Sjóðir

Eignastýring

Kvika eignastýring

Kaupa í sjóðum

Kvika eignastýring hefur lokið fjármögnun á nýjum sjóð sem ber nafnið ACF V slhf. Sjóðurinn er samlagshlutafélag sem kemur að fjármögnun fyrirtækja. Sjóðurinn mun fjárfesta í skuldabréfum og lánum til fyrirtækja með veð í fasteignum. Heildaráskriftarloforð sjóðsins nema tæplega 8,5 milljörðum króna og er fjárfestingartímabil hans þrjú ár. Þeir sem lögðu sjóðnum til fé eru einkum lífeyrissjóðir. Rekstraraðili sjóðsins er Kvika eignastýring og stýrir félagið nú um 95 ma.kr. í sjóðum sem koma að fjármögnun fyrirtækja með mismunandi hætti. Á síðustu tveimur árum hefur Kvika eignastýring safnað alls um 17 milljörðum í lánasjóði.

Framkvæmdastjóri sjóðsins er Jónas Reynir Gunnarsson en hann er jafnframt forstöðumaður sjóðastýringar hjá Kviku eignastýringu. Í fjárfestingateymi sjóðsins eru að auki Helen Ólafsdóttir, Daníel Þór Magnússon og Karvel Steindór Pálmason.

Kvika eignastýring hefur lokið fjármögnun á nýjum sjóð sem ber nafnið ACF V slhf. Sjóðurinn er samlagshlutafélag sem kemur að fjármögnun fyrirtækja. Sjóðurinn mun fjárfesta í skuldabréfum og lánum til fyrirtækja með veð í fasteignum.

Kvika eignastýring stofnar nýjan 8,5 milljarða lánasjóð – ACF V slhf.

Kvika eignastýring hefur ráðið þrjá nýja starfsmenn. Kolbeinn Þór Bragason hefur verið ráðinn sem viðskiptastjóri í einkabankaþjónustu, Örvar Snær Óskarsson hefur verið ráðinn sem sjóðstjóri blandaðra sjóða og Arnar Bogi Jónsson sem sérfræðingur í deild áhættustýringar, fjármála og rekstrar. Þeir hafa allir hafið störf.  Auk þess hefur Vaka Jóhannesdóttir sem áður gegndi starfi forstöðumanns fjármála og rekstrar verið ráðin sem sjóðstjóri blandaðra sjóða og Sigurður Pétur Magnússon, áhættustjóri félagsins, tekið við nýju starfi sem forstöðumaður nýrrar deildar áhættustýringar, fjármála og rekstrar.

Kolbeinn Þór starfaði áður sem forstöðumaður einkabankaþjónustu Arion banka. Hann hafði starfað hjá Arion banka og áður Kaupþingi allt frá árinu 2000. Kolbeinn er með Cand. oecon próf í viðskiptafræði frá Háskóla Íslands og hefur lokið prófi í verðbréfaviðskiptum.

Örvar Snær hóf störf að nýju hjá Kviku eignastýringu árið 2024 en starfaði þar einnig á árunum 2015 til 2023, að mestu sem sjóðstjóri skuldabréfa- og blandaðra sjóða. Örvar starfaði sem verðbréfamiðlari hjá Íslandsbanka árið 2024. Örvar er með B.Sc. gráðu í fjármálaverkfræði frá Háskólanum í Reykjavík, M.Sc. gráðu í fjármálastærðfræði frá Queen Mary University of London og hefur lokið prófi í verðbréfaviðskiptum.

Arnar Bogi starfaði áður sem verkefnastjóri hjá Kviku banka en hann hóf störf hjá bankanum 2022. Arnar er með M.Sc í rekstrarverkfræði frá Háskólanum í Reykjavík og lýkur mastersnámi í fjármálum fyrirtækja frá sama skóla í vetur.

Kvika eignastýring hefur ráðið þrjá nýja starfsmenn. Kolbeinn Þór Bragason hefur verið ráðinn sem viðskiptastjóri í einkabankaþjónustu, Örvar Snær Óskarsson hefur verið ráðinn sem sjóðstjóri blandaðra sjóða og Arnar Bogi Jónsson sem sérfræðingur í deild áhættustýringar, fjármála og rekstrar.

Kvika eignastýring ræður þrjá nýja starfsmenn

Peningar skipta talsverðu máli í samfélagi okkar, enda eru flestir háðir reglulegri innkomu þeirra og hver einasti dagur hefur sinn verðmiða.  Umhverfið hvetur okkur til að reyna að mynda sparnað og sumum hefur auðnast að eignast umtalsverða fjármuni sem þarf að ávaxta og vernda.  Rétt meðhöndlun fjármunanna getur breytt lífi fólks til góðs og tryggt áhyggjulaust ævikvöld en röng meðhöndlun getur framkallað vanlíðan og áhyggjur.  Í sumum tilfellum fara talsverðir fjármunir á milli kynslóða í gegnum erfðir og finnur fólk því til ábyrgðar þegar kemur að meðhöndlun þeirra.  Afdrif fjármuna geta þannig verið einn af mikilvægustu þáttum í lífi fólks og haft mikil áhrif á velsæld og hamingju. 

Fjármagnseigendur leita gjarnan aðstoðar fjármálaráðgjafa og leggja traust á að ráðgjafinn veiti góða og ígrundaða ráðgjöf við hæfi.  Þegar fólk leitar til fjármálaráðgjafa þá ætti það að vera krafa af þeirra hálfu að þeim mæti ekki bara reynsla, þekking og vönduð vinnubrögð, heldur líka virðing og skilningur, því fjármunirnir eru oft eitt það allra mikilvægasta í lífi fólks.  Það er ekki tilviljun að regluverk og eftirlit með fjármálaráðgjöf sé mikið og að miklar kröfur séu gerðar til fjármálaráðgjafans, því málið snýst um mikil verðmæti og jafnvel um aleigu fólks.

Til að geta veitt góða ráðgjöf þarf fjármálaráðgjafinn að setja sig inn í persónulegar aðstæður umbjóðenda sinna.  Þættir eins og aldur, fjölskylduaðstæður, áhugamál og viðhorf fjármagnseigandans til áhættu hafa mikil áhrif á það hvað hentar hverjum og einum.  Fjármálaráðgjafinn þarf auk þess að geta útskýrt fyrir umbjóðendum sínum ávöxtunarmöguleikana á skýran og skilmerkilegan hátt og leiðbeint við val á því sem hentar best í hverju tilfelli.

Ef ráðgjöfin og valið á ávöxtunarleið er óvandað kemur það oft ekki í ljós fyrr en að mörgum mánuðum eða árum liðnum.   Skaðinn er þá skeður og getur hann verið talsvert mikill fyrir fjármagnseigandann.  Skaðinn vegna illa ígrundaðrar ráðgjafar mælist ekki endilega og eingöngu í fjárhagslegu tapi fjármagnseigandans heldur einnig í vanlíðan og óvissu.  Rangt mat á áhættuþoli vegna ófullnægjandi greiningar á aðstæðum er dæmi um ástæðu þess að röng ávöxtunarleið er valin í upphafi.  Ef tekin er of mikil áhætta þá geta sveiflur á virði fjármunanna orðið meiri en fólk átti von á og ef of lítil áhætta er tekin þá getur ávöxtunin til langs tíma orðið minni en væntingar voru um.  Hvort tveggja getur valdið vonbrigðum og brostnum væntingum fjármagnseigandans.

Einkabankaþjónusta er fjármálaþjónusta sem er fyrir fólk sem er með talsvert mikla fjármuni sem þarfnast ávöxtunar, líkt og hér hefur verið rætt um.  Þjónustan er persónuleg og lögð er rík áhersla á að veita viðskiptavinum faglega ráðgjöf.  Þjónustan er sérsniðin að þörfum hvers og eins og felst í ígrundaðri greiningu á aðstæðum í upphafi og svo eignastýringu og upplýsingagjöf á meðan á viðskiptasambandinu stendur.  Mikilvægt er að viðskiptavinurinn finni að fjármunirnir séu í öruggum og traustum höndum og að þróunin sé í samræmi við væntingar sem lagt var upp með í upphafi. 

Hið eiginlega markmið einkabankaþjónustunnar er að tilvera fjármunanna og ávöxtun þeirra hjálpi til við að auka ánægju og lífsgæði eiganda fjármunanna.  Það ætti að vera krafa viðskiptavinarins að einkabankaþjónustan meðhöndli fjármunina eins og um eitt það allra verðmætasta í lífi viðskiptavinarins sé að ræða.

 Björn Knútsson, viðskiptastjóri hjá Kviku eignastýringu hf.

Peningar skipta talsverðu máli í samfélagi okkar, enda eru flestir háðir reglulegri innkomu þeirra og hver einasti dagur hefur sinn verðmiða.  Umhverfið hvetur okkur til að reyna að mynda sparnað og sumum hefur auðnast að eignast umtalsverða fjármuni sem þarf að ávaxta og vernda.

Að bera virðingu fyrir eignum viðskiptavina

Kvika eignastýring og Sinfóníuhljómsveit Íslands hafa framlengt samstarfssamning sinn til næstu ára en Kvika eignastýring hefur verið bakhjarl hljómsveitarinnar frá árinu 2021. Hannes Frímann Hrólfsson framkvæmdastjóri Kviku eignastýringar og Lára Sóley Jóhannsdóttir framkvæmdastjóri hljómsveitarinnar skrifuðu nýverið undir samkomulagið í Hörpu.

„Samstarf Sinfóníuhljómsveitar Íslands og Kviku eignastýringar hefur verið afar farsælt og því ánægjulegt að skrifað hafi verið undir áframhaldandi samning. Yfirstandandi starfsár er með glæsilegasta móti þar sem við fögnum 75 ára starfsafmæli Sinfóníuhljómsveitar Íslands. Ógleymanlegum tónleikum sellóleikarans Yo-Yo Ma er nýlokið og framundan eru fleiri tónleikar sem eru hluti af glæsilegri afmælisdagskrá hljómsveitarinnar, má þar til dæmis nefna sjálfa afmælistónleikana sem haldnir verða í mars þar sem Víkingur Heiðar kemur fram sem einleikari, tónleikaferð hljómsveitarinnar um Suðurland í apríl og tónlistarveislu með Barböru Hannigan í júní. Við erum þakklát Kviku eignarstýringu fyrir að styðja við okkar fjölbreytta og mikilvæga starf,“ segir Lára Sóley Jóhannsdóttir.

„Við í Kviku eignastýringu höfum átt virkilega ánægjulegt samstarf við Sinfóníuhljómsveit Íslands og hefur hljómsveitin í gegnum árin sýnt það og sannað hversu öflug hún er og hversu lánsöm við sem þjóð erum að eiga hana að. Við erum því virkilega stolt af því að geta stutt við jafn framúrskarandi hljómsveit og tónlistarfólk til menningarsköpunar eins og raun ber vitni,“ segir Hannes Frímann.

Samningur við Sinfóníuhljómsveit Íslands er hluti af stefnu Kviku eignastýringar að styðja við verkefni sem auðga listsköpun og menningarlíf hér á landi.

Kvika eignastýring og Sinfóníuhljómsveit Íslands hafa framlengt samstarfssamning sinn til næstu ára en Kvika eignastýring hefur verið bakhjarl hljómsveitarinnar frá árinu 2021.

Kvika eignastýring áfram bakhjarl Sinfóníuhljómsveitar Íslands

Kvika eignastýring hf. er í hópi íslenskra fyrirtækja sem Creditinfo veitir viðurkenningu sem Framúrskarandi fyrirtæki tólfta árið í röð. Einungis um 2% fyrirtækja á Íslandi hljóta viðurkenninguna á hverju ári. Creditinfo setur ströng skilyrði við valið sem grundvallast á því að fyrirtæki byggi rekstur sinn á sterkum stoðum til langs tíma og efli hag fjárfesta og hluthafa.

Kvika eignastýring hefur einnig hlotið viðurkenningu sem Fyrirmyndarfyrirtæki í rekstri 2024 að mati Viðskiptablaðsins og Keldunnar. Þetta er áttunda árið í röð sem félagið hlýtur þessa viðurkenningu.

Kvika eignastýring hf. er í hópi íslenskra fyrirtækja sem Creditinfo veitir viðurkenningu sem Framúrskarandi fyrirtæki tólfta árið í röð.

Kvika eignastýring er framúrskarandi og til fyrirmyndar

Kvika eignastýring hefur auglýst tvær stöður lausar til umsóknar. Um er að ræða sjóðstjóra blandaðra sjóða og sérfræðing í sjóðastýringu.

Kvika eignastýring er leiðandi í eigna- og sjóðastýringu á Íslandi þar sem áherslan er lögð á langtímahugsun og árangur viðskiptavina. Hjá Kviku eignastýringu starfa 36 manns í metnaðarfullu, drífandi og jákvæðu umhverfi.

Nánari upplýsingar um starf sjóðstjóra má sjá hér og um starf sérfræðings má sjá hér. Allar umsóknir fara í gegnum Alfreð.is.


Kvika eignastýring hefur auglýst tvær stöður lausar til umsóknar. Um er að ræða sjóðstjóra blandaðra sjóða og sérfræðing í sjóðastýringu.

Kvika eignastýring leitar að öflugu starfsfólki

Kvika eignastýring leitar að sjóðstjóra og sérfræðingi í sjóðastýringu

Opinn kynningarfundur vegna hlutafjárútboðs Íslandshótela verður haldinn á Hótel Reykjavík Grand í salnum Háteigi 16. maí 2024, kl 10:00. Fundinum verður streymt á vefsíðu útboðsins og hér á vefsíðu Íslandshótela.

Hlutafjárútboð Íslandshótela hf. hófst þriðjudaginn 14. maí kl 10:00 og stendur yfir þar til kl. 16:00 miðvikudaginn þann 22. maí.

Opinn kynningarfundur vegna útboðs Íslandshótela verður haldinn á Hótel Reykjavík Grand í salnum Háteigi 16. maí 2024, kl 10:00. Fundinum verður streymt á vefsíðu útboðsins.

Opinn kynningarfundur vegna hlutafjárútboðs Íslandshótela

Með nýrri uppfærslu á Kviku appinu er nú hægt að fjárfesta í sjóðum Kviku eignastýringar með einföldum hætti í gegnum appið.

Í appinu er að finna yfirlit sjóða Kviku eignastýringar og þá er einnig hægt að skoða gengisþróun hvers sjóðs ásamt áhættuflokkun, eignasamsetningu og öðrum ítarupplýsingum.

Hannes Frímann Hrólfsson framkvæmdastjóri Kviku eignastýringar.
Með Kviku appinu erum við að koma enn frekar til móts við viðskiptavini okkar sem hafa nú góða yfirsýn yfir verðbréfasöfn sín með einföldum hætti í símanum auk þess að geta fjárfest í fjölbreyttu úrvali sjóða í rekstri Kviku eignastýringar.  

Appið er aðgengilegt í App store og Google Play

Fjárfestu í sjóðum Kviku eignastýringar í gegnum appið

Allir sjóðir fyrir almenna fjárfesta í virkri stýringu Kviku eignastýringar skiluðu jákvæðri ávöxtun árið 2023*.

Samkvæmt samantekt Keldunnar skipuðu sjóðirnir sér í efstu sæti yfir hæstu ávöxtun 2023 hvort sem horft er til hlutabréfa eða skuldabréfa.

Í flokki skuldabréfasjóða sem fjárfesta í meðallöngum skuldabréfum skipuðu sjóðir Kviku eignastýringar efstu þrjú sætin. Í flokki stuttra skuldabréfa var sjóður okkar með hæstu ávöxtunina. Hlutabréfasjóður okkar skilaði hæstu ávöxtun sambærilegra hlutabréfasjóða.


Hannes Frímann Hrólfsson, framkvæmdastjóri Kviku eignastýringar
„Það er frábært að sjá að allir okkar sjóðir í virkri stýringu félagsins skiluðu jákvæðri ávöxtun og sumir hverjir hæstu ávöxtun síns flokks. Þessi árangur er viðurkenning fyrir okkur og sýnir að samvinna okkar starfsfólks er að virka í jafn krefjandi markaðsaðstæðum og raun ber vitni.“

Við bjóðum 100% afslátt af gengismun sjóða til 1. mars. 

Sjóðir Kviku eignastýringar

*Samkvæmt Keldunni

Allir sjóðir fyrir almenna fjárfesta í virkri stýringu Kviku eignastýringar skiluðu jákvæðri ávöxtun árið 2023 í krefjandi markaðsaðstæðum.

Allir sjóðir fyrir almenna fjárfesta í virkri stýringu Kviku eignastýringar skiluðu jákvæðri ávöxtun árið 2023

Kvika eignastýring á toppnum

Eftir slæmt ár 2022 á innlendum hlutabréfamarkaði virtist allt stefna í hið sama á árinu 2023. Verðbólga hefur reynst þrálátari hér en erlendis og hefur Seðlabankinn þurft að hækka vexti meira. Hátt vaxtastig hafði umtalsverð neikvæð áhrif á verðþróun innlendra hlutabréfa á árinu sem var að líða en aðrir þættir lituðu einnig þróunina. Markmið stýrivaxtahækkana er að draga úr eftirspurn og fjárfestingum fyrirtækja til þess að draga úr verðbólguþrýstingi. Vaxtahækkanir hafa því neikvæð áhrif á rekstur félaga auk þess sem að áhættuminni eignir (líkt og ríkisskuldabréf eða innlán) verða eftirsóttari þegar vaxtastig er hátt. Þetta sást m.a. í innlausnum úr hlutabréfasjóðum á árinu en þær námu tæpum 6 ma.kr. Óvæntir atburðir í nóvember leiddu hins vegar til umtalsverðra hækkana til loka árs.

Árið 2023 byrjaði hins vegar vel og hækkaði hlutabréfavísitalan KVIKAEQI um tæp 5% í janúar. Kjarasamningar voru nýundirritaðir og þrátt fyrir að niðurstaða þeirra hafi ekki verið eins og best var á kosið var mikilli óvissu aflétt. Væntingar um að ferðaþjónustan yrði sterk dreif hækkun flugfélaganna í janúar. En fjöldi ferðamanna ýtti einnig undir innlenda neyslu sem hafði jákvæð áhrif á afkomu smásölufélaga. Heilt yfir gekk rekstur félaga í kauphöllinni vel á árinu. Til marks um þetta má nefna að meirihluti kauphallarfélaga ákvað á aðalfundum sínum í mars að greiða út arð eða lækka hlutafé og námu heildargreiðslur um tæplega 70 ma.kr.

Stór tíðindi bárust frá höfuðstöðvum Kviku þegar bankinn óskaði eftir því við stjórn Íslandsbanka að hefja samrunaviðræður milli félaganna. Fjárfestar tóku vel í tíðindin og hækkuðu hlutabréf bankanna beggja í kjölfarið. Kvika sleit hins vegar viðræðum eftir að fjármálaeftirlit Seðlabanka Íslands gerði margvíslegar athugasemdir við vinnubrögð Íslandsbanka í tengslum við sölu ríkisins á hlut í bankanum í mars 2022.

Tvö verðmætustu fyrirtæki á hlutabréfamarkaði, Alvotech og Marel, lentu í miklum skakkaföllum á vordögum. Mikil bjartsýni ríkti um líftæknifyrirtækið Alvotech eftir að félagið sótti sér um 20 ma. kr. til innlendra fagfjárfesta í upphafi ársins til að fjárfesta í frekari þróun og framleiðslu líftæknihliðstæðulyfja. En þegar bandaríska Matvæla- og lyfjaeftirlitið (FDA) hafnaði umsókn um markaðsleyfi fyrir hliðstæðulyfið Humira í apríl þá hrundi markaðsverðmæti félagsins um þriðjung á nokkrum dögum. Sagan endurtók sig í lok júní þegar FDA synjaði á ný umsókn Alvotech um markaðsleyfi í Bandaríkjunum. Gengi bréfa í Alvotech hækkaði þó verulega á seinni árshelmingi 2023 m.a. vegna jákvæðra frétta af þróunarstarfi og væntinga um að samþykki FDA fáist á næstu vikum.

Marel hefur eftir heimsfaraldurinn staðið í ströngu. Aukin verðbólga og hækkandi rekstrar- og fjármagnskostnaður hafa gert stjórnendum einkar erfitt fyrir að ná háleitum markmiðum sínum um 14-16% EBIT-framlegð. Um svipað leyti og bréf í Alvotech féllu skarpt í verði féll virði Marels um fjórðung á fáeinum dögum í kjölfar uppgjörs fyrir fyrsta ársfjórðung sem var undir væntingum markaðsaðila. Þegar leið á haustið jókst söluþrýstingur á bréf Marels, einkum frá erlendum hluthöfum sem höfðu auknar áhyggjur af skuldsetningu félagsins og ekki síst skuldsetningu stærsta hluthafans í Marel, Eyri Invest. Um þetta leyti höfðu bréf í félaginu ekki verið lægra metin í rúm fimm ár

Mikill viðsnúningur varð í lok nóvember á hlutabréfamarkaði þegar greint var frá því að bandaríska tæknifyrirtækið, John Bean Technologies (JBT), hefði lagt fram óskuldbindandi viljayfirlýsingu um yfirtöku á Marel. Fram kom að JBT væri tilbúið að greiða um 30% yfirverð fyrir bréf í Marel. Þessi áform mörkuðu kaflaskipti á innlendum hlutabréfamarkaði. Tilkynningin hafði ekki einungis mikil áhrif á hlutabréfaverð í Marel heldur fylgdu flestöll félög í humátt á eftir. Hlutabréfavísitalan KVIKAEQI lækkaði um 14,6% frá áramótum til þessa tímapunktar en rauk í kjölfarið upp um 17% það sem eftir var árs. Stjórn Marels hafnaði fljótlega boði JBT sem kom til baka með hærra tilboð og möguleika á tvíhliða skráningu JBT. Stjórn Marels hefur samþykkt að hefja formlegar viðræður um samruna JBT eftir að bandaríska félagið kom með uppfært og enn hærra verðtilboð.

Innlendur hlutabréfamarkaður hefur tekið miklum breytingum á liðnum árum. Félög hafa stækkað og orðið fjölbreyttari. Tvö ný félög komu inn á aðalmarkað í fyrra, námufélagið Amaroq Minerals og Ísfélagið. Amaroq Minerals stefnir að því að hefja gullvinnslu á Grænlandi í ár en félagið fékk mikinn meðbyr í fyrra og hækkuðu bréf félagsins um 53%. Mikil eftirspurn var eftir bréfum í Ísfélaginu í útboði þess í nóvember. Um 6.500 áskriftir bárust að andvirði 58 ma.kr sem samsvarar fjórfaldri eftirspurn. Origo var eina félagið sem var afskráð á árinu en fyrirtækið kvaddi kauphöllina eftir 27 ár á markaði. Þá urðu mörg stór viðskipti félaga á árinu. Hampiðjan keypti Mørenot í byrjun árs og Iceland Seafood tilkynnti í ágúst sölu á allri starfsemi í Bretlandi til Espersen en reksturinn þar hafði reynst afar þungur. Gleðitíðindi bárust þegar danska félagið Coloplast tilkynnti um yfirtökutilboð í íslenska fyrirtækinu Kerecis fyrir um 175 ma. kr. Yfirtakan hafði einkum jákvæð áhrif á gengi krónunnar.

Þegar horft er inn í komandi ár eru ágætar forsendur fyrir því að það gæti orðið fjárfestum hagfellt. Stærstu áhrifaþættir lúta einkum að vinnumarkaðinum og að skrifað verði undir langan kjarasamning með hóflegum launahækkunum án átaka milli samningsaðila. Hóflegar launahækkanir munu ekki einungis létta á kostnaðarhlið félaga heldur einnig minnka óvissu varðandi launaþróun og verðbólguhorfur. Þá myndu vaxtalækkanir hleypa lífi í hlutabréfamarkaðinn þar sem lægri vextir ýta undir fjárfestingu fyrirtækja. Aðrir efnahagsþættir sem munu hafa áhrif verða þróun ferðamanna og loðnukvóti.

Þrátt fyrir að enn séu ekki mörg ferðaþjónustufélög í Kauphöllinni þá hefur fjöldi ferðmanna einnig áhrif á afkomu smásölufyrirtækja og bankastarfsemi. Talið er að um fjórðungur af EBITDA afkomu sjávarútvegsfélaga komi frá loðnuveiðum og því mun niðurstaða loðnuleitar hafa mikil áhrif á sjávarútvegsfélögin.

Með stöðugleika og væntingum um vaxtalækkanir er líklegt að fjármagn leiti af innlánsreikningum og í áhættumeiri fjárfestingar öfugt við þróunina undanfarin tvö ár. Það mun hafa jákvæð áhrif á þróun hlutabréfaverðs.

Aðrir flæðisþættir, líkt og hvort íslenski hlutabréfamarkaðurinn fái inngöngu í nýmarkaðsvísitölu (e. emerging market) MSCI munu leika lykilhlutverk en íslenski markaðurinn er nú þegar í jaðarvísitölu (e. frontier) MSCI en mun fleiri vísitölusjóðir fylgja nýmarkaðsvísitölunni. MSCI er með þetta til skoðunar í vor og ef af þessu yrði myndum við sjá erlent innflæði á markaðinn í haust.

Mestu munar þó um fréttir varðandi Alvotech og Marel. Nýlega lauk úttekt Lyfja- og matvælaeftirlits Bandaríkjanna (FDA) á framleiðsluaðstöðu Alvotech í Vatnsmýri og tilkynnti félagið að það ætti von á að fá samþykkt markaðsleyfi fyrir sín stærstu lyf í Bandaríkjunum.&nbsp; Grænt ljós á verksmiðjuna þýðir að Alvotech geti innan skamms selt tvö lyf á bandaríska lyfjamarkaðinum en þessi lyf eru með þeim söluhæstu í heiminum og bandaríski markaðurinn sá stærsti. Sama dag og tilkynning frá Alvotech barst samþykkti stjórn Marels að hefja formlegar viðræður um samruna við JBT eftir að bandaríska félagið kom með uppfært og hærra verðtilboð. Spennandi verður að fylgjast með mögulegri yfirtöku á einu stærsta félagi landsins, en gangi allt eftir er búist við að samruni félaganna geti verið frágenginn á seinni árshelmingi 2024.

Hagvöxtur árið 2022 var sá mesti síðan árið 2007 en hann mældist 7,2%. Hagvöxtur var drifinn áfram af vexti einkaneyslu sem mátti að mestu rekja til aukinna útgjalda Íslendinga erlendis, en ferðatakmörkunum sem settar voru á í heimsfaraldrinum var aflétt í febrúar 2022. Á árinu 2023 átti sér stað aðlögun í átt að jafnvægi sem reyndist þó vera hægari en margir gerðu ráð fyrir í upphafi árs.

Í lok árs 2022 var skrifað undir kjarasamninga á almennum markaði. Samið var til skamms tíma, einungis eins árs, þar sem mikil óvissa ríkti m.a. um verðbólgu sem þá mældist tæp 10%. Niðurstaða samninganna var tæplega 7% launahækkun sem er umfram hækkanir sem almennt er talið að geti stuðlað að verðstöðugleika til langs tíma. Staða heimilanna var almennt mjög góð. Sparnaður sem safnaðist á tímum heimsfaraldursins var enn til staðar auk þess að umsamdar launahækkanir juku ráðstöfunartekjur heimilanna. Vöxtur einkaneyslu á fyrsta ársfjórðungi 2023 mældist 7%&nbsp; og verðbólga, sem margir héldu að hefði þegar náð hámarki sínu, hélt áfram að aukast og náði hámarki í 10,2% í febrúar 2023. Líklega hefur launahækkunum og verðhækkunum á innfluttum vörum verið í meira mæli fleytt út í verðlag þar sem eftirspurn eftir vörum og þjónustu var mikil á þeim tíma. Það var að minnsta kosti einn af áhættuþáttum sem peningastefnu-nefnd Seðlabanka Íslands taldi upp í rökstuðningi sínum þegar hún hækkaði vexti um 2,75 prósentustig á fyrri árshelmingi ársins.

Krónan hafði átt undir högg að sækja á haustmánuðum 2022 en styrktist nokkuð í byrjun árs 2023. Viðvarandi halli hafði verið á viðskiptum okkar við útlönd frá því að COVID-19 faraldurinn brast á. Eftir að ferðatakmörkunum var aflétt var neysla Íslendinga fljótari að taka við sér en ferðaþjónustan og því jókst t.d. innflutningur á neysluvörum hraðar en útflutt ferðaþjónusta svo halli varð á viðskiptajöfnuði. Viðsnúningur varð vorið 2023 þegar ferðaþjónustan náði vopnum sínum og snerist þá viðskiptahalli yfir í viðskiptaafgang. Krónan styrktist nokkuð í kjölfarið. Ljóst var að árið 2023 yrði gott ferðmannaár en vangaveltur voru um hversu gott það yrði og hvort metið sem var sett árið 2018 yrði slegið. Á árinu 2023 komu 2,2 milljónir ferðamanna og vantaði því tæplega 100 þúsund farþega uppá að fyrra met yrði slegið.

Í sumar tók að hægja á innlendri eftirspurn og sást það meðal annars á kortaveltu sem dróst saman um tæp 5% milli ára á öðrum ársfjórðungi. Ljóst var að vaxtahækkanir Seðlabankans voru að hafa tilætluð áhrif, þ.e. að draga úr eftirspurn til að minnka verðbólguþrýsting. Þróun kortaveltu á árinu sýnir að aðlögunin á sér stað á öllum vöruflokkum að verslun í stórmörkuðum undanskildum sem má að öllum líkindum rekja til mikillar fólksfjölgunar sem varð á síðasta ári en mannfjöldi jókst um tæp 4% á árinu. Þrátt fyrir að hratt drægi úr innlendri eftirspurn var verðbólga mjög þrálát á árinu. Miklar launahækkanir í lok árs 2022 drógu dilk á eftir sér og ollu því að þjónustuverðbólga var treg á árinu auk þess sem að ekki hefur tekist að slökkva í öllum glæðum á húsnæðismarkaði.

Til tíðinda bar þegar Seðlabanki Íslands hækkaði ekki vexti í október og námu vextir því staðar í 9,25%. Ástæða nefndarinnar var sú að þróun efnahagsstærða hafði verið í takt við væntingar hennar og stutt liðið frá síðasta fundi. Taldi hún því betra að taka ákvörðun í nóvember þegar ný hagspá bankans lægi fyrir. Í millitíðinni hófust jarðhræringar á Reykjanesi og í ljósi þeirrar óvissu sem ríkti um efnahagsleg áhrif jarðhræringanna í nóvember ákvað nefndin að halda vöxtum óbreyttum. Krónan veiktist nokkuð í kjölfar jarðhræringanna og leituðu fjárfestar í var í verðtryggðum skuldabréfum. Hvorki Grindavíkurbær né mikilvægir innviðir eins og virkjun HS orku í Svartsengi urðu fyrir barðinu á eldgosinu í fyrra. En hremmingarnar héldu áfram árið 2024 og ríkir mikil óvissa um efnahagsleg áhrif þeirra. Það tók að létta til á skuldabréfamarkaði undir lok ársins sérstaklega eftir að verðbólga í desember mældist undir væntingum greiningaraðila. Ávöxtunarkrafa lækkaði og verð skuldabréfa hækkaði. Alls hækkaði skuldabréfavísitalan KVIKAXGOVI um 5% á árinu.

Á árinu 2024 munum við sjá hagkerfið leita enn frekar í jafnvægi. Mikill vilji er meðal samningsaðila um að skrifa undir kjarasamninga sem samræmast verðstöðugleika og lækkun vaxta. Jafnframt er vilji til þess að skrifa undir lengri samning sem myndi draga úr óvissu um verðbólgu næstu árin. Að því gefnu gætum við séð verðbólgu hjaðna umtalsvert er stórir mánuðir detta út úr 12-mánaða árstakti verðbólgu. Þá eru nokkrir liðir í verðbólgu sem Seðlabankinn hefur tamið sér að horfa fram hjá. T.d. vaxtakostnaður á húsnæðislán en án hans mælist verðbólga rúm 6% í stað 7,7%. Kjarnavísitala 3 er annar verðbólgu mælikvarði sem tekur út sveiflukennda liði og hún mælist 6,9% en sá mælikvarði er í markmiði ef aðeins er horft til verðbólgu undanfarna sex mánuði (á ársgrundvelli).

Samdráttur einkaneyslu mældist 1,7% á þriðja ársfjórðungi síðasta árs og varð því mikill viðsnúningur á þróun innlenda hagkerfisins á árinu. Áfram mun hægja á hagkerfinu ekki síst fyrir þær sakir að á árinu lýkur fastvaxtatímabili húsnæðislána að upphæð 250 ma. kr. Þetta eru lántakendur sem tóku húsnæðislán þegar húsnæðisvextir voru í lágmarki og munu því þurfa að greiða mun hærri vexti þegar fastvaxtatímabilinu lýkur annars eiga þeir þann kost að fara í skjól verðtryggingar og geta með því móti haldið greiðslubyrði svipaðri.

Minni verðbólga og minni spenna í hagkerfinu mun gera Seðlabankanum kleift að lækka vexti fyrir árslok 2024. Skuldabréfamarkaður er að verðleggja að vextir verði lækkaðir um 1,25 prósent á árinu en ef allt fellur með okkur er mögulegt að Seðlabankinn taki mun stærri skref.

Alþjóðlegir fjárfestar tóku nýju ári 2023 fagnandi þar sem árið 2022 hafði verið eitt það versta á mörkuðum. Hraðasta vaxtahækkunartímabil Seðlabanka Banda-ríkjanna olli miklum verðlækkunum á skuldabréfum sem hafði svo bein áhrif á verðlagningu hlutabréfa svo erfitt var að finna skjól á verðbréfamörkuðum. Árið 2022 var hið þriðja í hundrað ára sögu bandaríska verðbréfamarkaðarins þar sem bæði hluta- og skuldabréf lækkuðu í verði.

Í byrjun árs 2023 mátti þó enn merkja áhrif af áskorunum ársins 2022. Stýrivextir í Bandaríkjunum mældust 5% og höfðu ekki verið hærri síðan árið 2007. Markmið vaxtahækkana var að ná niður verðbólgu sem hafði aukist gríðarlega hratt frá því að samkomutakmörkunum var aflétt eftir COVID-19 heimsfaraldurinn.&nbsp; Verðbólga í Bandaríkjunum hafði þó minnkað umtalsvert frá því að hún náði hámarki í 9% um mitt ár 2022 og mældist rúm 6% janúar. Það er þó þrefalt verðbólgumarkmið Seðlabanka Bandaríkjanna og því ljóst að ekki væri björninn unninn. Fjárfestar voru hins vegar bjartsýnir í byrjun árs og væntingar voru um að hið versta væri yfirstaðið. Talið var að verðbólga myndi hjaðna hratt á árinu sem gæfi seðlabanka Bandaríkjanna svigrúm til þess að lækka vexti fyrir árslok. Kína aflétti samkomu-takmörkunum í janúar og voru væntingar um að það myndi hafa jákvæð áhrif á heimshagkerfið sökum stærðar Kína . Þau fyrirtæki sem höfðu lækkað hvað mest á árinu 2022 í vaxtahækkunarferlinu voru tæknifyrirtæki á borð við Nvidia, Meta (Facebook), Tesla, Amazon, Alphabet (Google) og Microsoft. En samfara væntingum um vaxtalækkanir á árinu voru þessi félög fljót að taka við sér og leiddu hækkanir á hlutabréfamörkuðum allt árið og það var ekki fyrr en síðustu mánuði ársins að markaðurinn tók að rísa heilt yfir.

Töluverður titringur var á erlendum mörkuðum í mars eftir að sextándi stærsti banki Bandaríkjanna, Silicon Valley Bank (SVB) var tekinn yfir af tryggingasjóði innistæðueigenda. Einungis rúmri viku eftir að SVB var tekinn yfir bárust fréttir af yfirtöku í Evrópu. Svissneska bankanum Credit Suisse var bjargað með yfirtöku helsta keppinautar síns, UBS. Í kjölfarið lækkuðu vaxtavæntingar markaðsaðila því markaðsaðilar töldu að&nbsp; Seðlabanki Bandaríkjanna gæti ekki hækkað vexti eins mikið án þess að valda fjármálaóstöðugleika. Óróleikinn í mars dró einnig úr útlánavilja bankakerfisins og var því í raun ígildi vaxtahækkunar. Seðlabanki Bandaríkjanna hækkaði engu að síður vexti um 0,25 prósentur í lok mars og sýndi það að meginverkefni hans og annarra seðlabanka er að ná niður verðbólgu.

Á árinu jókst áhugi fjárfesta á gervigreind (e. artificial intelligence) og áhrif hennar á rekstur skráðra félaga. Þrátt fyrir að fjárfestar ættu erfitt með að setja fingur á það hvaða áhrif gervigreind myndi hafa á heimshagkerfið á næstu árum voru þeir fljótir að stilla upp hvaða félög yrðu fyrst til að nýta sér þróunina. Þau tæknifélög sem höfðu hækkað hvað mest þegar vaxtavæntingar hliðruðust í upphafi árs héldu áfram að hækka og voru búin að auka forskot sitt á önnur fyrirtæki umtalsvert um mitt ár. Í júní höfðu t.d. tíu stærstu félögin í S&amp;P500 hækkað um tæp 50% í verði á sama tíma og hin 490 félögin höfðu nánast ekkert hækkað í verði.

Verðbólga hélt áfram að hjaðna er leið á árið 2023. Um mitt ár mældist hún rúm 3% og var því einungis einu prósentustigi yfir verðbólgumarkmiði Seðlabanka Bandaríkjanna. Kjarnaverðbólga (sem undanskilur sveiflukennda liði líkt og matvörur og eldsneyti) mældist á sama tíma tæp 5% og hafði ekki minnkað jafn mikið og verðbólga. Í kjarnaverðbólgu vegur þjónusta þungt. Eftir að samkomutakmörkunum var aflétt vegna COVID-19 jókst eftirspurn eftir vinnuafli hratt sem gerði það að verkum að laun hækkuðu. Í þjónustugeirum er launakostnaður stór liður og því hefur verð á þjónustu hækkað með hærri launum. Augu seðlabanka og fjárfesta beindust í meira mæli að kjarnaverðbólgu þar sem erfitt getur verið að ná henni niður án þess að atvinnuleysi aukist. Þá breyttust væntingar fjárfesta á þann veg að verðbólga yrði þrálátari og að líklega yrðu vextir ekki lækkaðir á árinu.

Haustmánuðir einkenndust af miklum sveiflum og skoðanaskiptum. Misvísandi skilaboð var hægt að lesa úr hagtölum sem bárust sem ýmist sýndu þess merki að það væri að hægja á hagkerfinu eða að baráttan við verðbólguna yrði lengri en áður var talið. Þróttur bandaríska hagkerfisins reyndist meiri en almennt var búist við sem ýtti undir verðbólgu. Það ásamt&nbsp; áhyggjum af skuldsetningu bandaríska ríkisins leiddi til þess að vextir til lengri tíma náðu nýjum hæðum í haust þegar ávöxtunarkrafa tíu ára bréfa í Bandaríkjunum fór yfir 5% í fyrsta skipti síðan 2007.

Í lok október varð mikill viðsnúningur á tíu ára kröfu í Bandaríkjunum. Seðlabanki Bandaríkjanna hækkaði ekki vexti í október né nóvember og gaf seðlabankastjóri Bandríkjanna í skyn að vaxtatoppinum væri mögulega náð en þar sem enn væri töluverður eftirspurnarþrýstingur í hagkerfinu sló hann það ekki út af borðinu að hækka vexti á ný. Markaðir tóku vel í ákvörðunina og lækkaði ávöxtunarkrafa ríkisskuldabréfa í kjölfarið. Krafan lækkaði frá því í október og út árið um samtals 1,1 prósentustig og hækkuðu hlutabréf töluvert á sama tíma.

Orkuverð hafði mikil áhrif heimshagkerfið árið 2022 eftir innrás Rússa í Úkraínu auk þess sem&nbsp; samtök olíuframleiðsluríkja (OPEC) drógu úr framboði á olíu árið 2022. Í september 2023 tilkynntu Sádar og Rússar að þeir myndu einnig halda framleiðslu niðri út árið. Olíutunnan hækkaði um 10% í kjölfarið en lækkaði er frá leið og er nú á svipuðum stað og fyrir tilkynninguna. Á olíumarkaði vógust á væntingar um minni eftirspurn eftir olíu sökum þess að byrjað var að hægja á heimshagkerfinu, og minna framboð framleiðenda. Í byrjun október var olíu hellt á eldinn þegar Hamas-samtökin skutu skotflaugum frá Gasa-svæðinu til Ísrael og Ísraelsher svaraði með umfangsmiklum aðgerðum. Á svæðinu er að finna stóran hluta af olíubirgðum heimsins og því ljóst að framvinda þessara átaka hefur mikil áhrif á olíuverð.

Greiningaraðilar skipta sér upp í tvo flokka varðandi horfur um þróun markaða á árinu 2024. Sumir telja að verðbólga muni hjaðna það hratt að hægt verði að lækka vexti áður en til efnahagssamdráttar kemur (svokölluð mjúk lending) en aðrir telja það óhjákvæmilegt að hraðasta vaxtahækkunarferli sögunnar hafi í för með sér samdrátt.&nbsp; Viðnámsþróttur Bandaríkjanna í fyrra kom greiningaraðilum flestum á óvart og má líklegast rekja hann til þess að húsnæðislán þar eru með löngum afborgunartíma og hafa vaxtahækkanir því ekki haft jafn mikil áhrif og t.d. í mörgum Evrópuríkjum. Þá var framlag hins opinbera gjöfult í COVID-19 heimsfaraldrinum og mikill sparnaður sem heimilin náðu að safna sér í samkomutakmörkunum. Sá sparnaður virðist þó vera uppurinn. Staðan er önnur í Evrópu en auk vaxtahækkana hefur hækkandi orkukostnaður leikið heimilin grátt þar. Hratt hefur hægt á hagvexti í Evrópu og mældist samdráttur á þriðja ársfjórðungi ársins 2023. Þá eru mörg þróuð ríki mjög skuldsett eftir COVID-19 heimsfaraldurinn og gætu stjórnvöld þurft að fara í sársaukafullar aðgerðir til að draga úr skuldsetningu sem myndi hafa áhrif á efnahagsumsvif, hagvöxt og atvinnuleysi.

Líkur eru á að verðbólga muni nálgast markmið Seðlabanka Bandaríkjanna á árinu og því muni opnast svigrúm til þess að lækka vexti. Skuldabréfamarkaðurinn gerir ráð fyrir að vextir verði lækkaðir um 1,5 prósentustig á árinu í litlum skrefum. Hægja mun á heimshagkerfinu á næstu misserum en þó ekki með þeim hætti að atvinnuleysi muni aukast mikið eða vanskilum fjölga. Hins vegar gæti minni eftirspurn eftir húsnæði leitt til þess að húsnæðisverð lækki með samsvarandi áhrif á efnahagsreikning banka. Það mun hins vegar ekki ógna fjármálastöðugleika þar sem staða bankanna er góð eins og sannreyndist í bankakrísunni í mars í fyrra.

Erlendar hlutabréfavísitölur áttu góðu gengi að fagna í fyrra og hækkuðu umfram væntingar greiningaraðila í upphafi árs 2023 þrátt fyrir mjög hátt vaxtastig. Lækkun stýrivaxta á árinu mun að öðru óbreyttu hafa jákvæð áhrif á alþjóðleg hlutabréfaverð en óvíst er að hve miklu leyti búið er að verðleggja þessar vaxtalækkanir inn í verð hlutabréfa. Engu að síður má búast við sveiflum á hlutabréfaverði á árinu. Á árinu verða kosnir þjóðarleiðtogar margra landa t.d. Bandaríkjanna, Indlands og Taívan, sem gæti haft áhrif á samspil þjóða. Þá er enn stríð í Evrópu og óeirðir í Mið-Austurlöndum sem gætu undið upp á sig. Þróun gervigreindar skipaði stóran sess í umfjöllun á mörkuðum árið 2023 og mun líklega halda áfram inn á nýtt ár. Árið gæti varpað hulunni af því hvar áhrifin af gervigreind verða mest á nútímasamfélag og hverjir munu njóta mest ábata af henni.

Samantekt Kviku eignastýringar yfir árið 2023 og horfur fyrir árið 2024.

Fréttabréf Kviku eignastýringar í ársbyrjun 2024

Kvika eignastýring hf. er í hópi íslenskra fyrirtækja sem Creditinfo veitir viðurkenningu sem Framúrskarandi fyrirtæki ellefta árið í röð. Einungis um 2% fyrirtækja á Íslandi hljóta viðurkenninguna á hverju ári. Creditinfo setur ströng skilyrði við valið sem grundvallast á því að fyrirtæki byggi rekstur sinn á sterkum stoðum til langs tíma og efli hag fjárfesta og hluthafa.

Kvika eignastýring hefur einnig hlotið viðurkenningu sem Fyrirmyndarfyrirtæki í rekstri 2023 að mati Viðskiptablaðsins og Keldunnar. Þetta er sjöunda árið í röð sem félagið hlýtur þessa viðurkenningu.

„Ég er virkilega stoltur að Kvika eignastýring hljóti þessar tvær viðurkenningar og eru þær staðfesting á því öfluga starfi sem starfsfólk félagsins vinnur á hverjum degi. Að fá viðurkenningar er okkur hvatning til að halda áfram þeirri góðu stefnu félagsins að veita viðskiptavinum okkar fyrsta flokks þjónustu.“

Hannes Frímann Hrólfsson, framkvæmdastjóri Kviku eignastýringar.


Kvika eignastýring hf. er í hópi framúrskarandi og fyrirmyndarfyrirtækja 2023.

Kvika eignastýring hf. hagnaðist um 942 milljónir króna fyrir skatta á árinu 2022 og voru heildarrekstrartekjur félagsins 2.915 milljónir króna.

Eignir í stýringu námu alls 452 ma.kr. í árslok, samanborið við 468 ma.kr. árið áður. Sjóðir og söfn í stýringu félagsins fóru ekki varhluta af lækkandi eignaverði í kjölfar erfiðleika á eignamörkuðum á árinu. Þrátt fyrir það var nettó jákvætt innflæði inn í sjóði og söfn félagsins og jók Kvika eignastýring markaðshlutdeild sína í opnum sjóðum fyrir almenna fjárfesta á árinu 2022 um 20%, úr 8,7% í 10,4%.

Helstu niðurstöður ársreiknings 2022 eru þessar:

Hagnaður ársins fyrir skatta nam 942 milljónum króna samanborið við 1.113 milljónir króna árið áður.

Hreinar rekstrartekjur voru 2.913 milljónir króna samanborið við 3.054 milljónir króna árið 2021.

Eigið fé félagsins í árslok var 3.183 milljónir króna.

Eignir í stýringu í árslok námu 452 milljörðum króna en þær lækkuðu um 16 milljarða króna á árinu 2021 eða um 3%.

Í árslok voru 56 sjóðir í rekstri hjá félaginu, þar af 8 samlagshlutafélög og eitt samlagsfélag.

Stjórn Kviku eignastýringar hefur lagt fram tillögu á aðalfundi um að greiddur verði 750 m.kr. arður til hluthafa, en arðgreiðsla árið 2022 nam alls 1.265 milljónum króna. Kvika eignastýring hf. er dótturfélag Kviku banka hf. og hluti af Kviku samstæðunni.

Hannes Frímann Hrólfsson, framkvæmdastjóri Kviku eignastýringar:

„Árið 2022 var gott ár hjá Kviku eignastýringu þrátt fyrir áskoranir á fjármálamörkuðum. Ánægjulegt er að sjá að grunnrekstur félagsins heldur áfram að styrkjast og jákvætt innflæði var í sjóði og söfn í stýringu félagsins þrátt fyrir neikvæða ávöxtun. Í lok árs stigum við mikilvæg skref í stafrænni vegferð félagsins með útgáfu smáforritsins Kvika verðbréf sem gerir viðskiptavinum kleift að fá góða yfirsýn yfir verðbréfasöfn sín með einföldum hætti. Þessi árangur veitir okkur bjartsýni og kraft til þess að halda áfram að veita viðskiptavinum fjölbreytt vöruframboð og framúrskarandi þjónustu.“

kvika-eignastyring-arsreikningur-31.12.2022.pdf

Kvika eignastýring hf. hagnaðist um 942 milljónir króna fyrir skatta á árinu 2022 og voru..

Ársreikningur Kviku eignastýringar hf. 2022

Kvika Reykjavík Open skákmótið hófst 29. mars og stendur mótið til 4. apríl. Kvika eignastýring og Brim eru aðalstyrktaraðilar mótsins. Þetta er í 37. sinn sem mótið fer fram en fyrst var það haldið 1964.

Mettþátttaka er á mótið í ár og eru um 400 keppendur skráðir til leiks en fyrra met var sett 2015 þegar 272 keppendur tóku þátt. Um 85 íslenskir skákmenn eru skráðir á mótið í ár. Fjölmargir erlendir keppendur taka þátt í ár en samtals eru skákmenn frá 47 löndum, þar af 60 Þjóðverjar en þeir eru fjölmennastir erlendra keppenda. Sex íslenskir stórmeistarar taka þátt en samtals eru 34 stórmeistarar sem taka þátt og er það metþátttaka.

Daníel Þór Magnússon, sjóðstjóri hjá Kviku eignastýringu, lék fyrsta leikinn í einvígi úkraínska alþjóðameistarans Vasyl Ivanchuk og stórmeistarans Evgenios Ionnidis. Vasyl Ivanchuk er stigahæsti skákmaðurinn á mótinu í ár. Næstir á eftir honum koma Nils Grandelius og Aryna Tari en þeir koma frá Svíþjóði og Noregi.

Aría Björk Daníelsdóttir varð yngsti keppandinn í sögu Reykjavíkurskákmótsins til þess að vinna skák á mótinu. Aría Björk er 6 ára gömul en andstæðingur hennar sem hún sigraði er 62 ára. Aría Björk er dóttir Daníels Þórs, sjóðstjóra og fulltrúa Kviku eignastýringar á mótinu.

Mótið fer fram í Hörpu og geta allir skákáhugamenn mætt og fylgst með. Aðgangur er ókeypis en einnig er hægt að fylgjast með á https://www.reykjavikopen.com.

Kvika Reykjavík Open skákmótið hófst 29. mars og stendur mótið til 4. apríl. Kvika eignastýring...

Kvika Reykjavíkurskákmótið í fullum gangi

Kvika hefur gefið út sjálfbærniskýrslu fyrir árið 2022 og er það í annað skipti sem Kvika gefur út slíka skýrslu. 

UFS-leiðbeiningum Nasdaq (ESG Reporting Guide 2.0) er fylgt við gerð skýrslunnar en einnig eru nýjustu útgáfur Global Reporting Initiative staðlanna (GRI 2021) hafðar til hliðsjónar og viðeigandi vísum svarað. 

Skýrslan er gefin út samhliða ársreikningi Kviku og dótturfélaga og er ætlað að gefa heildstæða mynd af rekstri félagsins og árangri þess í málefnum sem snerta sjálfbærni, umhverfis- og félagsmál, sem og að veita upplýsingar um stjórnarhætti (UFS). 

Í skýrslunni má finna kafla um ábyrgar fjárfestingar Kviku eignastýringar en þróun áherslna á sjálfbærni má rekja allt til ársins 2008 þegar fyrsti framtakssjóðurinn í rekstri félagsins, þar sem tekið er mið af UFS-þáttum í fjárfestingarferlinu, var stofnaður. Frá árinu 2017 hefur enn frekari þróun átt sér stað og margt hefur gerst á liðnu ári. Helstu verkefni á árinu 2022 sem falla undir stefnu Kviku eignastýringar um ábyrgar fjárfestingar og áherslur sjálfbærnistefnu samstæðunnar er undirbúningur UFS-miðaðra sjóða, þróun UFS-áhættumats á innlendum eignum og aukin umræðu og þekking á sjálfbærni innan félagsins.

Kaflinn um ábyrgar fjárfestingar Kviku eignastýringar hefur verið birtur á heimasíðu félagsins hér.

sjalfbaernisskyrsla-kviku-15-feb-2022.pdf

Kvika hefur gefið út sjálfbærniskýrslu fyrir árið 2022 og er það í annað skipti sem Kvika gefur...

Kvika eignastýring birtir upplýsingar um þróun ábyrgra fjárfestinga fyrir árið 2022

Þegar líða tók á seinni hluta ársins 2021 var heimshagkerfið búið að ná sér á strik eftir afleiðingar COVID-19 faraldursins. Atvinnuleysi og hagvöxtur í mörgum af stærstu hagkerfum heimsins var komið á svipaðar slóðir og fyrir útbreiðslu farsóttarinnar og staða heimilanna var almennt nokkuð góð. Vaxtalækkanir og stuðningur hins opinbera bættu fjárhag heimilanna á sama tíma og samkomutakmarkanir og landamæralokanir takmörkuðu mjög möguleikana á eyðslu í ákveðnum neysluflokkum líkt og ferðalög . Eftirspurn eftir vörum jókst á sama tíma og framleiðsluhlið heimshagkerfisins hafði ekki náð fullri framleiðslugetu. Við þetta ójafnvægi varð til skortur á aðföngum, þ.e. vinnuafli, orku og öðrum íhlutum (t.d. örgjörvum). Við þetta bættist hár flutningskostnaður og mikið álag á flutningskeðjur sem jók enn á vandamálið. Niðurstaðan var sú að verð á vörum tók að hækka og var verðbólga um 7% í Bandaríkjunum í lok árs 2021 og hafði ekki verið hærri í næstum fjóra áratugi.

Í upphafi árs 2022 var hratt hækkandi verðbólga í brennidepli hjá markaðsaðilum. Umræðan snerist helst um það hversu langvarandi verðbólguskotið mynda vera og hversu mikið eða lítið seðlabankar heimsins ættu eða þyrftu að bregðast við. Hluti markaðsaðila trúði því að verðbólguskotið yrði skammlíft, þ.e. að verðbólgan myndi minnka hratt er framleiðsluhlið heimshagkerfisins kæmist í eðlilegra horf. Aðrir voru þeirrar skoðunar að verðbólgan yrði langlífari þar sem sterkir vinnumarkaðir myndu valda launahækkunum og illa gengi að greiða úr framleiðslu- og flutningshnökrum sem höfðu myndast í COVID-farsóttinni.  Þessar skiptu skoðanir leiddu til þess að óvissa jókst á eignamörkuðum.

Vonir þeirra markaðsaðila sem trúðu því að ekki þyrfti á miklum stýrivaxtahækkunum að halda til að temja verðbólguna brustu í febrúar í kjölfar innrásar Rússa inn í Úkraínu. Orku- og hrávöruverð rauk upp, skortur á aðföngum jókst á ný og verðbólgan hélt áfram að aukast. Ljóst var að seðlabankar þyrftu að bregðast hratt og örugglega við, sem þeir gerðu. Seðlabanki Bandaríkjanna hækkaði stýrivexti um 0,25 prósent í mars 2022 en um 4,25 prósent samanlagt á árinu 2022.

Eftir innrásina bárust nánast daglega fréttir af nýjum viðskiptaþvingunum í garð Rússa. Þvinganir og almenn óvissa vegna stríðsins olli miklum og mögulega langvarandi truflunum á alþjóðlega hrávöru– og orkumarkaði. Viðskiptaþvinganir og hækkandi stýrivextir leiddu einnig til þess að hagvaxtarhorfur fóru hratt versnandi og þá sérstaklega í Evrópu. Samfara þeirri óvissu sem ríkti um framvindu stríðsins töldu markaðsaðilar að seðlabankar myndu hækka vexti hægt þar sem óvissan var mikil. Það kom því mörgum á óvart hversu miklar og hraðar stýrivaxtahækkanir voru á árinu og hversu harðorð peningamálayfirvöld voru. Hröð hækkun stýrivaxta leiddi til þess að ávöxtunarkröfur á skuldabréfamörkuðum ruku upp, áhættufælni og óvissa greip um sig og eignamarkaðir, bæði hlutabréfa og skuldabréfa, lækkuðu.

Harðar aðgerðir og harður tónn peningmálayfirvalda virtust á tímabili reyna á þolmörk fjármálamarkaða og þótti mörgum að fjármálastöðugleika væri ógnað. Í Bretlandi neyddist til að mynda Englandsbanki til þess að stíga inn á skuldabréfamarkað með kaupum á ríkisskuldabréfum, eftir áhlaup á breska lífeyrissjóði sem neyddi þá síðarnefndu til þess að selja skuldabréf í stórum stíl. Ávöxtunarkrafa hækkaði ótrúlega eða um tæp 3 prósent á skömmum tíma og gaf gengi pundsins verulega eftir. Úr þessum viðbrögðum gátu markaðsaðilar lesið að seðlabankar myndu minnka aðhaldsstigið til þess að tryggja fjármálastöðugleika.

Á seinni hluta ársins 2022 voru áfram miklar sveiflur á eignamörkuðum þar sem markaðsaðilar voru mjög næmir fyrir birtingu nýrra hagtalna og skilaboðum seðlabanka. Markaðsaðilar reyndu að meta hvort hið versta væri yfirstaðið, verðbólga væri búin að ná hámarki og rými væri til að hægja á stýrivaxtahækkunum eða jafnvel hefja vaxtalækkunarferlið. Augu allra voru á bandaríska vaxtamarkaðnum en stærð og mikilvægi hans gerir hann að ákveðnum grunni fyrir aðra vaxtamarkaði heimsins og því skiptir vaxtastigið þar miklu máli fyrir eignamarkaði heimsins. Vísbendingar um minnkandi verðbólguspennu í Bandaríkjunum gáfu markaðsaðilum von um að ekki þyrfti að hækka stýrivexti jafn mikið og ella. Þær hleyptu því á tímabilum miklu lífi í bandarískan eignamarkað sem smitaðist til annarra landa. En sömuleiðis leiddu verri verðbólguhorfur til tímabila þar sem svartsýni réð ríkjum og eignamarkaðir lækkuðu. Miklar sveiflur í ávöxtun á milli tímabila var því einkennandi fyrir árið 2022.

Bandaríkjadalur var í miklum styrkingarham á árinu 2022 en sem dæmi þá styrktist Bandaríkjadalur um tæp 6% gagnvart evru. Hagvaxtarhorfur í Bandaríkjunum eru heldur skárri en í öðrum stórum hagkerfum heims og á síðustu mánuðum hefur Seðlabanki Bandaríkjanna hækkað stýrivexti hraðar en aðrir stórir seðlabankar heimsins. Þessir þættir skýra að mestu leiti styrk Bandaríkjadals á árinu sem leið. Þar að auki er algengt að fjárfestar leiti í Bandaríkjadal þegar óvissa á mörkuðum eykst.

Þrátt fyrir miklar lækkanir á erlendum hlutabréfamörkuðum árið 2022 voru það erlendir skuldabréfamarkaðir sem komu markaðsaðilum almennt hvað mest á óvart. Hraðar og miklar stýrivaxtahækkanir hjá stærstu seðlabönkum heimsins voru töluvert umfram væntingar markaðsaðila sem leiddi til þess ávöxtunarkröfur ruku upp. Ávöxtunarkrafa á 10 ára bandarískum ríkisskuldabréfum hækkaði til að mynda úr 1,5% í 3,9% á árinu.  Sambærilegar hækkanir á ávöxtunarkröfum mátti sjá víðs vegar um heiminn. Hækkun ávöxtunarkrafna lækkar virði skuldabréfa sem veldur neikvæðri ávöxtun og lækkaði heimsvísitala skuldabréfa (Bloomberg Global Aggr. Index), mæld í Bandaríkjadal, um 16% á árinu. Slík verðlækkun á skuldabréfamarkaði hefur ekki sést í tugi ára. Þegar illa árar í hagkerfinu, líkt og árið 2022, leita fjárfestar gjarnan í skjól í skuldabréfum en það er ljóst að í fyrra var ekkert skjól að finna.

Ávöxtun heimsvísitölu hlutabréfa var slök á árinu 2022 en alls lækkaði heimsvísitalan um 18%, mæld í Bandaríkjadal. Lækkun hlutabréfa hefur verið sambærileg milli landsvæða en einstaka lönd líkt og t.d. Rússland og Kína urðu verr úti. Hlutabréfamarkaður Rússlands lækkaði meira en annarra landa vegna ítrekaðra viðskiptaþvingana sem voru lagðar á Rússland. Í Kína höfðu neikvæðar hagvaxtarhorfur afar neikvæð áhrif á eignamarkaði. Sterkari Bandaríkjadalur ásamt vandræðum á kínverska fasteignamarkaðnum skýra einnig veikari ávöxtun kínverska markaðarins á síðasta ári.

Þrátt fyrir að lækkun hlutabréfa hafi verið nokkuð jöfn milli landsvæða þá var töluverður munur á ávöxtun atvinnugreina. Tæknigeirinn átti undir högg að sækja, en á árinu lækkaði Nasdaq vísitalan í Bandaríkjunum (sem inniheldur mörg tæknifyrirtæki) um 32%. Hærri vextir hafa sögulega haft slæm áhrif á tæknifyrirtæki sem þurfa gjarnan að reiða sig á góð fjármögnunarkjör til að knýja áframhaldandi vöxt og höfðu hækkandi vextir í fyrra slæm áhrif á tæknifyrirtæki. Fyrirtæki í orkugeiranum hækkuðu hins vegar nokkuð samfara hækkandi orkuverði en heimsvístala MSCI fyrir fyrirtæki í orkugeiranum hækkaði um tæp 48% á síðasta ári.

Hagvaxtarspár erlendra greiningaraðila gera almennt ráð fyrir því að stærstu hagkerfi heimsins eigi eftir að fara inn í stutt samdráttarskeið í kringum miðbik ársins 2023. Almennt er gert ráð fyrir því að verðbólga muni ná hámarki á árinu, í þeim tilfellum þar sem hún hefur ekki þegar gert það, og byrja svo að hjaðna. Við slíkar aðstæður myndast tækifæri fyrir seðlabanka til þess að draga úr aðhaldsstiginu og lækka vexti. Til að mynda hefur skuldabréfamarkaðurinn, þegar þetta er skrifað, verðlagt stýrivaxtalækkun í Bandaríkjunum fyrir árslok 2023. Lægri vextir ættu að styðja við eignaverð, bæði skuldabréf og hlutabréf, en vegna minnkandi umsvifa í heimshagkerfinu þurfa fjárfestar á hlutabréfamarkaði að setja sér hóflegar væntingar um ávöxtun. Um þetta ríkir þó mikil óvissa og ef verðbólga reynist þrálát kann að vera að stýrivextir haldist háir lengur en verðlagning markaðarins segir til um.

Sterkur vinnumarkaður og sterkur efnahagur heimila vega á móti verri hagvaxtarhorfum, en almennt er gert ráð fyrir að samdrátturinn verði grynnri í Bandaríkjunum en til að mynda í Evrópu. Seðlabanki Bandaríkjanna hóf vaxtahækkunarferli sitt fyrr og því er ekki von á jafnmiklum vaxtahækkunum þar og í Evrópu. Evrópa er þessu til viðbótar enn að glíma við afleiðingar innrásar Rússa í Úkraínu og hefur hækkun orkuverðs í Evrópu bein áhrif á útgjöld heimilanna auk þess sem óvissa vegna stríðsins heldur óvissustiginu háu.

Töluverð óvissa ríkir um stöðuna í Kína. Kína er næstum eina landið í heiminum sem var ekki að glíma við verðbólgu í fyrra. Þar er því rými til að halda áfram að prenta peninga og halda vaxtastigi lágu sem ætti að gefa hagkerfinu byr undir vængi. Mikil eftirvænting ríkir einnig meðal markaðsaðila um hversu vel til tekst að aflétta COVID-19 takmörkunum sem hafa verið við lýði síðustu þrjú ár. Ljóst er að þegar létt verður á takmörkunum mun smitum fjölga og óljóst er hvernig heilbrigðiskerfið ræður við það. Þegar framleiðsla í Kína kemst í eðlilegt horf mun hagvöxtur aukast sem mun hafa jákvæð áhrif á viðskiptalönd Kína vegna stærðar þess.

Miðað við ofangreint gerum við ráð fyrir að hið versta sé yfirstaðið. Verðbólga og vextir hafi náð hámarki eða séu nærri því og það muni draga úr óvissu þegar líður á árið. Hins vegar má gera ráð fyrir áframhaldandi flökti á eignamörkuðum þar til að ljóst er að vaxtahækkunarferlinu sé lokið. Ávöxtunarkrafa á skuldabréfamarkaði er mjög há í sögulegu ljósi og teljum við því hann vera orðinn mjög álitlegan fjárfestingarkost.  Ólíkt skuldabréfamarkaði þá eru vísbendingar um að hlutabréfamarkaður sé ekki búinn að verðleggja verri hagvaxtarhorfur sem kann að hafa neikvæð áhrif þegar nýjar afkomuspár verða birtar á árinu. Þó verður einnig að horfa til þess að hlutabréf tóku út nokkuð stóra leiðréttingu á árinu 2022 og því er verðlagning hagstæð. Horft niður á landsvæði, þá er talið að bandarískur hlutabréfamarkaður verði með yfirhöndina í ár þar sem hagvaxtarhorfur séu betri þar en t.d. í Evrópu. Margir kaupendur hlutabréfa munu horfa til þess að seðlabankar hafa á síðustu árum verið fljótir að snúa sér og stutt ríkulega við hagkerfin t.d. með vaxtalækkunum og munu gera það þegar verðbólgudraugurinn hefur verið kveðinn niður.

Hröð hækkun verðlags var einnig vandamál hér á landi árið 2022. Verðbólgan hér var hins vegar annars eðlis en erlendis þar sem rúmlega helming hennar mátti rekja til húsnæðisverðshækkana. Evrópa var hins vegar að kljást við orkukrísu og var um helmingur af verðbólgunni þar hækkandi orkuverð en í Bandaríkjunum vó matarverðbólga mest. Seðlabanki Íslands lét ekki sitt eftir liggja og hélt áfram vaxtahækkunarferli sem hann hóf í maí 2021 og hækkaði vexti á árinu um samanlagt fjögur prósentustig. Því til viðbótar lækkaði fjármálastöðugleikanefnd Seðlabankans hámark veðsetningarhlutfalls fasteignalána fyrir fyrstu kaupendur og setti frekari kröfur við útreikning greiðslubyrðar í reglum fasteignalána sem voru til þess fallin að kæla húsnæðismarkaðinn. 

Bein neikvæð áhrif innrásar Rússa í Úkraínu voru lítil hér á landi í samanburði við önnur lönd. Hækkun hrávöruverðs olli því m.a. að eldsneytisverð hækkaði en sömuleiðis hækkaði álverð og verð sjávarafurða svo viðskiptakjör okkar bötnuðu í raun á árinu.

Nú er gert ráð fyrir að hagvöxtur ársins 2022 hafi verðið tæp 6%, samkvæmt spá Seðlabankans og var drifinn áfram af miklum vexti innlendrar eftirspurnar. Þá er talið að einkaneysla hafi aukist um 7% sem má að mestu rekja til aukinna útgjalda Íslendinga erlendis, en staða heimilanna var afar góð þar sem mikill sparnaður hafði safnast upp á tímum COVID-19 farsóttarinnar. Samhliða auknum ferðavilja Íslendinga fjölgaði erlendum ferðamönnum hingað til lands þegar ferðatakmörkunum var aflétt í febrúar. Hingað til lands komu um 1,7 milljón ferðamanna á árinu 2022 og var eyðsla á hvern ferðamann meiri en fyrir útbreiðslu faraldursins. Tekjur af erlendum ferðamönnum voru þó ekki nægar til þess að skila afgangi á viðskiptajöfnuði því útgjöld Íslendinga erlendis vógu þungt á móti. Þetta auk annarra þátta, olli því að krónan veiktist og gengi evrunnar hækkaði um tæp 3% á árinu.

Atvinnuleysi lækkaði úr 5% í rúm 3% á árinu og var miklum skorti á starfsfólki mætt með innflutningi starfsfólks. Mikil spenna ríkti því á vinnumarkaði þegar lífskjarasamingarnir runnu sitt skeið í lok nóvember. Mikilli óvissu var aflétt þegar kjarasamningar milli SGS og VR voru undirritaðir í desember. Í ljósi mikillar verðbólgu var niðurstaðan stuttur samningur með tæplega 7% launahækkunum. Samningar hafa þó ekki náðst milli SA og Eflingar og hefur Efling boðað verkföll.

Hratt hækkandi stýrivextir leiddu til hækkunar ávöxtunarkröfu skuldabréfa. Hærri ávöxtunarkrafa lækkar virði skuldabréfa og lækkaði nafnávöxtun ríkisskuldabréfavísitölu Kviku eignastýringar (KVIKAGOVI) um 2,7% á árinu. Óverðtryggði hluti vísitölunnar lækkaði um 4,1% en sá verðtryggði lækkaði um 0,2%. Vextir á markaði hér heima hækkuðu um rúmlega 3 prósentustig á stutta enda vaxtaferilsins samhliða stýrivaxtahækkunum Seðlabankans.

Titringur var á skuldabréfamarkaði eftir að fjármálaráðherra tilkynnti í lok október tillögur að lausn ÍL-sjóðs (gamla Íbúðalánasjóðs). Tillaga fjármálaráðherra er að semja við kröfuhafa (sem eru að mestu leyti lífeyrissjóðir en einnig stofnanir, félög og einstaklingar) en takist það ekki verði ÍL-sjóður settur í gjaldþrotaskipti með lagasetningu eftir áramót. Samkvæmt áliti fjármálaráðherra er ríkissjóður einungis í einfaldri ábyrgð gagnvart ÍL-sjóði sem þýðir að fari sjóðurinn í gjaldþrot mun ríkið einungis þurfa að greiða höfuðstól, áfallna vexti og verðbætur til skuldabréfaeigenda en ekki fullt markaðsvirði sem var mun hærra fyrir tilkynningu ráðherra.  Frá tilkynningunni hefur ávöxtunarkrafa skuldabréfa Íbúðalánasjóðs hækkað og verð þeirra því lækkað og eru bréfin nú á uppreiknuðu verði í Kauphöllinni. Í kjölfar tillögu fjármálaráðherra létu lífeyrissjóðirnir vinna lögfræðiálit þar sem fram kemur að fyrirhuguð lagasetning fjármálaráðherra brjóti í bága við stjórnarskrá og mannréttindasáttmála Evrópu. Jafnframt kemur þar fram að fjármálaráðherra beri beina ábyrgð á skuldbindingum ÍL-sjóðs eftir þær breytingar sem urðu á Íbúðalánasjóði við lagabreytingu árið 2019 en þá var sjóðnum skipt upp og ÍL-sjóður rann inn í fjármálaráðuneytið. Það verður því fróðlegt að fylgjast með framvindu þessa máls á næstu misserum.

Margt bendir til þess að verðbólga hér að landi hafi toppað og muni fara hratt hjaðnandi á næstu mánuðum. Tölur á fasteignamarkaði benda til þess að markaðurinn sé að kólna hratt og því allar líkur á því að við munum sjá áhrif þess á komandi mánuðum í verðbólgunni. Sá þáttur verðbólgunnar sem gæti helst haft áhrif til hækkunar væri innfluttar vörur en þrátt fyrir umræðu um hækkandi framleiðslu- og afurðaverð erlendis er 12 mánaða hækkunartaktur innfluttra vara í vísitölu neysluverðs einungis 7%. Stóra spurningin varðandi verðbólguna er þó krónan. En áfram er búist við halla á viðskiptajöfnuði. Gengi evru hefur hækkað um rúm 2% það sem af er ári og er nú um 154 gagnvart krónu og hefur ekki verið hærra síðan snemma árs 2021. Gengi Bandaríkjadals  hækkað nánast stöðugt síðasta ár gagnvart flestum myntum og um rúm 11% gagnvart krónu á síðustu 12 mánuðum. Ef bandaríski Seðlabankinn heldur áfram að koma markaðnum á óvart með meiri vaxtahækkunum og vaxtamunur við Ísland minnkar er hætt við því að vextir á Íslandi þurfi að hækka til að koma í veg fyrir frekari þrýsting til veikingar krónunnar.

Ferðaþjónustan hefur náð vopnum sínum aftur eftir COVID-19 en nokkuð líklegt er að árið 2023 verði krefjandi sökum mikillar verðbólgu og skertra lífskjara á heimsvísu. Hlutfall bandarískra ferðamanna hefur hins vegar verið hátt hér á landi en við höfum mun minni áhyggjur af ferðamönnum þaðan þar sem sterkt gengi Bandaríkjadals gerir það að verkum að Ísland er ódýrara en áður fyrir þá. Þrátt fyrir að stór hluti vinnumarkaðarins undirritaði kjarasamninga nú í desembermánuði verður að teljast áhyggjuefni að þeir kjarasamningar sem eftir eru standa í lausu lofti og ekki útlit fyrir að sátt náist milli aðila án átaka.

Verðbólguálag á íslenskum skuldabréfamarkaði hefur lækkað nokkuð eftir að hafa toppað í kjölfarið innrásar Rússa í Úkraínu. Sögulega séð er þó verðbólguálag enn hátt (5 ára álag stendur í 4,5%) sem kemur til vegna mikillar óvissu á mörkuðum. Horft til framvirkra vaxta á óverðtryggðum ríkisskuldabréfum gerir íslenskur skuldabréfamarkaður ráð fyrir því að stýrivextir verði komnir í rúmlega 7% um mitt  ár sem gerir um eins prósents hækkun á næstu mánuðum. Það er svo ekki fyrr en um mitt ár 2025 að framvirkir vextir taka að lækka, þó ekki nema í 6%. Að okkar mati er þetta ólíkleg sviðsmynd en líklega mun þróun krónunnar á næstu misserum hafa töluverð áhrif á viðbrögð Seðlabankans.

Innlendur hlutabréfamarkaður átti undir högg að sækja líkt og erlendir hlutabréfamarkaðir á árinu 2022. Vaxtahækkanir erlendis og hér heima og óvissa tengd þeim höfðu neikvæð áhrif á markaðinn og þrátt fyrir að horfur hér heima væru betri virtist sem slæmar fréttir fyrir utan landsteinana hefðu meiri áhrif en góð staða fyrirtækja hér á landi. Úrvalsvísitalan (OMXI10) lækkaði um 27% á árinu, þó lækkunin hafi verið öllu minni þegar heildarvísitala allra félaga (OMXIGI) er skoðuð, eða 12%. Iceland Seafood rak lestina og lækkaði um 59% en Marel um tæp 44%. Þrátt fyrir erfitt ár þá hækkaði um þriðjungur af félögunum í Kauphöllinni í virði. Origo hækkaði t.d um 38% og Síldarvinnslan um 20%.

Markaðurinn tók hins vegar jákvæðum breytingum á árinu er fjögur ný félög voru skráð á markað. Það styrkir innlendan hlutabréfamarkað að mörg og fjölbreytt fyrirtæki séu skráð á hann m.a. til þess að auka áhættudreifingu. Ölgerðin og Nova voru skráð á Aðalmarkað en Amaroq og Alvotech á First North markaðinn. Hið síðarnefnda var síðan flutt á Aðalmarkað í desember síðastliðinn.

Mikil eftirvænting var eftir uppfærslu íslenska hlutabréfamarkaðarins í flokk nýmarkaðsríkja FTSE-Russell. Væntingar voru um talsvert erlent flæði í hlutabréf frá erlendum vísitölusjóðum sem myndi hleypa miklu lífi í hlutabréfamarkaðinn sem hafði átt erfitt uppdráttar. Lagt var upp með að uppfærslan yrði gerð í þremur skrefum og fyrsta skrefið var tekið í september. Margir höfðu ef til vill spennt bogann of hátt og sátu eftir með sárt ennið þegar ljóst varð að kaupvilji erlendra aðila mætti ekki söluvilja innlendra aðila svo þrýstingur varð á hlutabréfaverð og niðurstaðan sú að hlutabréfaverð lækkaði í stað þess að hækka. Seinna skrefið, sem var í desember, gekk áfallalaust fyrir sig og virðist sem innlendir aðilar hafi mætt til leiks með hófstilltari væntingar. Síðasta skrefið verður tekið í mars á þessu ári. Þrátt fyrir hnökra við innkomu erlendra vísitölusjóða mun flokkunin styðja við hlutabréfamarkaðinn og von er á að hlutabréfamarkaðurinn fái sambærilega flokkun hjá MSCI fljótlega.

Nokkur stór viðskipti urðu á árinu. Síminn seldi Mílu til erlendra aðila fyrir rúma 70 ma.kr. og Origo seldi allan hlut sinn í Tempo fyrir 29 ma.kr. Við þessi viðskipti losnuðu talsverðir fjármunir sem kunna að hafa leitað aftur inn á markaðinn. Síldarvinnslan festi kaup á Vísi í Grindavík og keypti einnig um þriðjungshlut í fiskeldisfélaginu Arctic Fish. Brim gekk frá samkomulagi um kaup á 50% hlut í Polar Seafood. Hampiðjan keypti norska félagið Mörenot fyrir um 15 ma.kr. með fyrirvara um samþykki samkeppnisyfirvalda. Umtalaðasta sala ársins var hins vegar sala íslenska ríkisins á 22,5% eignarhlut í Íslandsbanka í mars og eigum við enn eftir að sjá lokaniðurstöðu hennar.

Eftir þungt síðasta ár er það huggun harmi gegn að árið fer vel af stað og hefur íslenski markaðurinn hækkað um meira en 5% það sem af er janúar. Hækkunin er drifin áfram af hækkunum í Marel og Alvotech. Fram undan eru áhugaverðir mánuðir á fjármálamörkuðum enda eru markaðir í þróuðu ríkjum að segja skilið við eitt versta ár þegar horft er til afkomu skuldabréfa og hlutabréfa. Þótt miklar lækkanir á hlutabréfum á einu ári skili oftast góðri ávöxtun í kjölfarið, er mikilvægt að hafa í huga þá óvissu sem ríkir er varðar verðbólguþróun og viðbrögð seðlabanka. Spár flestra greiningaraðila er á þá vegu að Evrópa sé að sigla inn í stutt samdráttarskeið en horfurnar fyrir Bandaríkin eru eilítið betri. Verri alþjóðlegar hagvaxtarhorfur eru líklegri til að hafa neikvæð áhrif á hlutabréf á fyrri helmingi ársins hið minnsta. Horfur fyrir Ísland eru hins vegar góðar. Væntingar eru um góðan rekstur ferðaþjónustunnar í ár auk þess sem verð sjávarafurða er í sögulegum hæðum og fátt bendir til verulegra lækkana þar. Útlitið er því gott hjá útflutningsgreinum sem mun hafa jákvæð áhrif á innlent hagkerfi.

Marel glímdi við brostnar aðfangakeðjur og hækkandi afurðaverð sem kom niður á afkomu þess í fyrra. Við teljum þessa erfiðleika tímabundna og fljótlega á árinu munu framlegðarhlutföll ná eðlilegri gildum. Pantanastaðan er góð og samlegðaráhrif af kaupum félagsins á Wenger eiga eftir að skila sér. Auk þess er framtíðarsýn fyrir félagið óbreytt, þ.e. fyrirséð er að eftirspurn eftir rafrænum framleiðslueiningum í matvælaiðnaði muni aukast til muna, m.a. vegna síhækkandi launakostnaðar og skorts á starfsfólki í kjötframleiðslu.

Alvotech varð í sumar fyrsta íslenska félagið til að vera skráð bæði á markað í Bandaríkjunum og á Íslandi. Alvotech er líftæknifyrirtæki sem hefur byggt upp sérhæfða hátæknimiðstöð hér á landi með allri aðstöðu á einni hendi til þróunar og framleiðslu á líftækni hliðstæðulyfjum. Fyrsta vara félagsins er hliðstæða við gigtarlyfið Humira. Sala og dreifing er þegar hafin í Kanada og Evrópu og er gert ráð fyrir að hún hefjist í Bandaríkjunum í júlí. Vöxtur félagsins hefur verið mikill og þegar þetta er ritað er Alvotech orðið stærsta félagið í Kauphöllinni. Félagið hefur hækkað um fimmtung það sem af er ári, eftir nærri 60% hækkun í desember síðastliðnum. Tilkynning í desember um að bandaríska lyfjaeftirlitið (FDA) hafi lokið skoðun á umsókn um markaðsleyfi AVTO2 og staðfest útskiptileika og tilkynning í byrjun janúar um samþykki FDA að taka fyrir umsókn um markaðsleyfi fyrir nýju lyfi (ATV04) voru helstu hvatar að þessum miklu hækkunum.

Okkar mat er að bankar muni áfram skila góðri afkomu og ávöxtun í hávaxtaumhverfi. Umræða um bankana í byrjun árs mun að mestu snúast um erfiða stöðu á fjármögnunarmörkuðum og hækkandi kjörum, en Landsbankinn er með mestu endurfjármögnunarþörf á árinu 2023 en Arion þá minnstu. Hækkandi lánskjör bankanna mun þó ekki bíta fast í vaxtamun fyrst um sinn.

Sterkur rekstur fasteignafélaganna í gegnum áföll síðustu ára gerir fasteignafélögin að áhugaverðum fjárfestingarkosti í auknum hagvexti og endurreisn ferðaþjónustunnar. Þrátt fyrir að fjármagnskostnaður hafi hækkað er útlit fyrir að tekjur muni halda í við verðbólgu, eftirspurn eftir eignum sé góð og rekstrarhagnaður félaganna aukist milli ára.

Hækkandi flutningsverð í tengslum við COVID-19 faraldurinn hefur haft góð áhrif á afkomu Eimskips undanfarin ár. Ákveðin óvissa er uppi varðandi það hvernig rekstur félagsins verður þegar jafnvægi næst á flutningskeðjur og flutningsverð tekur að lækka. Við teljum þó að flutningsverð verði hærra en fyrir faraldurinn og félagið verði arðbært. Þekking nýrra og reyndra lykilhluthafa og stjórnenda í skiparekstri mun hafa þau áhrif að viðhaldsfjárfestingar munu minnka fram á veginn sem mun viðhalda því kostnaðarhagræði sem þegar hefur náðst. Reynist það rétt teljum við að tækifærin hjá Eimskip séu vanmetin.

Sjávarútvegsfyrirtækin áttu mjög gott ár í fyrra, bæði vegna hækkandi afurðaverðs og stóraukins loðnukvóta. Vonbrigði eru með loðnukvóta ársins 2023 og eins og staðan er núna verður kvóti ársins einungis um 20% af kvóta síðasta árs. Þrátt fyrir að um mikla minnkun á magni sé um að ræða þá standa væntingar til þess að verðmæti aflans minnki einungis um helming þar sem afurðaverð hefur hækkað. Verðlagning Síldarvinnslunnar, horft á hefðbundnar kennitölur, er talsvert hærra en Brims. Er það líklega fyrst og fremst vegna væntinga um talsverð samlegðaráhrif við kaup Síldarvinnslunnar á Vísi og ánægju með að félagið hafi dýpt tánni dýpra í fiskeldið.

Óvissa í ferðaþjónustunni var allsráðandi í blábyrjun árs 2022, en fljótlega fóru að berast jákvæðar fréttir frá ferðaþjónustunni um góða bókunarstöðu fyrir sumarið. Ferðamenn um Keflavíkurflugvöll voru um 1,7 milljónir í fyrra, sem er svipaður fjöldi og árið 2016, en vonir eru um að fleiri sæki landið heim í ár. Aðilar í ferðaþjónustu bera höfuðið hátt og erum við bjartsýn fyrir hönd Icelandair og Play fyrir árið.

Fjarskipta- og tæknifélögin gengu í gegnum áhugaverða tíma á síðasta ári. Nova var skráð á Aðalmarkað, Sýn fékk nýjan kjölfestufjárfesti, Síminn seldi Mílu og Origo losaði allan hlut sinn í Tempo eins og áður sagði. Framtakssjóðurinn Umbreyting hefur eignast um 30% hlut í Origo og hyggur á stærri hlut. Óvíst er hvort Origo verði áfram skráð á markað. Árið í ár verður líklega krefjandi fyrir þessi fyrirtæki þar sem samkeppni er áfram mikil og tekjuvöxtur því torsóttur.

Óhætt er að segja að COVID-19 farsóttin hafi verið hagfellt tímabil fyrir tryggingafélögin. Samkomutakmarkanir og fáir ferðamenn drógu úr tjónatíðni á sama tíma og eignaverð hækkaði talsvert. Í ársbyrjun 2022 var búist við því að tjónahlutföll félaganna myndu rjúka upp með opnun hagkerfisins en það varð ekki raunin. Vátryggingareksturinn hélt furðu vel sjó, sér í lagi hjá Sjóvá, þótt ávöxtun fjárfestingasafna félaganna hafi verið lítil sem engin. Við höfum ekki háar væntingar til vátryggingarhluta félaganna í ár en teljum þó að þau haldi sig flest undir 100% samsettu hlutfalli. Ef hluta- og skuldabréfamarkaðir verða hagfelldir á árinu þá teljum við félögin geti skilað hluthöfum góðri ávöxtun.

Smásölufélögin glíma við miklar hækkanir á innlendu og erlendu aðfangaverði, hvort sem það er vegna matvæla eða eldsneytis. Til viðbótar hefur flutningskostnaður hækkað mikið á síðustu misserum. Ofan á þetta bætast launahækkanir samkvæmt kjarasamningum. Aukning í ferðaþjónustu styður félögin að einhverju leyti, sér í lagi í eldsneytissölu, en á móti verður líklega barátta að halda framlegðarhlutföllum og ná vexti í framlegð eins og fyrsta uppgjör Haga á árinu sýnir.

Í heild erum við hóflega bjartsýn fyrir árið. Ekki verður komist hjá því að þróun á mörkuðum erlendis mun áfram smitast til íslenska markaðarins og áfram verði talsverðar sveiflur. Hækkandi vextir að viðbættu mögulegu samdráttarskeiði í Bandaríkjunum og Evrópu mun hafa áhrif á eignamarkaði á Íslandi. Hins vegar bendir margt til þess að hagkerfið okkar standi á sterkari stoðum en mörg önnur, sér í lagi ef sjávarútvegurinn fær meðbyr og ferðaþjónustan fer á frekara flug. Því til viðbótar standa öll félög í Kauphöllinni mjög vel fjárhagslega. Árið verður þó eflaust misskipt milli félaga þegar kemur að ávöxtun hlutabréfa, en sum munu berjast í bökkum við að skila framlegðarbata og vekja áhuga fjárfesta á meðan árið lítur mjög vel út fyrir önnur.

Samantekt Kviku eignastýringar yfir árið 2022 og horfur fyrir árið 2023.

Fréttabréf Kviku eignastýringar í ársbyrjun 2023

Kvika eignastýring hefur ráðið til sín þrjá nýja starfsmenn. Félagið er leiðandi í eigna- og sjóðastýringu á Íslandi þar sem áhersla er lögð á langtímahugsun og árangur viðskiptavina og eru þessar ráðningar liður í því að styrkja starfsemi félagsins enn frekar.

Frá vinstri: Andri Már Rúnarsson, Helgi Magnússon og Sveinn Þórarinsson


Andri Már Rúnarsson hefur verið ráðinn sjóðstjóri skuldabréfasjóða hjá Kviku eignastýringu. Andri Már starfaði áður í eignastýringu og fjárfestatengslum hjá Sjóvá. Auk þess hefur Andri Már starfað í áhættustýringu hjá ABN AMRO og hjá ASML í fjárstýringu en það er stærsta fyrirtæki Hollands.

Andri Már er með B.Sc. gráðu í fjármálaverkfræði frá Háskólanum í Reykjavík og M.Sc. heiðursgráðu í fjármálum og áhættustýringu frá Vrije Universiteit Amsterdam. Andri hefur lokið prófi í verðbréfaviðskiptum.

Helgi Magnússon hefur verið ráðinn sérfræðingur í eignastýringu stofnanafjárfesta hjá Kviku eignastýringu. Áður starfaði Helgi sem vörueigandi markaðs- og verðbréfalausna hjá Íslandsbanka. Helgi hefur einnig starfað sem sérfræðingur erlendra sjóða hjá Stefni og í greiningardeild HSBC Global Asset Management.

Helgi er með B.Sc. gráðu í fjármálaverkfræði frá HR, M.Sc. gráðu í hagnýtri stærðfræði frá London School of Economics. Einnig hefur hann lokið prófi í verðbréfaviðskiptum og er CFA handhafi.

Sveinn Þórarinsson hefur verið ráðinn inn í sjóðastýringarteymi hlutabréfasjóða hjá Kviku eignastýringu. Áður starfaði Sveinn sem sérfræðingur í markaðsviðskiptum Arctica Finance. Sveinn stýrði hlutabréfagreiningum hjá Landsbankanum í hagfræðideild og markaðsviðskiptum Landsbankans frá árinu 2013 en Sveinn hefur starfað á fjármálamarkaði frá árinu 2002.

Sveinn er með B.Sc. í fjármálum frá Háskóla Íslands og M.Sc. í nýsköpunar- og frumkvöðlafræðum frá Gothenburg University í Svíþjóð.

Kvika eignastýring hefur ráðið til sín þrjá nýja starfsmenn.

Kvika eignastýring hefur ráðið þrjá nýja starfsmenn

Kvika eignastýring hefur gefið út appið Kvika verðbréf og er það aðgengilegt viðskiptavinum Kviku eignastýringar og Kviku banka.

Aldrei hefur verið auðveldara að fylgjast með stöðu og þróun eignasafna. Kvika verðbréf birtir allar helstu upplýsingar á einfaldan og skýran hátt. Þar er að finna yfirlit þróunar markaðsvirðis og ávöxtunar safna, samsetningu eftir eignaflokkum, sundurliðun eigna og ítarupplýsinga þeirra ásamt samantekt yfir allar hreyfingar.

Kvika verðbréf er liður í því að auka við þjónustu viðskiptavina Kviku eignastýringar en við trúum því að fjölbreytt vöruframboð og framúrskarandi þjónusta við viðskiptavini okkar séu hornsteinar trausts viðskiptasambands.

Frekari upplýsingar um Kviku verðbréf má finna hér.

Kvika eignastýring hefur gefið út appið Kvika verðbréf og er það aðgengilegt viðskiptavinum Kviku...

Kvika verðbréf, nýtt app fyrir viðskiptavini Kviku

<div class="box_test
 ">
<div class="img_50pmedtexta" style="text-align: justify;"><img class="side_text_img" src="https://kvikaeignastyring.is/asset/2751/orvar-kvika-portraits2861.jpg" title="Orvar - KVIKA portraits2861.jpg" alt="Orvar - KVIKA portraits2861.jpg"></div>
Örvar Snær Óskarsson, sjóðstjóri hjá Kviku eignastýringu, ræðir við&nbsp;Innherja um&nbsp;stöðu&nbsp;og horfur flugfélaga. <a href="https://www.visir.is/g/20222333276d/icel-and-a-ir-haekk-ar-en-er-lend-ir-kepp-i-naut-ar-laekk-a" target="_blank">Fréttin birtist í dag á Innherja</a>.
</div>
<div class="box_test" style="text-align: justify;">
Örvar bendir á að flugfélög hafi að undanförnu þurft að glíma við fjölda áskorana eins og ferðatakmarkanir, hátt eldsneytisverð, versnandi hagvaxtarhorfur og minni ferðavilja fólks vegna innrásar Rússa í Úkraínu.
„Flugfélögin hafa mætt þessum áskorunum með mismunandi hætti og því er ekki óeðlilegt að gengisþróun hafi verið ólík á milli félaga að undanförnu. Þar að auki hafa félögin ólíka fjármagnsskipan sem og mismunandi áherslur í leiðakerfum og því getur samanburður á árangri evrópskra flugfélaga verið vandasamur,“ segir hann í samtali við Innherja.
Á einu ári hefur Icelandair hækkað um þrjú prósent á einu ári og Lufthansa hefur hækkað um 17 prósent. Á sama tíma hefur til dæmis Wizz Air lækkað um 61 prósent, SAS um 53 prósent og easyJet um 45 prósent, samkvæmt könnun Innherja.
Örvar Snær segir að SAS eigi í fjárhagsörðugleikum og hafi meðal annars sótt um heimild fyrir fjárhagslegri endurskipulagningu hjá bandarískum dómstólum. Finnair eigi í vandræðum með Asíuflug&nbsp;vegna lokunar á lofthelgi Rússlands en ekki síður vegna sóttvarnaraðgerða í Kína. „Wizzair og easyJet sem sérhæfa sig í styttri flugum innan Evrópu eru að taka skell vegna ástandsins á meginlandinu,“ segir hann.
Alþjóðagjaldeyrissjóðurinn spáði efnahagssamdrætti í Þýskalandi og á Ítalíu á næsta ári í nýlegri efnahagsspá.&nbsp;
Örvar segir að líklegt sé að verri hagvaxtarhorfur hafi áhrif á ráðstöfunartekjur heimila og það ætti að öðru óbreyttu að draga úr ferðavilja fólks. „Flugfélög sem fljúga eingöngu innan Evrópu ættu því að verða fyrir mestu áhrifunum. Viðskiptalíkön Icelandair og Play byggja á tengiflugi milli Evrópu og Ameríku. Þau eru því ekki eins berskjölduð fyrir versnandi horfum í Evrópu,“ segir hann.
Örvar segir að hagvaxtarhorfur séu betri á Íslandi en annars staðar í Evrópu. Þess vegna megi reikna með að Íslendingar muni halda áfram að ferðast mikið. Ísland tróni auk þess á toppi Global Peace vísitölunnar yfir öruggustu lönd í heimi. Það gæti laðað að erlenda ferðamenn. Auk þess hafi bæði Icelandair og Play verið með „góða sætanýtingu“ samanborið við keppinauta sína síðustu mánuði.
Ráðgjafafyrirtækið Intellecon vann fyrir skemmstu greiningu fyrir Ferðamálastofu. Þar er gert ráð fyrir svipuðum fjölda erlendra ferðamanna á næsta ári og árið 2018 þegar hingað komu yfir 2,3 milljónir ferðamanna. Á árinu 2025 er reiknað með þremur milljónum ferðamanna.
Örvar segir að Icelandair hafi birt „sterkt uppgjör“ fyrir þriðja ársfjórðung. Afkoman hafi verið á pari við árin 2018 og 2019 auk þess sem rekstrarkostnaður án eldsneytis hafi lækkað hlutfallslega milli fjórðunga.
Athygli vekur að á sama tíma og Icelandair hefur hækkað um þrjú prósent á árinu hefur Play lækkað um 42 prósent.&nbsp;
„Play er á öðrum stað en Icelandair,“ útskýrir Örvar, „félagið er með sex vélar og fókusinn er fyrst og fremst á að lækka einingakostnað. Þó svo að félagið geri ráð fyrir að skila jákvæðri rekstrarafkomu á síðari hluta þessa árs þá er 2023 það ár sem mestu máli skiptir. Þá verður félagið komið með tíu vélar, sem er sá fjöldi sem þarf til að leiðakerfið fái að njóta sín.“
</div>

Örvar Snær Óskarsson, sjóðstjóri hjá Kviku eignastýringu, ræðir við Innherja um stöðu og horfur flugfélaga.

Áskoranir í flugrekstri

Örvar Snær Óskarsson, sjóðstjóri hjá Kviku eignastýringu, ræðir við Innherja um stöðu og...

Innlend skuldabréf
Seðlabanki Íslands hækkaði vexti bankans um 0,25 prósentur þann 5. október. Meginvextir bankans eru því 5,75%. Hækkunin er í takt við væntingar en spár lágu á bilinu 0,25-0,5 prósentu hækkun. Seðlabankastjóri sagði að „mögulega sé búið að gera nóg“ en áhættan liggur í þróun raunhagkerfisins og kjarasamningum.
Innlend hlutabréf
Í september var íslenski hlutabréfamarkaðurinn færður í flokk nýmarkaðsríkja hjá FTSE-Russell. Fjárfestar höfðu greinilega farið fram úr sér varðandi væntingar um hækkun og niðurstaðan varð sú að mun meira framboð en eftirspurn myndaðist við inngöngu erlendu fjárfestanna en markaðsaðilar höfðu vænst til. Horfurnar fyrir íslenskan hlutabréfamarkað til lengri tíma eru góðar, sérstaklega í alþjóðlegum samanburði. Þó má gera ráð fyrir áframhaldandi flökti.
Erlend verðbréf
Erlendir markaðir, bæði hlutabréfa- og skuldabréfamarkaðir, áttu undir högg að sækja í september. Seðlabankar héldu áfram að herða að hagkerfum sínum með stórum vaxtahækkunum. Bandaríkjadalur hefur verið í miklum styrkingarham það sem af er ári en algengt er að fjárfestar sækist í auknu mæli í Bandaríkjadal þegar óvissa (flökt) á mörkuðum eykst.
Kvika eignastýring gefur út ítarlegar greiningar til sinna viðskiptavina mánaðarlega. Þetta er einungis brot af greiningunni. Þú getur keypt í sjóðum Kviku eignastýringar <a href="/sjodastyring/rafraenir-sjodir/" target="_blank" title="Rafrænir sjóðir">hér</a>.

Kvika eignastýring gefur út ítarlegar greiningar til sinna viðskiptavina mánaðarlega.

Samantekt yfir markaði í október: Hvar liggja ávöxtunartækifærin?

Kvika eignastýring hefur ráðið til sín þrjá nýja starfsmenn. Ráðningarnar koma samhliða auknum umsvifum félagsins og endurspegla þann styrk sem félagið býr yfir.
<img src="https://kvikaeignastyring.is/asset/4172/helena-lilja-og-karvel.png" title="Helena, Lilja og Karvel.png" alt="Helena, Lilja og Karvel.png">
Frá vinstri: Helena Guðjónsdóttir, Lilja Sólveig Kro og Karvel Steindór Pálmason 
Helena Guðjónsdóttir hefur verið ráðin sem sérfræðingur í sjálfbærni hjá Kviku eignastýringu. Helena hefur áður unnið í sjálfbærniverkefnum hjá Kviku. Hún er einnig í miðlunarhópi IcelandSIF, samtaka sem vinna að því að efla umræðu og fræðslu um ábyrgar og sjálfbærar fjárfestingar. Áður starfaði Helena hjá bresku verslunarkeðjunni Hamleys, mestmegnis í Bretlandi og svo í Tékklandi.
Helena er með B.A. gráðu í mannfræði og fjölmiðlafræði frá Goldsmiths University of London og MBA gráðu frá IESE Business School í Barcelona.
Lilja Sólveig Kro hefur verið ráðin sem sérfræðingur hjá stofnanafjárfestum Kviku eignastýringar. Lilja mun koma að greiningarvinnu félagsins og er ráðning hennar liður í að styrkja enn frekar greiningar, eignastýringu og þjónustu við viðskiptavini. Áður starfaði Lilja á hagfræðisviði Seðlabanka Íslands auk þess sem hún kenndi hagrannsóknir við Háskóla Íslands.
Lilja er með B.Sc. gráðu í hagfræði frá Háskóla Íslands og M.Sc. gráðu í hagfræði frá Stockholm University. Einnig leggur hún stund á nám í verðbréfaviðskiptum.
Karvel Steindór Pálmason hefur verið ráðinn sem sérfræðingur kreditsjóða hjá Kviku eignastýringu. Karvel hóf störf á fjármálamarkaði árið 2008. Hann starfaði sem viðskiptastjóri á fyrirtækjasviði Landsbankans á árunum 2008-2015, sérfræðingur í fyrirtækjaráðgjöf Virðingar frá 2015-2017, við fyrirtækjarekstur, fjármögnun og í fjárfestingum til 2020 og í hagdeild Marel hf. frá 2020-2022.
Karvel er með BA gráðu í Stjórnmálafræði frá Háskóla Íslands og er í Executive MBA námi við UHI háskólann í Skotlandi.
Þau hafa öll hafið störf.

Kvika eignastýring hefur ráðið til sín þrjá nýja starfsmenn. Ráðningarnar koma samhliða auknum umsvifum félagsins og endurspegla þann styrk sem félagið býr yfir.

Kvika eignastýring hefur ráðið til sín þrjá nýja starfsmenn. Ráðningarnar koma samhliða auknum...

Kvika eignastýring hf. hagnaðist um 648 milljónir króna á fyrstu 6 mánuðum ársins og voru eignir í stýringu 448 milljarðar króna.
Helstu niðurstöður árshlutareikningsins eru þessar:
<ul>
<li class="frettir" style="text-align: justify;">Hagnaður félagsins fyrir skatta nam 648 m.kr. samanborið við 660 m.kr. á sama tímabili í fyrra.</li>
<li class="frettir" style="text-align: justify;">Heildartekjur félagsins voru 1.608 m.kr. samanborið við 1.593 m.kr. á fyrri helmingi síðasta árs.</li>
<li class="frettir" style="text-align: justify;">Eignir í stýringu voru 448 milljarðar króna samanborið við 432 milljarða á sama tíma árið áður.</li>
<li class="frettir" style="text-align: justify;">Kvika eignastýring er næststærsta eignastýringarfélag landsins þegar horft er til eigna í stýringu.</li>
<li class="frettir" style="text-align: justify;">Í lok júní voru samtals 47 sjóðir í rekstri hjá félaginu, átta samlagshlutafélög og eitt samlagsfélag.</li>
</ul>
Hannes Frímann Hrólfsson, framkvæmdastjóri Kviku eignastýringar:
„Fjölmargar áskoranir hafa komið upp á fyrri hluta þessa árs sem hefur helst einkennst af stríði í Úkraínu og stóraukinni verðbólgu um allan heim. Kvika eignastýring hefur þrátt fyrir það staðið sig vel á krefjandi mánuðum. Hagnaður félagsins nam 648 m.kr. á fyrri helmingi þessa árs. Eignir í stýringu jukust um 16 milljarða króna miðað við sama tíma á síðasta ári. Á þessu ári hafa eignir í stýringu lækkað um rúm 4%. Fyrst og fremst skýrist þetta af neikvæðri ávöxtun á mörkuðum þar sem nettó innflæði hjá Kviku eignastýringu á þessu tímabili voru rúmir 19 milljarðar króna. Ég er virkilega ánægður með starfsfólk Kviku eignastýringar í þeim krefjandi ytri aðstæðum sem hafa verið uppi. Þetta styrkir trú mína á þeirri góðu þjónustu og vöruframboði sem við veitum viðskiptavinum okkar.“
<a href="https://kvikaeignastyring.is/asset/4144/kvika-eignastyring-arshlutareikningur-30.06.22-verdbrefa-og-fjarfestingarsjodir.pdf" title="Kvika eignastýring árshlutareikningur 30.06.22 verðbréfa- og fjárfestingarsjóðir.pdf" target="_blank">Árshlutareikningur 2022</a>
Um Kviku eignastýring hf.
Kvika eignastýring er leiðandi í eignastýringu og fjárfestingastarfsemi hér á landi. Félagið veitir alhliða fjármálaþjónustu með áherslu á árangur með langtímahagsmuni viðskiptavina að leiðarljósi. Kvika eignastýring hentar vel fyrir alla efnameiri einstaklinga, fyrirtæki, sjóði og stofnanir. Kvika eignastýring leggur áherslu á að veita viðskiptavinum sínum breitt þjónustuframboð til þess að fjárfesta innanlands sem og á erlendum mörkuðum. Meðal þjónustuframboðs má nefna einkabankaþjónustu, sjóðastýringu, framtakssjóði og fjárfestingarráðgjöf ásamt persónulegri þjónustu frá sérfræðingum okkar. Starfsmenn félagsins eru 37 talsins. Kvika eignastýring er dótturfélag Kviku banka hf. og er starfsstöð félagsins í Katrínartúni 2.

Kvika eignastýring hefur birt árshlutareikning fyrir tímabilið 1. janúar til 30. júní 2022.

Árshlutauppgjör Kviku eignastýringar hf. 2022 

Iðunn framtakssjóður, sem er í rekstri Kviku eignastýringar, er leiðandi fjárfestir í rúmlega milljarðs króna fjármögnun hjá heilbrigðistæknifyrirtækinu NeckCare. Fjármögnuninni verður varið til sölu og markaðssetningar á vörum NeckCare á Bandaríkjamarkaði ásamt því að styðja við frekari vöruþróun.
NeckCare hefur á undanförnum árum unnið að rannsóknum, einkaleyfisvernd og þróun hugbúnaðar til hlutlægra greiningar og meðferðar á hálsskaða. Vörur félagsins hafa verið notaðar hér á landi með góðum árangri en nýlega var opnuð sérstök höfuð- og hálsáverkamóttaka sem nýtir sér tækni NeckCare.&nbsp;
Félagið opnaði einnig nýverið skrifstofu í Bandaríkjunum, nánar tiltekið í Winston-Salem í Norður Karólínu, og markar það upphafið að markaðssetningu félagsins í Bandaríkjunum.&nbsp;
Heilbrigðislausnir NeckCare byggja á áralöngum vísindarannsóknum Dr. Eyþórs Kristjánssonar, sjúkraþjálfara sem þróaði og sannprófaði nýtt klínískt matspróf á hreyfistjórn hálsins.
Það var sérlega ánægjulegt að sjá núverandi hluthafa félagsins taka þátt í hlutafjáraukningu félagsins ásamt því að fá inn reynslumikinn fjárfesti eins og Iðunni með okkur í þessa vegferð.&nbsp; Vörur félagsins gera heilbrigðisstarfsfólki kleift að mæla ástand sjúklings með skerta hreyfigetu í hálsi. Reynsla heilbrigðisstarfsmanna sýnir að árangur næst fyrr þegar framgangur í meðferð er mælanlegur. Að geta magntekið ástand hálsins og þar með ákvarðað viðeigandi meðferð og sett sjúklingum skýr markmið hjálpar sjúklingum í erfiðu bataferli. Opnun okkar á skrifstofu í Bandaríkjunum mun færa félaginu ný og spennandi sóknarfæri á stærsta heilbrigðistæknimarkaði heims. „ segir Þorsteinn Geirsson, framkvæmdastjóri NeckCare.
„Það er gríðarlega ánægjulegt fyrir okkur að fá jafn öflugan leiðandi fjárfestir eins og Iðunni inn í okkar hluthafahóp sem kemur jafnframt með mikla þekkingu og reynslu sem nýtist félaginu.&nbsp; Eftir þrotlausar rannsóknir, einkaleyfisvernd og umfangsmikla vöruþróun þá er varan komin á þann stað sem hún á skilið, þ.e. að markaðssetja vöruna á framsæknasta heilbrigðistæknimarkaði veraldar. Jafnframt hafa opnast ný tækifæri fyrir vöruna eins og t.d. fjarendurhæfing, sem er ört vaxandi markaður, sérstaklega í Bandaríkjunum. Það er því spennandi vegferð fram undan hjá félaginu. Hálsskaði er eitt stærsta heilbrigðisvandamál okkar tíma og NeckCare hefur því mikið erindi inn á erlenda markaði.“&nbsp; segir Sigurður Kr. Egilsson, stjórnarformaður NeckCare.
„NeckCare er glæsileg viðbót við þau fyrirtæki sem eru í eignasafni Iðunnar. Iðunn hefur sérhæft sig í fjárfestingum í lífvísindum og heilbrigðistækni og því erum við spennt að geta tekið þátt í að flytja út íslenskt hugvit í heilbrigðistækni á Bandaríkjamarkað sem er verðmætasti markaður á þessu sviði í heimi. Við berum miklar vonir til fyrirtækisins og starfsfólks þess og hlökkum til samstarfsins.“ segir Hilmar Janusson hjá Iðunni framtakssjóði.
Iðunn framtakssjóður slhf. er sérhæfður framtakssjóður í rekstri Kviku Eignastýringar sem leggur áherslu á fjárfestingar á sviði lífvísinda og heilsutækni. Sjóðurinn er 7,3 milljarðar króna að stærð. Fjárfestingartímabil Iðunnar er 5 ár og einblínir sjóðurinn á fjárfestingar í fyrirtækjum með vandaðar áætlanir um viðskiptaþróun og stjórnendagetu til að stýra vexti og undirbúa félögin í næsta fasa uppskölunar. NeckCare er fjórða fjárfesting Iðunnar en áður hefur Iðunn fjárfest í samheitalyfjaframleiðandanum Coripharma, lyfjaþróunarfélaginu EpiEndo Pharmaceuticals og heilsutæknifyrirtækinu Köru Connect.
NeckCare er nýsköpunarfyrirtæki í heilbrigðistækni stofnað árið 2019 af Dr. Eyþóri Kristjánssyni og Þorsteini Geirssyni. Hjá fyrirtækinu starfar sterkur hópur vísindamanna, verkfræðinga, heilbrigðisstarfsfólks og viðskiptafræðinga sem telur 12 manns á Íslandi og í Bandaríkjunum. Markmið fyrirtækisins er að bæta árangur meðferða á stoðkerfissjúkdómum með þróun á tækni sem styður hlutlægt mat og einstaklingsmiðaða endurhæfingu.

Iðunn framtakssjóður, sem er í rekstri Kviku eignastýringar, er leiðandi fjárfestir í rúmlega milljarðs króna fjármögnun hjá heilbrigðistæknifyrirtækinu NeckCare.

Iðunn framtakssjóður leiðir rúmlega milljarðs króna fjármögnun NeckCare

Iðunn framtakssjóður, sem er í rekstri Kviku eignastýringar, er leiðandi fjárfestir í rúmlega...

Iðunn framtakssjóður, sem er í rekstri Kviku eignastýringar, er leiðandi fjárfestir í 6 milljóna evru fjármögnun hjá nýsköpunarfyrirtækinu Kara Connect, og verður stærsti hluthafi Köru Connect. Fjármögnuninni er ætlað að styðja við vöxt Köru Connect í Evrópu.
Kara Connect er fjölhæf vinnustöð sem tengir sérfræðinga í heilbrigðis- og velferðarumhverfi við skjólstæðinga í leit að hjálp. Kara Connect gerir sérfræðingum kleift að vista viðkvæmar persónuupplýsingar, bóka tíma, fá greiðslur, senda áminningar og eiga örugga fjarfundi við þá sem leita stuðnings hjá þeim.
„Í faraldrinum breyttust þarfir og viðhorf fólks til aðgengis að alls kyns þjónustu, en sérstaklega varð aukið aðgengi að heilbrigðis- og velferðarkerfinu afar brýn og aðkallandi þörf. Kara er fyrst og fremst aðgengislausn, örugg gátt sem tengir fólk saman, sem þýðir að hún er fullkomið svar við þessari þörf. Meðferð, stuðningur, ráðgjöf og fleira, þetta er allt innan seilingar í Köru. Í þokkabót sér Kara sjálfvirkt um allskonar umsýslumál fyrir sérfræðingana svo þeir geti einbeitt sér að því að vinna mikilvægari hlutann af vinnunni mun aðgengilegri, og við erum spennt að fá Iðunni að borðinu, því sjóðurinn hefur mikla reynslu af heilsu- og líftæknigeiranum.“ segir Þorbjörg Helga Vigfúsdóttir, framkvæmdastjóri Köru Connect.
Pétur Richter, fjárfestingarstjóri Iðunnar, mun taka sæti í stjórn Köru í kjölfar fjármögnunarinnar. „Kara Connect er félag sem passar vel við fjárfestingarstefnu Iðunnar en félagið hefur sýnt fram á þörfina á slíkum stafrænum vettvangi sem félagið hefur þróað. Nú er stefnan sett á frekari landvinninga á erlendum mörkuðum. Við erum spennt að taka þátt í þeirri vegferð með starfsfólki Köru og öðrum hluthöfum.“ segir Pétur Richter hjá Iðunni framtakssjóði.
Iðunn framtakssjóður slhf. er sérhæfður framtakssjóður sem leggur áherslu á fjárfestingar á sviði lífvísinda og heilsutækni. Sjóðurinn er 7,3 milljarðar króna að stærð. Fjárfestingartímabil Iðunnar er 5 ár og einblínir sjóðurinn á fjárfestingar í fyrirtækjum með vandaðar áætlanir um viðskiptaþróun og stjórnendagetu til að stýra vexti og undirbúa félögin í næsta fasa uppskölunar. Kara Connect er þriðja fjárfesting Iðunnar en áður hefur Iðunn fjárfest í samheitalyfjaframleiðandanum Coripharma og lyfjaþróunarfélaginu EpiEndo Pharmaceuticals.
Kara Connect var stofnað 2015 af þeim Þorbjörgu Helga Vigfúsdóttur fyrrverandi borgarfulltrúa og námssálfræðingi og Hilmari Geir Eiðssyni hugbúnaðarsérfræðingi.

Iðunn framtakssjóður, sem er í rekstri Kviku eignastýringar, leiðir 6 milljóna evru fjármögnun Köru Connect.

Iðunn framtakssjóður leiðir 6 milljóna evru fjármögnun Köru Connect

Iðunn framtakssjóður, sem er í rekstri Kviku eignastýringar, leiðir 6 milljóna evru fjármögnun Köru...

Kvika eignastýring hf. hagnaðist um 1.113 milljónir króna á árinu 2021 fyrir skatta og voru heildarrekstrartekjur félagsins 3.055 milljónir króna.&nbsp;
Eignir í stýringu hækkuðu um 107 ma.kr. á árinu og námu alls 468 ma.kr. í árslok. Ávöxtun safna og sjóða í rekstri félagsins var mjög góð á árinu og skilaði hún eignaaukningu upp á alls um 46 ma.kr. Umfang félagsins hélt áfram að aukast á árinu og voru stofnaðir fjórir nýir sjóðir á árinu, þar á meðal var framtakssjóðurinn Iðunn slhf. sem leggur áherslu á fjárfestingar á sviði lífvísinda og heilsutækni.&nbsp; Auk þess var fyrsti erlendi sjóðurinn í rekstri félagsins stofnaður, Kvika - Heimur.

Helstu niðurstöður ársreiknings 2021 eru þessar:
<ul class="notbold">
<li>Hagnaður ársins fyrir skatta nam 1.113 milljónum króna samanborið við 1.455 milljónir króna árið áður.</li>
<li>Hreinar rekstrartekjur voru&nbsp;3.055 milljónir króna samanborið við 2.423 milljónir króna árið 2020 og jukust um 26% á milli ára.</li>
<li>Eigið fé félagsins í árslok var 3.670 milljónir króna.</li>
<li>Eignir í stýringu í árslok námu 468 milljörðum króna en þær hækkuðu um 107 milljarða króna á árinu 2021 eða um 30%.</li>
<li>Í árslok voru 50 sjóðir í rekstri hjá félaginu, 8 samlagshlutafélög og eitt samlagsfélag.</li>
</ul>


Hannes Frímann Hrólfsson, framkvæmdastjóri Kviku eignastýringar:
„Árið 2021 var gott ár hjá Kviku eignastýringu. Grunnreksturinn styrktist á liðnu ári og voru stofnaðir fjórir nýja sjóðir. Þá stigum við mikilvæg skref í stafrænni vegferð félagsins með því að bjóða viðskiptavinum að eiga viðskipti með sjóði félagsins með rafrænum hætti. Eignir í stýringu hækkuðu um 107 ma.kr. á árinu eða um 30%. Aukningin er bæði tilkomin vegna mikillar fjölgunar viðskiptavina, en hreint innflæði á árinu var um 61 ma.kr., og góðrar ávöxtunar eigna í stýringu sem nam um 46 ma.kr. Þessi árangur veitir okkur bjartsýni og kraft til þess að halda áfram að veita viðskiptavinum fjölbreytt vöruframboð og framúrskarandi þjónustu.“

<a href="https://kvikaeignastyring.is/asset/3983/kvika-eignastyring-arsreikningur-2021.pdf" title="Kvika eignastýring ársreikningur 2021.pdf" target="_blank">Ársreikningur 2021</a>

Kvika eignastýring hf. hagnaðist um 1.113 milljónir króna á árinu 2021 fyrir skatta og voru heildarrekstrartekjur félagsins 3.055 milljónir króna.

Ávöxtun eigna í stýringu nam 46 milljörðum á árinu 2021

Kvika eignastýring hf. hagnaðist um 1.113 milljónir króna á árinu 2021 fyrir skatta og voru...

Gengi verðtryggðu vísitölunnar: KVIKAi hækkaði mest allra vísitalna Kviku eignastýringar í mánuðinum. Hækkunin nam 3,2%.
<a href="https://kvikaeignastyring.is/asset/3904/upplysingablad_kvika_indices.pdf" title="Upplysingablad_KVIKA_INDICES.pdf" target="_blank">Einblöðungar vísitalna Kviku eignastýringar</a>
Þróun vísitalna Kviku eignastýringar frá áramótum
<img src="https://kvikaeignastyring.is/asset/3907/2022-02-ytd.png" title="2022 02 YTD.png" alt="2022 02 YTD.png" style="display: block; margin-left: auto; margin-right: auto;">
Gengi vísitalna í febrúar
Markaðsvísitala Kviku eignastýringar, KVIKATRI, lækkaði um 0,9%. Meðallíftími Markaðsvísitölunnar stóð í stað í 2,3. Markaðsvirði vísitölunnar var óbreytt á milli mánuða og stóð í lok mánaðarins í 4.224 ma.kr.
Verðtryggða vísitalan, KVIKAi, hækkaði um 3,2% í mánuðinum og hækkaði markaðsvirði hennar um 42 ma.kr. Gengi óverðtryggðu vísitölunnar, KVIKAxi, hækkaði um 0,2% og hækkaði markaðsvirði hennar um 5 ma.kr. Í heildina hækkaði Ríkisskuldabréfavísitalan, KVIKAGOVI, um 1,3%. Verðtryggingahlutfall vísitölunnar hækkaði um 2,7 prósentustig og meðaltími vísitölunnar hækkaði um 0,1 í mánuðinum.
Skuldabréfavísitalan, KVIKAXGOVI, hækkaði um 1,5% í febrúar en markaðsvirði vísitölunnar hækkaði um 16 ma.kr. Vísitala opinberra aðila, KVIKAp, hækkaði um 2,6% á sama tíma og sértryggða vísitalan, KVIKAcb, hækkaði um 1,1%.
Hlutabréfavísitala Kviku eignastýringar, KVIKAEQI, lækkaði um 2,7% í mánuðinum, mest allra vísitalna Kviku eignastýringar. Vísitalan hefur hækkað um 19,1% á milli ára en lækkað um 5,9% frá áramótum. Markaðsvirði vísitölunnar lækkaði um 64 ma.kr. í febrúar og stendur nú í 2.322 ma.kr. Hlutabréfavísitalan KVIKAeqcap lækkaði um 1,9% í febrúar.
Vísitala fyrirtækjaskuldabréfa, KVIKAc, hækkaði um 0,6% í mánuðinum. Markaðsvirði vísitölunnar hækkaði um 6 ma.kr. Vísitalan hefur alls hækkað um 11,6% síðustu 12 mánuði.
Þróun félaga innan Hlutabréfavísitölu Kviku eignastýringar í febrúar 2022
<img src="https://kvikaeignastyring.is/asset/3906/2022-02-eqi.png" title="2022 02 EQI.png" alt="2022 02 EQI.png" style="display: block; margin-left: auto; margin-right: auto;">
Frekari upplýsingar um vísitölur Kviku eignastýringar má finna hér. Vísitölurnar eru sendar út í lok hvers viðskiptadags til áskrifenda, hægt er að skrá sig með því að senda póst á <a href="mailto:visitolur@kvikaeignastyring.is">visitolur@kvikaeignastyring.is</a>
<a href="https://kvikaeignastyring.is/asset/3483/visitolur-kviku-eignastyringar.pdf" title="Vísitölur Kviku eignastýringar.pdf" target="_blank">Aðferðafræði vísitalna Kviku eignastýringar</a>
<a href="https://kvikaeignastyring.is/asset/3597/visitolur-faq.pdf" title="Vísitölur FAQ.pdf">Algengar spurningar</a>

Vísitölur Kviku eignastýringar í febrúar 2022.

Vísitölur Kviku eignastýringar í febrúar 2022

Helgina 18.–20. febrúar mun Kvika banki í samstarfi við Reiknistofu bankanna innleiða nýtt innlána- og greiðslukerfi. Lagt er upp með að viðskiptavinir verði sem minnst varir við innleiðinguna en ekki verður hjá því komist að þjónusta skerðist að einhverju leyti. Við hvetjum því viðskiptavini til þess að ljúka öllum mikilvægum bankaerindum fyrir föstudaginn 18. febrúar.    <a href="https://www.kvika.is/um-kviku/nytt-greidslu-og-innlanakerfi/" title="Nýtt greiðslu- og innlánakerfi" target="_blank">Nánari upplýsingar um helstu raskanir á þjónustu má finna hér.</a>
 Hefðbundin þjónusta kemst aftur á mánudaginn 21. febrúar. Við biðjumst velvirðingar á óþægindum sem þjónustuskerðingin veldur.

Röskun á þjónustu helgina 18.–20. febrúar.

Röskun á þjónustu helgina 18.–20. febrúar

Vísitala fyrirtækjaskuldabréfa: KVIKAc hækkaði mest allra vísitalna Kviku eignastýringar í mánuðinum. Hækkunin nam 0,5%.
<a href="https://kvikaeignastyring.is/asset/3856/upplysingablad_kvika_indices.pdf" title="Upplysingablad_KVIKA_INDICES.pdf" target="_blank">Einblöðungar vísitalna Kviku eignastýringar</a>
Þróun vísitalna Kviku eignastýringar frá áramótum
<img src="https://kvikaeignastyring.is/asset/3855/2022-01-ytd.png" title="2022 01 YTD.png" alt="2022 01 YTD.png" style="display: block; margin-left: auto; margin-right: auto;">
Gengi vísitalna í janúar
Markaðsvísitala Kviku eignastýringar, KVIKATRI, lækkaði um 2,4%. Meðallíftími Markaðsvísitölunnar stóð í stað í 2,4. Markaðsvirði vísitölunnar lækkaði um 102 ma.kr. í mánuðinum og stóð í lok mánaðarins í 4.224 ma.kr.
Verðtryggða vísitalan, KVIKAi, lækkaði um 0,9% í mánuðinum en markaðsvirði hennar var óbreytt. Gengi óverðtryggðu vísitölunnar, KVIKAxi, lækkaði um 1,6% og lækkaði markaðsvirði hennar um 13 ma.kr. Í heildina lækkaði Ríkisskuldabréfavísitalan, KVIKAGOVI, um 1,3%. Verðtryggingahlutfall vísitölunnar hækkaði um 0,4 prósentustig og meðaltími vísitölunnar lækkaði um 0,1 í mánuðinum.
Skuldabréfavísitalan, KVIKAXGOVI, lækkaði um 1,0% í janúar en markaðsvirði vísitölunnar lækkaði um 8 ma.kr. Vísitala opinberra aðila, KVIKAp, lækkaði um 2,4% á sama tíma og sértryggða vísitalan, KVIKAcb, lækkaði um 0,4%.
Hlutabréfavísitala Kviku eignastýringar, KVIKAEQI, lækkaði um 3,3% í mánuðinum, mest allra vísitalna Kviku eignastýringar. Vísitalan hefur hækkað um 31,6% á milli ára. Markaðsvirði vísitölunnar lækkaði um 81 ma.kr. í janúar og stendur nú í 2.387 ma.kr. Hlutabréfavísitalan KVIKAeqcap lækkaði um 2,9% í janúar.
Vísitala fyrirtækjaskuldabréfa, KVIKAc, hækkaði um 0,5% í mánuðinum, mest allra vísitalna Kviku eignastýringar. Markaðsvirði vísitölunnar hækkaði um 18 ma.kr. Vísitalan hefur alls hækkað um 11,1% síðustu 12 mánuði.
Þróun félaga innan Hlutabréfavísitölu Kviku eignastýringar í janúar 2022
<img src="https://kvikaeignastyring.is/asset/3854/2022-01-eqi.png" title="2022 01 EQI.png" alt="2022 01 EQI.png" style="display: block; margin-left: auto; margin-right: auto;">
Við vekjum athygli á því að útreikningar fyrir vísitölu opinberra aðila, KVIKAp, hefur verið uppfærð þar sem vísitalan innihélt ranglega bréf sem voru ekki með viðskiptavakt. Uppfærslan nær aftur til 1. desember 2021. Þar sem KVIKAp er hluti af KVIKAXGOVI og KVIKATRI, þá gefum við einnig út uppfærð gildi fyrir þær vísitölur. Einnig vantaði bréf í vísitölu fyrirtækjaskuldabréfa, KVIKAc, og hefur hún verið leiðrétt fyrir sama tímabil.
Frekari upplýsingar um vísitölur Kviku eignastýringar má finna hér. Vísitölurnar eru sendar út í lok hvers viðskiptadags til áskrifenda, hægt er að skrá sig með því að senda póst á <a href="mailto:visitolur@kvikaeignastyring.is">visitolur@kvikaeignastyring.is</a>
<a href="https://kvikaeignastyring.is/asset/3483/visitolur-kviku-eignastyringar.pdf" title="Vísitölur Kviku eignastýringar.pdf" target="_blank">Aðferðafræði vísitalna Kviku eignastýringar</a>
<a href="https://kvikaeignastyring.is/asset/3597/visitolur-faq.pdf" title="Vísitölur FAQ.pdf" target="_blank">Algengar spurningar</a>
<a href="https://kvikaeignastyring.is/asset/3863/20220131-kvikatri-kvikaxgovi-kvikacb-kvikac.xlsx" title="20220131 - KVIKATRI, KVIKAXGOVI, KVIKAcb, KVIKAc.xlsx" target="_blank">Leiðrétt gengi vísitalna</a>

Vísitölur Kviku eignastýringar í janúar 2022.

Fréttir