínum og starfsemi þeirra og tilkynna um það til lögbærra yfirvalda vakni grunur um eða verði þeir varir við slíka ólögmæta starfsemi. Lögin byggja á grunni eldri laga en fela þó í sér talsverðar breytingar og leggja þyngri skyldur á fjármálafyrirtæki sem hafa áhrif á viðskiptamenn.  SFF hefur gefið út upplýsingaefni þar sem fram koma helstu breytingar sem lögin koma til með að hafa fyrir viðskiptamenn. Efnið er aðgengilegt hér fyrir neðan.

Þann 1. september 2021 tóku gildi lög um markaði fyrir fjármálagerninga nr. 115/2021.  Með lögunum eru innleidd ákvæði tilskipunar Evrópusambandsins um markaði fyrir fjármálagerninga og MiFIR reglugerð um sama efni einu nafni jafnan nefnt MiFID 2 regluverkið. Með innleiðingu MiFID 2 regluverksins í íslenskan rétt gilda nú sömu reglur um fjárferstavernd, gagnsæi í viðskiptum og fleira sem viðkemur viðskiptum með fjármálagerninga hér á landi og annars staðar í Evrópu.

Í tilefni lagasetningarinnar hefur Kvika eignastýring uppfært viðskiptaskilmála vegna verðbréfaviðskipta sem bera nú heitið Skilmálar Kviku eignastýringar hf. vegna fjárfestingarþjónustu. Þá hefur félagið uppfært upplýsingar um flokka fjárfesta og lýsingu á eðli og áhættu fjármálagerninga auk þess sem nú eru veittar ákveðnar upplýsingar um kostnað og gjöld vegna viðskipta með fjármálagerninga.

Félög með náin tengsl við Kviku eignastýringu hf. sbr. 5. gr. skilmála bankans vegna fjárfestingarþjónustu eru eftirfarandi:

Kvika banki hf., móðurfélag Kviku eignastýringar hf.

Akta sjóðir hf., móðurfélag á 18,6% hlut í félaginu.

Eiginleikar og áhætta fjármálagerninga

Upplýsingagjöf vegna áhættu tengdri sjálfbærni

Með lögum nr. 25/2023 um upplýsingagjöf um sjálfbærni á sviði fjármálaþjónustu og flokkunarkerfi fyrir sjálfbærar fjárfestingar, voru ákvæði reglugerðar Evrópuþingsins og ráðsins (ESB) 2019/2088 („SFDR“) innleidd í íslenskan rétt. SFDR leggur skyldur á aðila á fjármálamarkaði að birta upplýsingar um það hvernig áhætta tengd sjálfbærni er felld inn í fjárfestingarákvarðanir sem og í ráðgjöf og hvort, og þá hvernig, tekið er tillit til neikvæðra áhrifa á sjálfbærniþætti við fjárfestingarákvarðanir.



Samþætting sjálfbærniáhættu við fjárfestingaákvarðanir (sbr. 3.gr SFDR)

Áhætta tengd sjálfbærni er skilgreind sem atburður eða ástand á sviði umhverfismála, félagsmála eða stjórnarhátta sem gæti, ef hann gerist, haft raunveruleg eða hugsanleg veruleg neikvæð áhrif á virði fjárfestingarinnar sbr. 22. tölul. 2.gr. SFDR.

Þær upplýsingar sem ber að birta eiga að gera endanlegum fjárfestum kleift að taka upplýstari fjárfestingarákvarðanir og eiga þær því að vera hluti af þeirri upplýsingagjöf sem veitt er fjárfestum áður en samningur er gerður.

Kvika eignastýring hefur gefið út stefnu í samræmi við 3.gr. SFDR þar sem félagið lýsir því hvernig áhætta tengd sjálfbærni er felld inn í fjárfestingarákvarðanir og fjárfestingarráðgjöf.

Yfirlýsing varðandi neikvæð áhrif fjárfestingaákvarðana á sjálfbærniþætti (e. Principal Adverse Impact on sustainability factors eða „PAI“) (sbr. 4.gr. SFDR)

Sjálfbærniþættir eru skilgreindir sem umhverfis-, félags- og starfsmannatengd mál, virðing fyrir mannréttindum og mál sem varða baráttu gegn spillingu og mútum, sbr. 24. tölul., 2. gr. SFDR. Með neikvæðum áhrifum er almennt átt við helstu neikvæðu áhrif fjárfestingarákvarðana á þessa þætti.

Kvika eignastýring hefur gefið út yfirlýsingu í samræmi við 4. gr. SFDR þar sem félagið lýsir því hvernig og hvort tekið er tillit til neikvæðra áhrifa fjárfestingaákvarðana á sjálfbærniþætti.

Yfirlýsing um neikvæð áhrif á sjálfbærniþætti



Samþætting sjálfbærniáhættu í starfskjarastefnu (sbr. 5.gr. SFDR)

Kvika eignastýring hefur gefið út yfirlýsingu í samræmi við 5. gr. SFDR sem geymir upplýsingar um hvernig starfskjör eru tengd sjálfbærniáhættu.

Upplýsingar á vefsíðu Kviku eignastýringar hf. eru birtar samkvæmt bestu vitund Kviku eignastýringar hf. á hverjum tíma. Kvika eignastýring hf. ábyrgist ekki réttmæti upplýsinganna hvort sem þær koma frá félaginu eða þriðja aðila. Upplýsingarnar kunna að breytast án fyrirvara.

Upplýsingar á vefsíðu Kviku eignastýringar hf. eru almenns eðlis og fela ekki í sér tilboð eða ráðleggingar um kaup eða sölu fjármálagerninga. Notendur vefsíðunnar bera einir ábyrgð á fjárfestingarákvörðunum sem teknar eru á grundvelli þeirra upplýsinga sem birtast á vefsíðunni. Kvika eignastýring hf. ber hvorki ábyrgð á tjóni sem rekja má til upplýsinga sem birtast á vefsíðu félagsins né heldur á tjóni sem rekja má beint eða óbeint til notkunar á vefsíðu félagsins. Kvika eignastýring hf. ber heldur ekki ábyrgð á tjóni sem rekja má til þess að ekki er hægt að nota vefsíðuna um lengri eða skemmri tíma.

Kvika eignastýring hf. á höfundarrétt á upplýsingum sem birtast á vefsíðunni nema annað sé tekið fram eða verði leitt af eðli máls. Óheimilt er að dreifa upplýsingunum, afrita þær eða nýta með öðrum hætti án skriflegs samþykkis Kviku eignastýringar hf.

Viðskipti með fjármálagerninga eru áhættusöm í eðli sínu. Verðbreytingar í fortíð gefa ekki endilega vísbendingu um verðbreytingar í framtíð. Kvika eignastýring hf. hvetur viðskiptavini sína til að afla sér upplýsinga um eðli verðbréfaviðskipta og eftir atvikum annað sem viðkemur verðbréfaviðskiptum hjá ráðgjöfum félagsins.



Tölvupóstar og viðhengi sem send eru frá netföngum skráðum á Kviku eignastýringu hf. kunna að innihalda trúnaðarupplýsingar og/eða einkamál og eru eingöngu ætluð skráðum viðtakendum. Sé efni tölvupósts og viðhengja ótengt starfsemi Kviku eignastýringar hf. er sendandi einn ábyrgur. Kvika eignastýring hf. vekur athygli á því að hvers konar upplýsingagjöf, afritun eða dreifing þeirra upplýsinga sem fram koma í tölvupóstum og viðhengjum er óleyfileg og kann að varða við lög. Sért þú ekki réttur viðtakandi tölvupóstsins ertu vinsamlega beðinn um að tilkynna sendanda að þér hafi borist þessi tölvupóstur fyrir mistök, að því loknu að eyða tölvupóstinum og viðhengjum hans, ef einhver eru, án þess að geyma afrit, samanber lagaskyldu þar að lútandi skv. 4. mgr. 88. gr. laga nr. 70/2022 um fjarskipti.

Kvika eignastýring hf. ber ekki ábyrgð á rangri eða ófullgerðri sendingu upplýsinganna sem tölvupósturinn inniheldur, né heldur á töfum á afhendingu hans eða tjóni sem kann að verða á tölvukerfi móttakanda. Kvika eignastýring hf. ábyrgist hvorki öryggi tölvupóstsins né að hann sé laus við vírusa eða að íhlutun þriðja aðila hafi ekki átt sér stað.

Upplýsingar um fyrirtæki eða fjármálagerninga hafa eingöngu upplýsingagildi og fela ekki í sér tilboð eða ráðleggingar um kaup eða sölu verðbréfa eða þátttöku í fjárfestingum.



Upptaka símtala, geymsla og vistun gagna

Til að tryggja öryggi, áreiðanleika og rekjanleika upplýsinga milli viðskiptamanns og félagsins er viðskiptamanni kunnugt um að viðskiptasímtöl við félagið kunna að vera hljóðrituð án sérstakrar tilkynningar í hvert sinn. Hið sama gildir um samtöl í gegnum Microsoft Teams fundarbúnað og farsíma starfsmanna einkabankaþjónustu félagsins.

Símaupptökur eru annars vegar gerðar á grundvelli lagaáskilnaðar 2. mgr. 23. gr. laga nr. 115/2021 um markaði fyrir fjármálagerninga og hins vegar heimildar skv. 91. gr. laga nr. 70/2022 um fjarskipti

Viðskiptamanni er kunnugt um að upptökur kunna að verða lagðar fram í dómsmáli og/eða notaðar sem sönnunargagn í öðrum tilvikum komi upp ágreiningur um hvað aðilum fór á milli. Að öðru leyti skal félagið fara með upptökur líkt og með aðrar upplýsingar er lúta þagnarskyldu, sbr. 58. til 60. gr. laga nr. 161/2002 um fjármálafyrirtæki.

Öll gögn sem innihalda upplýsingar um viðskipti viðskiptamanna og framkvæmd þeirra eru vistuð hjá félaginu í að lágmarki fimm ár.



Kvika eignastýring hf. („Kvika eignastýring“) notar vefkökur (e. cookies) til að fylgjast með vafri notenda á vefsvæðinu kvikaeignastyring.is, bæta þjónustu Kviku eignastýringar og fleira. Vefkökur gera Kviku eignastýringu kleift að senda ákveðnar upplýsingar í vafra notenda sem getur auðveldað notendum aðgang með margs konar aðgerðum. Vefkökur geyma ekki persónuupplýsingar en geta innihaldið texta, númer og dagsetningar, svo dæmi séu tekin. Með því að samþykkja notkun Kviku eignastýringar á vefkökum er Kviku eignastýringu m.a. veitt heimild til að sníða leit og þjónustu við gesti vefsins til samræmis við fyrri notkun þeirra og auðkenningu, að muna eftir fyrri aðgerðum, að þróa og bæta þjónustu vefsins kvikaeignastyring.is og að safna upplýsingum um umferð og notkun vefsvæðisins.

Þú getur lokað fyrir notkun á vefkökum í stillingum vafrans sem þú notar. Í flestum vöfrum er að finna leiðbeiningar um hvernig hægt er að slökkva á vefkökum. 



Vefkökur eru litlar textaskrár sem vistaðar eru á tölvu eða öðrum snjalltækjum þegar vefsvæði Kviku eignastýringar er heimsótt í fyrsta sinn. Þegar þú heimsækir vefsíðuna næst í sama tæki man það eftir þér og hvernig þú notaðir síðuna.

Kvika eignastýring notar vefkökur í þeim tilgangi að bæta virkni vefsíðunnar með það að markmiði að bæta þjónustu við notendur. Það er stefna Kviku eignastýringar að nota vefkökur með ábyrgum hætti. Kvika eignastýring notar vefkökur til að sníða vefsvæðið að þörfum notenda t.d. til að vista stillingar notenda, til að vinna tölfræðilegar upplýsingar, til að greina umferð um vefsvæðið og í markaðslegum tilgangi.



Nauðsynlegar vefkökur (vefkökur frá fyrsta aðila)

Vefsíða Kviku eignastýringar notar bæði eigin vefkökur og vefkökur frá þriðja aðila. Eigin vefkökur Kviku eignastýringar eru kökur sem verða til á síðu Kviku eignastýringar. Vefkökur senda eingöngu upplýsingar til Kviku eignastýringar.

Nauðsynlegar vefkökur virkja eiginleika á vefsvæðinu sem verða að vera til staðar svo vefsvæðin virki eins og ætlast er til. Nauðsynlegar vefkökur eru vefkökur frá fyrsta aðila sem eingöngu eru notaðar af Kviku eignastýringu. Hér undir falla til dæmis kökur sem muna hvort notandinn er skráður inn á vefsvæði Kviku eignastýringar eða hvaða sérstöku stillingar notandinn hefur valið.



Vefkökur frá þriðja aðila eru vefkökur sem verða til vegna aðgerða sem stafa frá öðrum aðila en þeim sem rekur síðuna sem þú ert að heimsækja, aðila sem Kvika eignastýring er í samstarfi við eða hagnýtir þjónustu frá.  Vefkökur þriðja aðila gera það að verkum að þessir aðilar geta þekkt tækið þitt aftur og eru tilkomnar vegna þjónustu sem félagið notar.

Vefkökur frá þriðja aðila eru notaðar til að greina umferð um vefsíðu Kviku eignastýringar til að þróa og bæta þjónustu vefsvæðisins með því að fá innsýn í notkun þess og gera leit að tilteknu efni auðveldari.



Vakin er athygli á því að þriðju aðilar, s.s. þeir sem veita markaðs- eða greiningarþjónustu á netinu, nota einnig vefkökur. Upplýsingar um notkun þeirra á vefkökur er hægt að finna á vefsíðum þeirra.

Notendur geta lokað á vefkökur með því að breyta stillingum á vafra. Með þeim hætti geta notendur dregið til baka samþykki sitt fyrir notkun á vafrakökum. Athuga skal að ef lokað er á allar kökur, þ.m.t. nauðsynlegar kökur, mun það hafa áhrif á virkni vefsíðunnar.

Nánari upplýsingar um hvernig stilla má vefkökur á mismunandi vöfrum má finna hér.



Meðferð Kviku eignastýringar á persónuupplýsingum

Kvika eignastýring hf. hefur sett sér persónuverndarstefnu sem finna má hér:

Allar persónuupplýsingar sem kunna að verða til við notkun á vefkökum verða meðhöndlaðar og unnið með í samræmi við ákvæði laga nr. 90/2018 um persónuvernd og vinnslu persónuupplýsinga. Kvika lýsir því yfir að ekki verði unnið með slíkar upplýsingar í öðrum tilgangi en að ofan greinir og þá verða upplýsingarnar ekki varðveittar lengur en þörf krefur miðað við tilgang vinnslu. Persónuupplýsingar verða ekki afhentar þriðja aðila nema lög kveði á um annað.

Úrræði viðskiptavina

Kvika eignastýring reynir ávallt að hafa það að leiðarljósi að starfsemi félagsins sé í samræmi við eðlilega og heilbrigða viðskiptahætti. Stór hluti þessa er að bregðast fljótt og vel við ábendingum og kvörtunum sem kunna að berast frá okkar viðskiptavinum.

Kvika eignastýring hefur sett sér reglur um meðferð kvartana en tilgangur þeirra er að tryggja að ferli við úrvinnslu kvartana viðskiptavina Kviku eignastýringar sé sanngjarnt, gagnsætt og að úrvinnslu- og svartími mála sé eins skammur og kostur er. Þá er tilgangur reglnanna einnig að koma í veg fyrir að mistök starfsmanna eða brot á lögum og reglum endurtaki sig.

Hafi viðskiptavinur einhverjar ábendingar eða kvartanir vegna meintra mistaka Kviku eignastýringar og/eða starfsmanna félagsins á framkvæmd laga eða reglna getur hann beint kvörtun til viðkomandi starfsmanns, með skriflegum hætti til regluvarðar Kviku eignastýringar með tölvupósti á netfangið regluvordur@kvikaeignastyring.is, eða með því að senda rafræna ábendingu í gegnum heimasíðu félagsins. Kvika eignastýring heldur skrá um kvartanir og meðhöndlun þeirra.

Úrskurðarnefnd um viðskipti við fjármálafyrirtæki

Ef viðskiptavinur er ósáttur við þau svör sem félagið veitir, getur hann beint kvörtun sinni til  Úrskurðarnefndar um viðskipti við fjármálafyrirtæki, sem fjallar m.a. um ágreining viðskiptavina við fjármálafyrirtæki. Kvörtun til úrskurðarnefndarinnar skal afhent Fjármálaeftirlitinu skriflega á sérstöku eyðublaði sem má nálgast á skrifstofu eftirlitsins og heimasíðu þess. Erindi skulu send til:

Úrskurðarnefnd um viðskipti við fjármálafyrirtæki
Guðrúnartún 1
105 Reykjavík
Sími: 578 6500
Tölvupóstur: fjarmal@nefndir.is 

Upplýsinga- og leiðbeiningaþjónusta Fjármálaeftirlitsins

Fjármálaeftirlitið leiðbeinir viðskiptavinum eftirlitsskyldra aðila. Í því felst að leitast er við að leiðbeina aðilum um þau úrræði sem þeir hafa til að ná fram rétti sínum, m.a. hvaða aðilar fari með úrskurðarvald í þeirra málum og aðrar almennar leiðbeiningar. Sjá nánar á heimasíðu Fjármálaeftirlitsins.

Fjármálaeftirlit Seðlabanka Íslands
Kalkofnsvegi 1
101 Reykjavík

Dómstólar

Aðilar geta leitað réttar síns fyrir almennum dómstólum hafi ágreiningsefnið ekki verið undanþegið lögsögu þeirra með lögum eða samningi.

Neytendastofa

Neytendastofa er ein þeirra eftirlitsstofnana sem hafa eftirlit með viðskiptalífinu og  lögum frá Alþingi sem sett eru vegna öryggis og réttinda neytenda. Á heimasíðu Neytendastofu er m.a. unnt að nálgast upplýsingar um það í hvaða tilvikum og með hvaða hætti neytendur geta leitað til stofnunarinnar, telji þeir að réttur sé á þeim brotinn.

Verðskrá

Verðskrá_Kviku_eignastýringar_2023_06_01.pdf

Kostnaðarhandbók - Final.pdf

LEI auðkenni

Í kjölfar gildistöku MiFID 2 reglugerðarinnar sem fyrirhuguð er 1. janúar 2021 er öllum lögaðilum skylt að vera með LEI auðkenni til að eiga viðskipti með skráða fjármálagerninga.



LEI (Legal Entity Identifier) er einskonar alþjóðleg kennitala fyrir lögaðila. LEI auðkennið er 20 stafa númer. Markmið LEI auðkennisins er að gera alþjóðlegum eftirlitsaðilum kleift að fylgjast með viðskiptum einstakra lögaðila og bæta þannig eftirlit með kerfislægri áhættu og auðvelda rannsókn á misferli tengt viðskiptum með fjármálagerninga. Frekari upplýsingar má nálgast á vef ESMA:

Fjármálaeftirlitið (FME) krefst þess að allir lögaðilar hafi LEI auðkenni til að eiga viðskipti með skráða fjármálagerninga, til dæmis hlutafélög, lífeyrissjóðir, vátryggingafélög og verðbréfa- og fjárfestingarsjóðir. Einstaklingar þurfa ekki LEI auðkenni til þess að eiga viðskipti með skráða fjármálagerninga. Ekki er gerð krafa um LEI auðkenni vegna viðskipta lögaðila með hlutdeildarskírteini í verðbréfasjóðum. Sjá fréttatilkynningu FME fyrir frekari upplýsingar.

Útgefendur skráðra fjármálagerninga þurfa að hafa LEI auðkenni, til dæmis útgefendur hluta- og skuldabréfa sem tekin hafa verið til viðskipta á skipulegum verðbréfamarkaði.

Fjármálafyrirtæki sem framkvæma viðskipti með skráða fjármálagerninga sem teknir hafa verið til viðskipta á skipulegum verðbréfamarkaði verða að vera með LEI auðkenni.



Umsókn LEI auðkennis er gerð með rafrænum hætti og er hægt að sækja um hjá fjölda fyrirtækja. Í flestum tilvikum kostar það um 100 evrur og tekur 3-7 virka daga að fá LEI auðkenni en bæði verð og tímalengd getur verið breytileg á milli útgefanda. Í upphafi er greitt upphafsgjald en sækja þarf svo um árlega og greiða árgjald.

Fjöldi fyrirtækja gefur út LEI auðkenni og má finna þau öll hér. Fyrir neðan eru dæmi um fyrirtæki:

Hægt er að leita á síðunni að LEI auðkennum eftir nafni lögaðila til að kanna hvort þegar hafi verið gefið út LEI auðkenni.



Hvaða upplýsingar þarf til að sækja um LEI auðkenni?

Þegar sótt er um LEI auðkenni kunna útgefendur að biðja um eftirfarandi upplýsingar:

Heimilisfang höfuðstöðva lögaðila (ef við á)

Kennitala lögaðila (Business Register Entity ID/Registration Authority Entity ID)

Númer Fyrirtækjaskrár Íslands, sem er RA000393 (Business Registrer/Restistration Authority) eða sambærilegt númer ef um erlend félög er að ræða

Félagsform lögaðila (t.d. hlutafélag, einkahlutafélag, sameignarfélag, sjóður o.fl.)

Upplýsingar um móðurfélag (Parent Entity, ef við á)

Upplýsingar um tengda lögaðila (Associated entity, ef við á)

Yfirlýsing um að umsækjandi hafi heimild til þess að sækja um fyrir hönd lögaðilans (Statement verifying the user is an Authorized to Register for on behalf of Legal entity) en í einhverjum tilvikum bjóða útgefendur upp á staðlað form

Vottorð úr fyrirtækjaskrá (Certificate of Registration) á ensku

Athugið að kröfum um upplýsingar geta verið mismunandi á milli útgefenda. Í einhverjum tilvikum þarf ekki að útvega allar ofangreindar upplýsingar og í öðrum gæti þurft að útvega frekari upplýsingar.



Þegar lögaðili hefur fengið úthlutað LEI auðkenni þarf að senda það, gildistíma þess og upplýsingar um félagið (nafn, heimilisfang og kennitölu) til Kviku eignastýringar á thjonusta@kvikaeignastyring.is eða á þinn viðskiptastjóra.

Markaðsþreifingar

Kvika eignastýring ætlast til þess að seljendur fjármálagerninga sem hyggjast beina markaðsþreifingum til Kviku eignastýringar fylgi MAR reglugerðinni (ESB nr. 596/2014) til hins ýtrasta.

Móttakendur markaðsþreifinga innan Kviku eignastýringar eru:

Vegna sjóðastýringar: Stefán Birgisson vegna hlutabréfa, stefanb@kvikaeignastyring.is / sími 695-9354 og Stefán Helgi Jónsson vegna skuldabréfa, stefan@kvikaeignastyring.is / sími 822-3238

Vegna einkabankaþjónustu: Dóra B. Axelsdóttir, dora@kvikaeignastyring.is / sími 822-3202

Vegna eignastýringar: Kristinn J. Magnússon, kristinn@kvikaeignastyring.is / sími 859-4254

Öðrum starfsmönnum Kviku eignastýringar er óheimilt að taka við markaðsþreifingum.

Upplýsingar og reglur félagsins

About us

Eignir í stýringu

Starfsmenn

Fjöldi sjóða

Kvika eignastýring er leiðandi í eignastýringu og fjárfestingastarfsemi hér á landi. Félagið veitir alhliða fjármálaþjónustu með áherslu á árangur og langtímahagsmuni viðskiptavina að leiðarljósi. Kvika eignastýring hentar vel fyrir alla efnameiri einstaklinga, fyrirtæki, sjóði og stofnanir.

Kvika eignastýring leggur áherslu á að veita viðskiptavinum sínum breitt þjónustuframboð til þess að fjárfesta innanlands sem og á erlendum mörkuðum. Meðal þjónustuframboðs má nefna einkabankaþjónustu, sjóðastýringu, framtakssjóði og fjárfestingarráðgjöf ásamt persónulegri þjónustu frá sérfræðingum okkar. Starfsmenn félagsins eru 35 talsins og samanlögð starfsreynsla þeirra á fjármálamarkaði er tæplega 500 ár. Kvika eignastýring er dótturfélag Kviku banka hf. og er starfsstöð félagsins í Katrínartúni 2.

Kvika eignastýring hf. starfar á grundvelli starfsleyfa frá Fjármálaeftirliti Seðlabanka Íslands sem rekstrarfélag verðbréfasjóða samkvæmt heimild í lögum nr. 116/2021, um verðbréfasjóði og sem rekstraraðili sérhæfðra sjóða samkvæmt heimild í lögum nr. 45/2020, um rekstraraðila sérhæfðra sjóða. Starfsleyfi félagsins samkvæmt framangreindum lögum tekur einnig til eignastýringar, fjárfestingarráðgjafar, vörslu og umsýslu hlutdeildarskírteina og hluta sjóða um sameiginlega fjárfestingu og móttöku og miðlunar fyrirmæla varðandi fjármálagerninga. Vörslufyrirtæki félagsins er Kvika banki hf.
 


Merki Kviku eignastýringar er andlit félagsins. Það er einfaldasta og sjónrænasta formið til auðkenningar og kynningar. Merkið má nálgast hér í nokkrum útgáfum sem þjóna hver sínum tilgangi. Það er án bakgrunns. 

Við notkun merkisins er eftirfarandi bannað: Breyta merkjunum, sama hversu lítil breytingin er; tengja það við önnur merki, fella það inn í setningar, hengja það við önnur merki eða fyrirtækjaheiti, nota fleiri en eitt merki á síðu. Merkið er án bakgrunns, þannig að gætið sérstaklega vel að því að staðsetja það ekki á órólegum bakgrunni.

kvika-merki-midja-ljost_1920x1080.png

Um félagið

Kvika eignastýring hefur undirritað samstarfssamninga við fjölda erlendra aðila um sölu og dreifingu á sjóðum þeirra. Viðskiptavinir Kviku eignastýringar hafa því aðgang að fjölbreyttu úrvali fjárfestingakosta um allan heim.

Kvika eignastýring hóf samstarf við Wellington Management árið 2016 um sölu og dreifingu á hlutabréfasjóðnum Global Quality Growth. Sjóðurinn fjárfestir í hlutabréfum á öllum helstu mörkuðum heims með langtíma árangur að leiðarljósi og áherslu á jafnvægi milli vaxtar, arðsemi og gæðaviðmiða. Wellington Management var stofnað í Bandaríkjunum árið 1928 og er fyrirtækið með 969 milljarða dollara í stýringu og annast þjónustu viðskiptavina í 60 löndum.

Kvika eignastýring hóf samstarf við T. Rowe Price árið 2016 um sölu og dreifingu á sjóðum þeirra. T. Rowe Price er þekkt á heimsvísu fyrir mikið úrval sjóða í öllum eignaflokkum og mörkuðum. T. Rowe Price var stofnað í Bandaríkjunum árið 1937 og er fyrirtækið með um 760 milljarða dollara í eignastýringu og starfsemi í 16 löndum. Fjárfestingarstefna T. Rowe Price er öguð með áherslu á rannsóknir, virka áhættustýringu og stöðugleika.

Amundi er stærsta eignastýringarfyrirtæki í Evrópu. Það varð til við samruna eignastýringar Societe Generale og Credit Agricóle árið 2010. Árið 2017 var Pioneer Investments hluti af Amundi eftir sameiningu. Fyrirtækið er með höfuðstöðvar í París og með skrifstofur í 37 löndum í Evrópu, Bandaríkjunum, miðausturlöndum og Asíu. Eignir í stýringu eru samtals 1,5 milljarður dollara.

Pareto var stofnað árið 1995 og er með starfsemi í Osló, Stokkhólmi og Frankfurt. Með samstarfi við Pareto hefur Kvika eignastýring aðgang að norrænum fjármálamörkuðum og verðbréfasjóðum.

Hermes Investments var stofnað árið 1983 og annaðist eingöngu eignastýringu fyrir lífeyrissjóð British Telecom (BT). Federated Investors keyptu meirihluta í Hermes árið 2018 sem nú heitir Federated Hermes. Starfsemi í 12 borgum í Evrópu, Bandaríkjunum og Asíu. Sérhæfð eignastýring með 575 milljarða dollara í stýringu og 880 milljarða í ráðgjöf og 1900 starfsmenn. Samfélagsleg ábyrgð hefur lengi verið hluti af fjárfestingarferli Hermes.

Columbia Threadneedle Investments er alþjóðlegt fjármálafyrirtæki sem veitir alhliða fjármálaþjónustu á öllum helstu eignamörkuðum og eignaflokkum. Eignir í stýringu eru samtals 450 milljarðar dollara. Félagið hefur starfsstöðvar í 17 löndum.

Kvika eignastýring hefur átt í áralöngu samstarfi við Banque de Luxembourg sem býður viðskiptavinum upp á alhliða bankaþjónustu og eignastýringu. Bankinn hefur verið starfræktur frá árinu 1920.

Erlendir sjóðir

Kvika eignastýring hefur tekið saman upplýsingar sem tengjast sjálfbærni og eru mikilvægar fyrir fjárfesta við töku ákvörðunar um að fjárfesta í vörum félagsins. Upplýsingagjöfin er miðuð að kröfum SFDR og er hún nánar útlistuð í umfjöllun hér að neðan.
______

Ákvæði reglugerðar Evrópuþingsins og ráðsins (ESB) nr. 2019/2088 um upplýsingagjöf tengda sjálfbærni á sviði fjármálaþjónustu (e. Sustainable Finance Disclosure Regulation eða „SFDR“) kveður á um samræmdar reglur fyrir aðila sem falla undir gildissvið reglugerðarinnar um upplýsingagjöf til fjárfesta tengt sjálfbærni og sjálfbærniáhættu. Reglugerðin var lögfest hér á landi með lögum nr. 26/2023 um upplýsingagjöf tengda sjálfbærni á sviði fjármálaþjónustu.

SFDR leggur meðal annars skyldur á aðila sem falla undir gildissvið reglugerðarinnar að birta upplýsingar á vefsvæði sínu um það hvernig áhætta tengd sjálfbærni er felld inn í fjárfestingarákvarðanir og í ráðgjöf og hvernig tekið er tillit til skaðlegra áhrif á sjálfbærni í fjárfestingum. Tilgangurinn er að gera fjárfestum kleift að taka upplýstar fjárfestingarákvarðanir.

3. gr. SFDR. Upplýsingar um mat á sjálfbærniáhættu  

Til að fjárfestingarráðgjöf og ákvarðanir byggist á yfirgripsmiklum upplýsingum leitast Kvika eignastýring eftir því að samþætta sjónarmið um umhverfisþætti, félagslega þætti og stjórnarhætti (UFS þætti) inn í greiningu fjárfestingarkosta og er það hluti af hefðbundnu áhættumati félagsins. Áhættumatið getur verið breytilegt eftir mismunandi eignaflokkum og fjárfestingarstefnum. Þá hefur verið gripið til ýmissa aðgerða til að tryggja samþættingu sjálfbærniáhættu í fjárfestingarferla og má finna lýsingu á þeim í sjálfbærniáhættustefnu Kviku eignastýringar og stefnu um ábyrgar fjárfestingar.

4. gr. SFDR. Upplýsingar í tengslum við neikvæð áhrif á sjálfbærniþætti (e. PAI)

SFDR gerir kröfu um að aðilar birti og uppfæri á heimasíðu sinni upplýsingar um hvort þeir taka tillit til helstu neikvæðu áhrifa fjárfestingarákvarðana á sjálfbærniþætti (e. PAI) við fjárfestingarákvarðanir og fjárfestingarráðgjöf. Enn fremur sé það ekki gert skal upplýsa um það og tilgreina ástæður fyrir því hvers vegna og hvenær félagið hyggst taka tillit til slíkra áhrifa.

Kvika eignastýring tekur sem stendur ekki tillit til neikvæðra áhrifa fjárfestingarákvarðana og fjárfestingarráðgjafar á sjálfbærniþætti, hvorki á einingarstigi (e. entity level) né innan einstakra sjóða. Finna má nánari upplýsingar um þá afstöðu í yfirlýsingu félagsins.

Yfirlýsing um neikvæð áhrif á sjálfbærniþætti

5. gr. SFDR. Upplýsingar um hvernig sjálfbærniáhætta er felld inn í starfskjarastefnu Kviku banka

Starfskjarastefna Kviku eignastýringar er uppfærð árlega eftir samþykki hluthafafundar og er stefnunni meðal annars ætlað að tryggja að starfskjör samræmist gildum Kviku eignastýringar um langtímahugsun, sjálfbærni, stöðu félagsins á hverjum tíma, lögum, reglum, góðum stjórnar- og viðskiptaháttum og heilbrigðum og traustum rekstri félagsins. Í stefnunni er gert ráð fyrir kaupaukakerfi sem tekur mið af árangursviðmiðum sem ná meðal annars til sjálfbærniáhættu. Áhersla er á að starfsfólk styðji við innleiðingu á sjálfbærnistefnu í verklag innan sviða og fylgi stefnum samstæðunnar sem snerta á sjálfbærniáhættu við fjárfestingarákvarðanir og ráðgjöf.

Upplýsingagjöf tengd sjálfbærni á sviði fjármálaþjónustu (SFDR)

Rafrænir sjóðir

Við bjóðum 100% afslátt af gengismun sjóða

Kvika eignastýring hf. starfrækir fjölda verðbréfa- og fjárfestingarsjóða sem eru rafrænt skráðir og opnir almenningi til fjárfestingar. Félagið býður upp á fjölbreytt úrval skuldabréfa-, hlutabréfa- og blandaðra sjóða.

Sjóðir eru sparnaðarleið sem gerir fólki kleift að ávaxta fé sitt með aðstoð sérfræðinga í fjárfestingum. Þeir fjárfesta fyrir hönd viðskiptavina til að mynda í hlutabréfum eða skuldabréfum eftir fyrirframákveðinni skiptingu sem nefnist fjárfestingarstefna.

Skuldabréfasjóðir eru safn skuldabréfa. Með því að kaupa skuldabréf ertu að lána félögum (eða ríkinu í tilfelli ríkisskuldabréfa) og færð í staðinn samþykki um endurgreiðslu með vöxtum. Þú eignast því ekki hlut í félögunum heldur kröfu á þau um endurgreiðslu skuldar.

Hlutabréfasjóðir eru safn hlutabréfa. Með því að kaupa hlutabréf ertu að kaupa hluta í félögum og átt þar með hluta af árlegum hagnaði eða tapi þeirra. Þegar hlutabréf hækkar í verði eykst verðmæti þess og þá getur hluthafi selt það dýrara en þegar hann keypti það.

Blandaðir sjóðir eru safn bæði hlutabréfa og skuldabréfa.

Fyrirvari vegna fjárfestinga í sjóðum

Almennt er ávöxtun sjóða sett fram sem nafnávöxtun. Sé ekki annað tekið fram eru ávöxtunartölur á heimasíðu Kviku eignastýringar hf. og í kynningarefni sjóða nafnávöxtunartölur. Allar ávöxtunartölur eru í íslenskum krónum. Söguleg ávöxtun er hvorki vísbending um né trygging fyrir ávöxtun í framtíð. Nánari upplýsingar um hvern og einn sjóð, þar á meðal upplýsingar um áhættu við fjárfestingu í hlutdeildarskírteinum hans, má finna í útboðslýsingu, reglum og eftir atvikum lykilupplýsingum viðkomandi sjóðs.

Sjá nánar almennan fyrirvara Kviku eignastýringar hf. vegna fjárfestinga í sjóðum hér:

https://www.kvikaeignastyring.is/sjodir

Iðunn

Iðunn er fjórði sjóður framtakssjóðasviðs og jafnframt fyrsti vísisjóðurinn (e. Venture capital fund) í rekstri Kviku eignastýringar. Sjóðurinn var stofnaður í mars 2021 og er 7,3 ma.kr. að stærð. Iðunn er sérhæfður vísisjóður sem leggur áherslu á fjárfestingar á sviði lífvísinda og heilsutækni (e. life sciences and health technology). Fjárfestingartímabil Iðunnar er 5 ár og er einblínt á fjárfestingu í fyrirtækjum með vandaðar áætlanir um viðskiptaþróun og stjórnunargetu til að stýra vexti og undirbúa félögin í næsta fasa á sviði uppskölunar. 
 

Iðunn hefur fjárfest í fimm fyrirtækjum, Coripharma, EpiEndo, Kara Connect, NeckCare og PLAIO.

Freyja

Freyja er þriðji framtakssjóðurinn í rekstri Kviku eignastýringar. Sjóðurinn var stofnaður í júní 2018 og er 8 ma.kr. að stærð. Sjóðurinn fjárfesti í íslenskum fyrirtækjum með sterka stöðu á markaði, öfluga stjórnendur, gott sjóðstreymi og áhugaverð vaxtartækifæri. Freyja styður stjórnendateymin í verðmætaskapandi aðgerðum og beitir sér sérstaklega fyrir því að félögin tileinki sér góða stjórnarhætti og sýni samfélagslega ábyrgð. 

Sjóðurinn er fullfjárfestur og hefur fjárfest í fjórum fyrirtækjum; Fálkanum Ísmar, Arctic Adventures, Matorku og Rotovia.

Edda

Edda er annar framtakssjóðurinn í rekstri Kviku eignastýringar. Sjóðurinn var stofnaður í apríl 2013 og er 5 ma.kr. að stærð. Edda fjárfesti í íslenskum fyrirtækjum með sterka stöðu á markaði, gott sjóðstreymi og áhugaverð innlend sem erlend vaxtartækifæri. Fjárfestingar sjóðsins hafa m.a. verið í tengslum við fjármögnun innri eða ytri vaxtartækifæra, í tengslum við fjárhagslega endurskipulagningu rekstrar og/eða í tengslum við stjórnenda- eða eigendaskipti hjá fyrirtækjunum. 

Edda er fullfjárfestur og hefur frá stofnun fjárfest í fjórum fyrirtækjum; Íslandshótelum, Domino's, Securitas og Marorku. 

Auður I

Auður I er fyrsti framtakssjóðurinn í rekstri Kviku eignastýringar. Sjóðurinn var 3,2 ma.kr. að stærð en yfir 20 fjárfestar lögðu sjóðnum til fjármagn þegar hann var stofnaður í febrúar 2008. Auður I hefur selt allar eignir sínar og sjóðnum verið slitið en hann fjárfesti í níu fyrirtækjum, m.a. Ölgerðinni, Yggdrasil, Íslenska Gámafélaginu, Já og TAL/365.

Lifandi Markaður

Azazo

Sjóðir

Skipurit

Kvika eignastýring leggur áherslu á langtímahugsun og jákvæð langtímaáhrif á samfélagið. Félagið trúir því að sjálfbær rekstur fyrirtækja og sjóða sé líklegri til að viðhalda góðri rekstrarafkomu til framtíðar.



Með ábyrgum fjárfestingum er átt við að tekið sé mið af umhverfislegum þáttum, félagslegum þáttum og stjórnarháttum (UFS, e. ESG) í fjárfestingarráðgjöf og við fjárfestingarákvarðanir með það að markmiði að draga úr áhættu og skila sjálfbærri ávöxtun til langs tíma.

Kvika eignastýring leggur áherslu á langtímahugsun og jákvæð langtímaáhrif á samfélagið og trúir því að sjálfbær rekstur fyrirtækja og sjóða sé líklegri til að viðhalda góðri rekstrarafkomu til framtíðar.  

Til að framfylgja þessum gildum hefur Kvika eignastýring sett sér stefnu um ábyrgar fjárfestingar en þar er kveðið á um hvernig félagið tekur tillit til UFS þáttanna að því marki sem rúmast innan fjárfestingarmarkmiða Kviku eignastýringar.  

Stefnan tekur mið af meginreglum alþjóðlegu samtakanna Principles for Responsible Investment (PRI) sem samstæða Kviku banka er aðili að síðan árið 2020.

Kvika banki hf. undirritaði meginreglur Sameinuðu þjóðanna um ábyrgar fjárfestingar fyrir hönd samstæðunnar í júlí 2020. PRI (e. Principles for Responsible Investment) eru alþjóðleg samtök fjárfesta sem vinna að því að innleiða grundvallarviðmið um ábyrgar fjárfestingar. Með því að skrifa undir meginreglur PRI um samfélagslega ábyrgð lýsa fjárfestar því yfir að saman fari langtímahagsmunir þeirra sem fjárfesta og samfélagsins í heild.

Í samræmi við stefnu Kviku eignastýringar um ábyrgar fjárfestingar hafa framtakssjóðir félagsins lagt áherslu á að styðja stjórnendur með markvissum hætti í að bæta rekstur og árangur félaga sem fjárfest er í með langtímaávöxtun og sjálfbærni að leiðarljósi. Hvatt er til að sýna samfélagslega ábyrgð í verki og tileinka sér góða viðskipta- og stjórnarhætti, sem og gæta að fjölbreytni og huga að umhverfismálum. Sérstök sjálfbærniskýrsla framtakssjóða Kviku eignastýringar hefur verið gefin út árlega til fjárfesta í sjóðunum en þar eru meðal annars gerð skil á frammistöðu sjóðanna með tilliti til ákveðinna UFS þátta.

Kvika eignastýring hefur verið meðlimur að IcelandSIF - samtaka um ábyrgar fjárfestingar síðan árið 2017 þegar félagið var stofnað, en félagið er stofnaðili IcelandSIF. Kvika eignastýring og Kvika banki hafa tekið virkan þátt í starfi samtakanna, en tilgangur þeirra er að efla þekkingu íslenskra fjárfesta á aðferðarfræði ábyrgra fjárfestinga. Samtökunum er ætlað að vera óháður vettvangur fyrir umræðu og fræðslu um ábyrgar og sjálfbærar fjárfestingar.

IcelandSIF

Kvika eignastýring er hluti af samstæðu Kviku en innan samstæðunnar er starfað eftir sömu áherslum hvað varðar sjálfbærni. Þá fer almenn sjálfbærniupplýsingagjöf að jafnaði fram á samstæðugrundvelli og birtast upplýsingar um sjálfbærnivinnu og áfanga Kviku eignastýringar meðal annars í árlegri sjálfbærniskýrslu Kviku, ársreikningi Kviku eignastýringar, stjórnarháttayfirlýsingu félagsins og samstæðureikningi Kviku banka.  

Kvika eignastýring hefur tekið saman upplýsingar sem tengjast sjálfbærni og eru mikilvægar fyrir fjárfesta við töku ákvörðunar um að fjárfesta í vörum félagsins. Upplýsingagjöfin er miðuð að kröfum SFDR og er hún hér nánar útlistuð.

Eignaflokkur	Vægi
Skuldabréf og víxlar útgefnir af íslenska ríkinu, verðbréfum og peningamarkaðsskjölum útgefnum af öðrum aðilum með beina ábyrgð ríkissjóðs Íslands	0-60%
Innlán fjármálafyrirtækja	40-100%
Víxlar og skuldabréf fjármálafyrirtækja	0-50%
Víxlar og skuldabréf sveitarfélaga	0-30%
Afleiður vegna stöðutöku	0-10%

Kvika - Lausafjársjóður

Um sjóðinn

Fyrir hverja er sjóðurinn

Fjárfestingarstefna

Ávöxtun

Þróun sjóðs - veldu tímabil

Eignasafn

Fjárfestingateymi

Sjóðstjórar

Fyrirvari