Sjóðir

Um okkur

Sjálfbærni

Fréttir

Með kaupunum eykst þjónusta við viðskiptavini í Ameríku og er það liður í vaxtarstefnu Rotovia til ársins 2028. 

Rotovia, sem er leiðandi fyrirtæki í hönnun og framleiðslu á hverfissteypum lausnum (e. rotomoulding solutions), hefur fest kaup á mexíkóska fyrirtækinu Ollin Plastics sem er stórt framleiðslufyrirtæki og sérhæft í hverfissteyptum afurðum. Kaupin marka tímamót fyrir fyrirtækið þar sem geta þess til að þjóna viðskiptavinum um alla Norður-Ameríku mun aukast til muna og styður við fyrirætlanir fyrirtæksins um ytri vöxt til ársins 2028. 

Ollin Plastics er staðsett í Monterrey í Mexíkó og sérhæfir sig í hágæða hverfissteyptum vörum. Verksmiðjan hóf starfssemi árið 2022 og með nýjustu tækni og mikilli áherslu á gæði, býður Ollin Plastics viðskiptavinum sínum upp á stuðning við vöruhönnun ásamt miklum möguleikum er kemur að samsetningu. Veltan í ár verður um 20 mUSD og hjá félaginu starfa um 130 manns. 

Daði Valdimarsson, forstjóri Rotovia: “Ég tel að með þessum kaupum geti Rotovia nýtt sér styrkleika Ollin Plastics til þess að ýta undir nýsköpun og vöxt í iðnaðinum. Kaupin á Ollin Plastics styðja mjög vel við langtímamarkmið félagsins og enn frekari vöxt í Norður-Ameríku, bæði á okkar eigin vörum og einnig í framleiðslu á vörum viðskiptavina okkar.“

Carlos De Santiago, verksmiðjustjóri Ollin Plastics: “Við erum mjög spennt að verða hluti af Rotovia og hlökkum til þeirra vaxtartækifæra sem verða af þessu. Saman getum við náð miklum árangri og haldið áfram að skila miklu virði til viðskiptavina okkar.“ 

Rotovia framleiðir og hannar sínar eigin vörur undir vörumerkjunum Sæplast, Tempra, iTUB og VARIBOX ásamt því að framleiða ýmsa íhluti fyrir bílaframleiðendur, framleiðendur landbúnaðartækja, vindmylluframleiðendur og fleiri geira. Hjá Rotovia starfa um 850 starfsmenn í 11 verksmiðjum í 8 mismunandi löndum. Fyrirtækið er með höfuðstöðvar sínar á Dalvík.

Freyja framtakssjóður og meðfjárfestar eiga 26% eignarhlut í Rotovia í gegnum eignarhaldsfélagið Embla Invest ehf. Óbeinn eignahlutur Freyju er 22,2% í félaginu.


Nánari upplýsingar veitir Daði Valdimarsson í síma: 8985082, eða dadi.valdimarsson@rotovia.com.

Rotovia, sem er leiðandi fyrirtæki í hönnun og framleiðslu á hverfissteypum lausnum (e. 
rotomoulding solutions), hefur fest kaup á mexíkóska fyrirtækinu Ollin Plastics sem er stórt 
framleiðslufyrirtæki og sérhæft í hverfissteyptum afurðum.

Rotovia hf. kaupir á mexíkóska fyrirtækið Ollin Plastics

Íslenska hugbúnaðarfyrirtækið PLAIO hefur tryggt sér fjármögnun upp á 4,3 milljóna evra, eða um 650 milljónir króna. Fjármögnunin verður notuð til að efla starfsemi PLAIO í Evrópu og til sóknar á Bandaríkjamarkað, ásamt því að nýtast til þróunar á Coplanner, nýju tóli fyrirtækisins sem notar gervigreind til að auðvelda yfirsýn og ákvarðanir stjórnenda þegar kemur að skipulagningu framleiðslu lyfja og nýtingu aðfanga.

Iðunn, fjárfestingarsjóður í umsjá eignastýringu Kviku banka, leiðir fjármögnunina með áframhaldandi þátttöku frá núverandi fjárfestum, Frumtaki og Dr. Agon. Pétur Richter, fjárfestingastjóri Iðunnar, og Andri Sveinsson frá Dr. Agon taka í kjölfarið sæti í stjórn PLAIO.

PLAIO var stofnað árið 2021 og þróar hugbúnað með gervigreind fyrir lyfja- og líftæknifyrirtæki. Hugbúnaðurinn sjálfvirknivæðir aðfangakeðjur með það að markmiði að hagræða í rekstri og hámarka nýtingu aðfanga. Hugbúnaðurinn er sérstaklega hannaður til að mæta þörfum lyfjaiðnaðarins og er einfaldur í uppsetningu, sem þýðir minni tími og kostnaður viðskiptavina við innleiðingu. Viðskiptavinum PLAIO hefur fjölgað um 200% á undanförnum tólf mánuðum, og eru alþjóðleg lyfjafyrirtæki á borð við Covis Pharma, Camarus og Alvotech á meðal viðskiptavina.

Jóhann Guðbjargarson, stofnandi og framkvæmdastjóri PLAIO: „Við stofnuðum PLAIO í þeim tilgangi að breyta úreltum, ónákvæmum og óhagkvæmum aðferðum í aðfangastýringu innan lyfjageirans. Ég hef starfað lengi við stýringu aðfangarkeðjunnar og orðið vitni að þeim flóknu vandamálum sem lyfjafyrirtæki standa frammi fyrir á hverjum degi þegar að kemur að ákvarðanartöku í aðfangakeðjunni. Það er meginástæðan fyrir því að við hófum þetta ferðalag, og þar sem áhugi og þróun á gervigreind heldur áfram að vaxa, erum við að upplifa mikinn vöxt og áhuga. Við erum spennt fyrir komandi misserum, og þessi fjármögnun mun hjálpa okkur að halda áfram að sækja fram og vaxa.“

Pétur Richter, fjárfestingarstjóri hjá Iðunni: „PLAIO er í forystu þegar kemur að stafrænni byltingu innan lyfjageirans, Við sjáum PLAIO sem mikilvæga lausn fyrir lyfjafyrirtæki og hún mun geta skipt sköpum þegar það kemur hámörkun og betri nýtingu hráefna. Við höfum sterka trú á að fyrirtækið muni vera leiðandi á þessu sviði innan nokkurra ára, og erum afar spennt að taka þátt í þessari vegferð.”

Nánari upplýsingar um PLAIO má finna á www.plaio.com.

Íslenska hugbúnaðarfyrirtækið PLAIO hefur tryggt sér fjármögnun upp á 4,3 milljóna evra, eða um 650 milljónir króna.

Iðunn fjárfestingarsjóður leiðir 650 milljóna króna fjármögnun PLAIO

Arctic Adventures hefur samið um kaup á öllu hlutafé í  móðurfélagi Special Tours, Whales of Iceland og Reykjavík Röst.

Special Tours hefur frá árinu 1996 sérhæft sig í hafsækinni ferðaþjónustu allan ársins hring frá Reykjavík, svo sem hvalaskoðun og norðurljósaferðum. Reykjavík Röst er kaffihús með notalegu útsýni yfir gömlu höfnina í Reykjavík. Whales of Iceland er stærsta hvalasafn í Evrópu, staðsett á Granda.

Fyrirtækin falla vel að starfsemi Arctic Adventures sem er eitt öflugasta og rótgrónasta ferðaþjónustufyrirtæki landsins. Stefna Arctic Adventures er að skapa ábyrgt og öruggt aðgengi að áfangastöðum í íslenskri náttúru auk þess að bjóða upp á sjálfbæra og vistvæna ferðaþjónustu um allt land.

„Special Tours, Reykjavík Röst og Whales of Iceland eru frábær viðbót við Arctic Adventures og koma til með að styrkja enn frekar okkar fjölbreytta framboð ferða og afþreyingar. Kaupin eru áfangi í vegferð okkar að byggja upp öflugt ferðaþjónustufélag og bjóða upp á fyrsta flokks ferðaþjónustu hér á landi. Íslensk ferðaþjónusta heldur áfram að vaxa jafnt og þétt og við ætlum að leggja okkur fram um að tryggja góða þjónustu og einstaka upplifun þeirra sem ferðast um landið. Kaupin styrkja þessi markmið,“ segir Ásgeir Baldurs, forstjóri Arctic Adventures. 

„Með kaupum Arctic Adventures á Special Tours skapast tækifæri til að sameina krafta tveggja öflugra fyrirtækja í ferðaþjónustu sem deila ástríðu fyrir því að skapa ógleymanlegar upplifanir með viðskiptavinum sínum. Ég hlakka til að taka þátt í þeirri öflugu þróun og uppbyggingu á íslenskri ferðaþjónustu sem Arctic Adventures stendur fyrir um allt land. Special Tours og dótturfélög munu starfa með óbreyttu sniði og veita viðskiptavinum sínum sömu framúrskarandi þjónustu," – segir Ásta María Marinósdóttir framkvæmdastjóri Special Tours.

Kaup Arctic Adventures á ST holding koma í kjölfar söluferlis í umsjón fyrirtækjaráðgjafar Landsbankans og eru með fyrirvara um samþykki samkeppnisyfirvalda.

Arctic Adventures kaupir Special Tours

Framtakssjóðurinn Edda og Vari eignarhaldsfélag hafa undirritað kaupsamning um kaup Vara á 40% hlut í Securitas.  Kaupsamningurinn er með fyrirvara um samþykki Samkeppniseftirlitsins. Eftir að viðskiptin eru frágengin verður Vari 100% eigandi Securitas.  Vari verður í 95% eigu Stekks fjárfestingarfélags, sem hefur verið hluthafi í Securitas til 14 ára.  Stekkur er í 100% eigu Kristins Aðalsteinssonar.

Guðlaug Kristbjörg Kristinsdóttir er stjórnarformaður Vara eignarhaldsfélags og forstjóri Stekks fjárfestingarfélags: 

„Ég vil þakka Margit Robertet og Kviku eignastýringu, rekstraraðila Eddu, innilega fyrir samstarfið undanfarin 10 ár.  Framtakssjóðurinn hefur verið góður samstarfsaðili í þessu verkefni.  Viðskiptin nú marka stór tímamót hjá Stekk og erum við ótrúlega spennt að halda áfram að uppbyggingu Securitas og efla þjónustu til okkar viðskiptavina.  Ég hef setið í stjórn félagins í 14 ár og er virkilega spennt fyrir komandi tímum.

Stekkur er fjölskyldueignarhaldsfélag sem hyggst fjárfesta áfram í íslensku viðskiptalífi.  Fá fyrirtæki eru jafn góður fjárfestingarkostur og Securitas og sjáum við því fram á að halda áfram sem hluthafar til lengri tíma. Þegar langtímahugsjónir ráða för í fyrirtæki er aðaláhersla á að reka félagið vel og að hlúa að mikilvægum viðskiptasamböndum og fjárfesta til framtíðar.“

Margit Robertet er framkvæmdastjóri Eddu og hefur verið fulltrúi sjóðsins í stjórn Securitas frá árinu 2016.

„Eftir langt og farsælt samstarf með Stekk um fjárfestinguna í Securitas hefur Edda samþykkt tilboð Stekks um kaup á 40% hlut sjóðsins í félaginu. Það er með nokkrum trega sem við hverfum á braut enda Securitas gríðarlega flott félag með ýmis áhugaverð tækifæri til frekari vaxtar en yfir fjárfestingartímabilið hefur félagið tvöfaldað tekjur sínar og þrefaldað rekstrarhagnað fyrir afskriftir og skatta. Fyrir hönd Eddu þá vil ég þakka Guðlaugu Kristinsdóttur og Stekk fyrir gott samstarf og óska þeim alls hins besta á þessum tímamótum. 

Edda slhf. er 5 milljarða framtakssjóður í rekstri Kviku eignastýringar sem stofnaður var 2013.“

Framtakssjóðurinn Edda og Vari eignarhaldsfélag hafa undirritað kaupsamning um kaup Vara á 40% hlut í Securitas.

Vari eignarhaldsfélag undirritar kaupsamning á 40% hlut í Securitas hf.


Freyja framtakssjóður, sem er í rekstri Kviku eignastýringar, hefur í samstarfi við SÍA IV og lykilstjórnendur gengið frá kaupum á hverfisteypustarfsemi Berry Global Inc. Undir starfsemina eru meðal annars félögin Sæplast og Tempra, sem eru félög með langa og farsæla sögu á Íslandi. Kaupandinn er ROTOVIA hf., nýstofnað félag í eigu framtakssjóðanna Freyju og SÍA IV ásamt lykilstjórnendum. Hverfisteypudeild Berry Global Inc var áður hluti af Promens hf. sem selt var úr landi árið 2015, en félagið var á þeim tíma eitt stærsta fyrirtæki landsins.

ROTOVIA mun hafa sterka stöðu hérlendis og erlendis og þjóna fjölbreyttum hópi viðskiptavina í ýmsum markaðsgeirum en með sérstaka áherslu á matvælaiðnaðinn. Hið nýja félag verður með 14 starfsstöðvar í 10 löndum í Evrópu og Ameríku og hjá því munu starfa alls um 800 manns, þar af um 100 starfsmenn á Íslandi. Undir nýju eignarhaldi mun ROTOVIA halda áfram að byggja upp mikilvæg langtímasambönd við viðskiptavini, fjárfesta enn frekar í sjálfvirkni í framleiðsluferlum og nýsköpun, með áherslu á endurvinnanlegar og endurnýtanlegar vörur.

Velta hinna keyptu eininga er um 18 milljarðar króna, þar af kemur um helmingur frá eigin vörumerkjum sem eru með mjög sterka stöðu á markaði, s.s. Sæplast, Tempra, iTUB og Varibox&nbsp; og um helmingur kemur frá framleiðslu á ýmsum hverfisteyptum vörum fyrir kröfuharða alþjóðlega viðskiptavini.

“ROTOVIA fellur vel að fjárfestingarstefnu Freyju, en Rotovia er leiðandi á sínu sviði sem stærsta hverfisteypufélag í Evrópu. Félagið hefur lagt áherslu á nýsköpun í sjálfbærni og endurnýtingu hráefna og mun nýr eigendahópur efla þá þróun. Starfsemin hefur skilað af sér sterku sjóðstreymi þrátt fyrir eigendabreytingar og efnahagslegar áskoranir síðustu ár, þökk sé öflugu teymi lykilstjórnenda sem eru einnig hluti af eigendahópnum. Mikil tækifæri felast í því að koma starfsemi, sem áður var hluti af stóru alþjóðlegu fyrirtæki, undir nýtt sjálfstætt félag. Næstu verkefni félagsins munu snúa að því að grípa þau tækifæri, ásamt því að halda áfram fjárfestingu í vöruþróun með áherslu á að auka hlutfall endurunnins hráefnis í vörum félagsins.” segir Margit Robertet frá Freyju.

Fyrirtækjaráðgjöf Kviku var fjárfestunum til ráðgjafar í kaupferlinu og BBA//Fjeldco veitti lögfræðiráðgjöf.

Sjóður í umsjón Capital Four veitti lánsfjármögnun til kaupanna.

Freyja framtakssjóður, sem er í rekstri Kviku eignastýringar, hefur í samstarfi við SÍA...

Freyja framtakssjóður fjárfestir í hverfisteypustarfsemi Berry Global undir nafni Rotovia

Framtakssjóðasvið Kviku eignastýringar gaf nýlega út sjálfbærniskýrslu fyrir árið 2022 til fjárfesta í framtakssjóðunum. Er þetta í þriðja sinn sem félagið sendir fjárfestum slíka skýrslu. Skýrslan er eingöngu ætluð fjárfestum sjóðanna en skýrslan fjallar um frammistöðu fyrirtækja í eignasafni er varðar UFS þætti (þ.e. umhverfisþætti, félagsþætti og stjórnarhætti) auk umfjöllunar um sjálfbærnivegferð Rotovia, nýjustu fjárfestingar Freyju framtakssjóðs. Eftirfarandi er útdráttur úr skýrslunni.

Kvika eignastýring hefur markað sér stefnu um ábyrgar fjárfestingar og hefur Kviku samstæðan verið aðili að UN PRI síðan 2020. Félagið er einn reynslumesti rekstraraðili framtakssjóða á Íslandi og var fyrsti framtakssjóðurinn stofnaður árið 2008. Framtakssjóðasvið félagsins rekur nú fjóra framtakssjóði, Auði I, Eddu, Freyju og Iðunni, en sjóðirnir nýta tækifæri sem felast í langtímafjárfestingu í óskráðum fyrirtækjum. Sjóðirnir eru áhrifafjárfestar sem leggja áherslu á að styðja stjórnendur með markvissum hætti í að bæta rekstur og árangur félaga í eigu sjóðanna. Þeir hvetja félögin til að sýna samfélagslega ábyrgð, tileinka sér góða viðskipta- og stjórnarhætti, gæta að fjölbreytni í stjórnun og huga að umhverfismálum. Áherslur sjóðanna á samfélagslega ábyrgð á við í öllu fjárfestingarferlinu, allt frá mati á fjárfestingakostum, sem hluti af áreiðanleikakönnun fyrir fjárfestingu, yfir eignarhaldstímann með markmiðasetningu og eftirfylgni og að lokum í undirbúningi fyrir sölu. Áherslurnar fylgja síðan félögunum eftir sölu með verðmætari, öflugri og samfélagslega ábyrgari félögum.

Frá upphafi hafa framtakssjóðir Kviku eignastýringar lagt áherslu á ábyrgar fjárfestingar og beitt sér fyrir því að fyrirtækin sem fjárfest er í séu samfélagslega ábyrg og setji sér skýr UFS markmið. Í þeim tilgangi stóð framtakssjóðasvið fyrir sjálfbærni- og UFS vinnustofu í janúar 2023 fyrir stjórnendur fyrirtækja í eignasafni sjóðanna. Á vinnustofunni fóru sérfræðingar á sviði sjálfbærni, nýsköpunar og hringrásarhagkerfis frá Lab21st yfir breytingar á regluverki varðandi sjálfbærni og upplýsingagjöf fyrirtækja, góðar starfsvenjur og helstu upplýsingar um sjálfbærni í rekstri félaganna. Vinnustofunni var skipt í þrjú þemu þar sem rætt var um kerfishugsun og mismunandi viðskiptamódel hringrásarhagkerfisins, farið yfir UFS grundvallaratriði, breytt lagaumhverfi og ýmis atriði til að hjálpa félögum að innleiða nýsköpun í tengslum við sjálfbærni.

Rotovia er eitt af fyrirtækjunum í eignasafni framtakssjóðanna sem hefur nýtt sér sjálfbærniráðgjöf Lab21st, en Rotovia er alþjóðlegt framleiðslufyrirtæki og er eitt stærsta hverfisteypufélag í heimi. Félagið þjónar fjölbreyttum hópi viðskiptavina í mismunandi atvinnugreinum með sérstaka áherslu á matvælaiðnaðinn. Í kjölfar fjárfestingar framtakssjóðsins Freyju í Rotovia var farið í stefnumótunarvinnu þar sem framtíðarsýn og vaxtarstefna félagsins til ársins 2028 var mótuð með sjálfbærni í forgrunni. Markmið félagsins er að 20% af endurunnu hráefni verði í framleiddum vörum árið 2028. Þá mun Rotovia taka upp nýtt skilakerfi, þar sem viðskiptavinir skila til baka gömlum og úr sér gengnum vörum til endurvinnslu. Þetta mun bæta hringrás í vöruframboði félagsins og auka sjálfbærni.

Fjárfesting Freyju í Rotovia var fjármögnuð með lánsfjármögnun þar sem lánakjör félagsins eru meðal annars tengd ákveðnum UFS viðmiðum og er það fyrsta fjárfesting framtakssjóðasviðs sem fjármögnuð er með slíkum hætti. UFS markmiðin sem voru samþykkt skuldbinda Rotovia til að draga úr heildarorkunotkun og vægi jarðefnaeldsneytis í framleiðslu sem og að auka vægi endurunnins hráefnis í vörum félagsins.


Aukin áhersla á sjálfbærni hjá Kviku eignastýringu

Á liðnu ári, samhliða verkefnum framtakssjóðasviðs og í takt við sjálfbærnivegferð félagins, réð Kvika eignastýring til sín sérfræðing í sjálfbærni í fullt starf og hefur félagið boðið starfsmönnum sínum á námskeið um ábyrgar fjárfestingar á vegum UN PRI. Einnig var stofnaður sérstakur UFS vinnuhópur sem samanstendur af fulltrúum frá hverju sviði félagsins, þar á meðal frá framtakssjóðasviði.

Framtakssjóðasvið Kviku eignastýringar gaf nýlega út sjálfbærniskýrslu fyrir árið 2022 til...

Framtakssjóðasvið Kviku eignastýringar gaf nýlega út sjálfbærniskýrslu fyrir árið 2022 til fjárfesta í framtakssjóðunum.  Er þetta í þriðja sinn sem félagið sendir fjárfestum slíka skýrslu. Skýrslan er eingöngu ætluð fjárfestum sjóðanna en skýrslan...

Samantekt á sjálfbærniskýrslu framtakssjóðasviðs Kviku eignastýringar

Framtakssjodir

Kvika eignastýring er einn reynslumesti rekstraraðili framtakssjóða á Íslandi. Sjóðir framtakssjóðasviðs nýta sér tækifæri sem felst í langtímafjárfestingu í óskráðum fyrirtækjum.

Iðunn er fjórði sjóður framtakssjóðasviðs og jafnframt fyrsti vísisjóðurinn (e. Venture capital fund) í rekstri Kviku eignastýringar.

Iðunn

Freyja er þriðji framtakssjóðurinn í rekstri Kviku eignastýringar.

Freyja

Edda er annar framtakssjóðurinn í rekstri Kviku eignastýringar.

Edda

Auður I er fyrsti framtakssjóðurinn í rekstri Kviku eignastýringar.

Auður

Framtakssjóðir

Baldvin er lögfræðingur Kviku eignastýringar. Baldvin hefur starfað innan Kviku samstæðunnar síðan árið 2023. Áður starfaði Baldvin sem lögfræðingur hjá KPMG Law.

Baldvin er með B.A. gráðu og meistaragráðu í lögfræði frá Háskóla Íslands.

Baldvin Hugi Gíslason

Kolbeinn Þór er viðskiptastjóri í einkabankaþjónustu Kviku eignastýringar. Hann hóf störf hjá Kviku samstæðunni árið 2024 í eignastýringu. Kolbeinn starfaði sem viðskiptastjóri einkabankaþjónustu Kaupþings, og síðar Arion, á árunum 2000-2016 og sem forstöðumaður einkabankaþjónustu Arion frá 2016 til 2024. 

Kolbeinn Þór er með Cand. Oecon próf í viðskiptafræði frá Háskóla Íslands og hefur lokið löggildingu í verðbréfamiðlun.

Kolbeinn Þór Bragason

Tanja er sérfræðingur í fjármálum og rekstri hjá Kviku eignastýringu. Hún hóf störf hjá Kviku eignastýringu árið 2023. Áður starfaði Tanja hjá innheimtufyrirtækinu Debitum-Gjaldskil. 

Tanja er með B.Sc. gráðu í fjármálaverkfræði frá Háskólanum í Reykjavík og hefur lokið prófi í verðbréfaviðskiptum.

Tanja Kristín Bjarkadóttir

Sigurður er forstöðumaður áhættustýringar, fjármála og rekstrar og áhættustjóri Kviku eignastýringar. Hann hóf störf hjá Kviku eignastýringu árið 2021. Sigurður hefur starfað sem sérfræðingur í áhættustýringu Arion banka frá 2015 og verið stundakennari við Háskólann í Reykjavík frá 2016 og m.a. kennt áfanga í áhættustýringu við verkfræðideild skólans. Einnig hefur Sigurður setið í fagráði Tækniþróunarsjóðs frá 2018 - 2023. 

Sigurður er með BS gráðu í umhverfis- og byggingarverkfræði frá Háskóla Íslands og PhD gráðu í  umhverfis- og byggingarverkfræði frá Massachusetts Institute of Technology (MIT). Við MIT starfaði Sigurður einnig við ýmsar rannsóknir á sviði reiknilegrar straumfræði.

Sigurður Pétur Magnússon

Sigurgeir er verkefnastjóri hjá Kviku eignastýringu. Hann hóf störf hjá Kviku eignastýringu árið 2020. Samhliða háskólanámi starfaði Sigurgeir í viðskiptaumsjón og við viðskiptaþróun hjá Arion banka. Auk þess hefur Sigurgeir sinnt dæmatímakennslu í Háskólanum í Reykjavík. 

Sigurgeir er með B.Sc. gráðu í hagfræði og fjármálum frá Háskólanum í Reykjavík og hefur lokið prófi í verðbréfaviðskiptum.

Sigurgeir Jónasson

Örvar er sjóðstjóri blandaðra sjóða hjá Kviku eignastýringu. Hann hóf störf að nýju hjá Kviku eignastýringu árið 2024 en starfaði þar einnig á árunum 2015 til 2023, að mestu sem sjóðstjóri í skuldabréfa- og blönduðum sjóðum.

Örvar hefur einnig starfað sem verðbréfamiðlari hjá Íslandsbanka árið 2024 og sérfræðingur hjá áhættustýringu Landsbankans frá 2011 til 2015. Örvar kenndi að auki við verkfræðideild Háskóla Reykjavíkur á árunum 2018 til 2022. Örvar er með B.Sc. gráðu í fjármálaverkfræði frá Háskólanum í Reykjavík, M.Sc. gráðu í fjármálastærðfræði frá Queen Mary University of London og hefur lokið prófi í verðbréfaviðskiptum.

Örvar Snær Óskarsson

Sólveig er sérfræðingur í fjármálum og rekstri hjá Kviku eignastýringu. Hún hóf störf hjá Kviku eignastýringu árið 2021. Áður starfaði Sólveig hjá Össuri. 

Sólveig er með B.Sc. gráðu í vélaverkfræði frá Háskóla Íslands, hefur lokið prófi í verðbréfaviðskiptum og stundar nám í fjármálum (M.Fin.) við Háskóla Íslands.

Sólveig Björnsdóttir

Jónas er forstöðumaður sjóðastýringar. Áður starfaði Jónas sem fjárfestingarstjóri í eignastýringu stofnanafjárfesta hjá Kviku eignastýringu, þar áður starfaði Jónas sem sjóðstjóri blandaðra sjóða hjá Kviku eignastýringu og framkvæmdastjóri veðskuldabréfasjóðsins Veðskuldar slhf. Hann hefur starfað hjá Kviku samstæðunni frá árinu 2006. Jónas var framkvæmdastjóri eignastýringar Virðingar frá 2014-2017, forstöðumaður eignastýringar Virðingar á árunum 2011-2014 og þar áður sjóðstjóri hjá Virðingu frá 2006. 

Jónas er með B.Sc. gráðu í viðskiptafræði frá Háskólanum í Reykjavík og hefur lokið prófi í verðbréfaviðskiptum.

Jónas Reynir Gunnarsson

Eggert er sérfræðingur í eignastýringu stofnanafjárfesta hjá Kviku eignastýringu. Hann hefur starfað hjá Kviku samstæðunni frá 2011 þegar hann hóf störf hjá eignastýringu verðbréfafyrirtækisins Virðingar. Áður starfaði Eggert hjá IFS ráðgjöf frá 2010-2011 og sem hlutabréfagreinandi hjá Kaupþingi á árunum 2007-2008. Hann hefur auk þess starfað sem blaðamaður á Markaðnum og Viðskiptablaðinu. Þá sat hann í stjórn Íslenskra verðbréfa hf. frá 2010-2011. 

Eggert er með B.A. próf í sagnfræði frá Háskóla Íslands og hefur lokið námi í fjármálum (M.Fin.) við Háskóla Íslands. Aukinheldur hefur hann lokið prófi í verðbréfaviðskiptum.

Eggert Aðalsteinsson

Haukur Þór er viðskiptastjóri í einkabankaþjónustu Kviku eignastýringar. Hann hóf störf hjá Kviku samstæðunni árið 2019 í eignastýringu. Haukur starfaði sem verkefnastjóri hjá GAMMA frá 2017-2019 og sat í stjórn félagsins á árunum 2015-2017. Áður var Haukur aðstoðarframkvæmdastjóri Samtaka fyrirtækja í sjávarútvegi frá 2014-2017, framkvæmdastjóri afleiðusviðs slitabús Kaupþings 2009-2014 og sérfræðingur í gjaldeyris- og afleiðumiðlun og skuldastýringu hjá Kaupþingi frá 2004-2008. Þá hefur Haukur setið í stjórnum ýmissa félaga og samtaka. 

Haukur Þór er með Cand. oecon próf í viðskiptafræði af reikningshalds- og enduskoðunarsviði frá Háskóla Íslands, hefur lokið prófi í verðbréfaviðskiptum, ACI-dealing prófi og staðist hæfismat FME á hæfi framkvæmdastjóra og stjórnarmanna eftirlitsskyldra aðila.

Haukur Þór Hauksson

Svava er viðskiptastjóri í einkabankaþjónustu Kviku eignastýringar. Hún hóf störf hjá Kviku samstæðunni árið 2017. Svava hefur starfað á fjármálamarkaði og tengdri starfsemi frá byrjun árs 2012 og hefur komið að ýmsum störfum sem tengjast meðal annars útlánum, fjármálaráðgjöf, tekjustýringu og uppgjöri.

Svava er með B.Sc. gráðu í viðskiptafræði, M.Sc. gráðu í fjármálum fyrirtækja frá Háskóla Íslands og hefur lokið prófi í verðbréfaviðskiptum.

Svava Hildur Steinarsdóttir

Vaka er sjóðstjóri blandaðra sjóða hjá Kviku eignastýringu. Áður starfaði Vaka sem forstöðumaður fjármála og rekstrar hjá Kviku eignastýringu. Vaka hóf störf hjá Kviku eignastýringu sem sérfræðingur á fjármála- og rekstrarsviði árið 2020. 

Vaka er með B.Sc. gráðu í heilbrigðisverkfræði frá Háskólanum í Reykjavík, M.Sc. gráðu í nýsköpunarverkfræði og frumkvöðlafræði frá University College London (UCL) og próf í verðbréfaviðskiptum.

Vaka Jóhannesdóttir

Anna er lögfræðingur Kviku eignastýringar. Anna hefur starfað innan Kviku samstæðunnar síðan árið 2019. Áður starfaði Anna sem lögfræðingur og regluvörður hjá GAMMA Capital Management. 

Anna er með B.A. gráðu og meistaragráðu í lögfræði frá Háskóla Íslands og hefur lokið prófi í verðbréfaviðskiptum.

Anna Daníelsdóttir (í orlofi)

Bjarki er viðskiptastjóri í einkabankaþjónustu Kviku eignastýringar. Hann hefur starfað innan Kviku samstæðunnar frá árinu 2017. Bjarki var viðskiptastjóri í einkabankaþjónustu Arion banka frá 2009-2017, viðskiptastjóri í einkabankaþjónustu Kaupþings frá 2003-2009 og starfaði í eignastýringu Búnaðarbankans Verðbréfa frá 1999-2003. 

Bjarki er með próf í verðbréfaviðskiptum frá Háskólanum í Reykjavík.

Bjarki Sigurðsson

Helena er sérfræðingur í sjálfbærni hjá Kviku eignastýringu og hefur áður unnið í sjálfbærniverkefnum hjá Kviku. Hún situr í stjórn IcelandSIF, samtaka sem vinna að því að efla umræðu og fræðslu um ábyrgar og sjálfbærar fjárfestingar. Áður starfaði Helena hjá bresku verslunarkeðjunni Hamleys, mestmegnis í Bretlandi og svo í Tékklandi.

Helena er með B.A. gráðu í mannfræði og fjölmiðlafræði frá Goldsmiths University of London og MBA gráðu frá IESE Business School í Barcelona.

Helena Guðjónsdóttir

Þorlákur Helgi er sjóðstjóri hlutabréfasjóða Kviku eignastýringar. Hann hóf störf hjá Kviku eignastýringu árið 2013. Innan félagsins hefur hann starfað sem greinandi og sjóðstjóri í hlutabréfasjóðum, blönduðum sjóðum, lausafjársjóði og fagfjárfestasjóðum. Þorlákur Helgi er einnig aðjúnkt í fjármálum við Viðskiptafræðideild Háskóla Íslands og kennir þar einn kúrs á meistarastigi. Hann hefur verið að kenna og leiðbeina frá 2010 bæði í Háskólanum í Reykjavík og Háskóla Íslands.

Þorlákur Helgi er með B.Sc. gráðu í fjármálaverkfræði, M.Sc. gráðu í fjármálaverkfræði, MCF gráðu í fjármálum fyrirtækja frá Háskólanum í Reykjavík, hefur lokið prófi í verðbréfaviðskiptum og er CFA handhafi.

Þorlákur Helgi Hilmarsson

Helen er sjóðstjóri kreditsjóða hjá Kviku eignastýringu. Helen hóf störf hjá Kviku eignastýringu í mars 2021. Frá árinu 2016 starfaði Helen sem viðskiptastjóri á fyrirtækjasviði Arion banka hf. en áður starfaði hún sem sjóðstjóri hjá Stefni hf. í tveimur fasteignasjóðum. Auk þess starfaði hún sem verkefnastjóri fjá fyrirtækjalausnum Arion banka hf. á árunum 2009-2011. 

Helen er viðskiptafræðingur með M. Sc. gráðu í fjármálum frá Háskóla Íslands og B.Ed. próf frá Kennaraháskóla Íslands. Jafnframt hefur hún lokið prófi í verðbréfamiðlun frá Háskólanum í Reykjavík og stundar nú M.Sc. nám í verkefnastjórnun við Háskóla Íslands.

Helen Ólafsdóttir

Daníel er sjóðstjóri fasteignasjóða hjá Kviku eignastýringu. Hann hóf störf hjá Kviku árið 2017. Daníel hefur starfað sem sérfræðingur og sjóðstjóri hjá GAMMA Capital Management og var á tíma starfsmaður sérhæfðra fjárfestinga hjá eignastýringu Kviku. Hann hefur víðtæka reynslu af rekstri og fjármálum fyrirtækja ásamt eftirfylgni, þróun og sölu fasteignaverkefna. 

Daníel er með B.Sc. próf í viðskiptafræði frá Háskóla Íslands og hefur lokið prófi í verðbréfaviðskiptum.

Daníel Þór Magnússon

Karvel er sérfræðingur kreditsjóða hjá Kviku eignastýringu. Hann hóf störf hjá Kviku eignastýringu árið 2022. Karvel hefur starfað á fjármálamarkaði síðan 2008. Hann starfaði sem viðskiptastjóri á fyrirtækjasviði Landsbankans á árunum 2008-2015, sérfræðingur í fyrirtækjaráðgjöf Virðingar frá 2015-2017, við fyrirtækjarekstur, fjármögnun og í fjárfestingum til 2020 og í hagdeild Marel hf. frá 2020-2022. 


Karvel er með BA gráðu í Stjórnmálafræði frá Háskóla Íslands, er í Executive MBA námi við UHI háskólann í Skotlandi og hefur lokið prófi í verðbréfaviðskiptum.

Karvel Steindór Pálmason

Andri Már er sjóðstjóri skuldabréfasjóða hjá Kviku eignastýringu. Hann hóf störf hjá Kviku eignastýringu árið 2022. Áður starfaði Andri í eignastýringu og fjárfestatengslum hjá Sjóvá. Á árunum 2020-2021 starfaði hann hjá ABN AMRO í áhættustýringu. Á árunum 2017-2020 starfaði hann hjá stærsta fyrirtæki Hollands, ASML, í fjárstýringu innan fjármálasviðs. 

Andri Már er með B.Sc. gráðu í fjármálaverkfræði frá Háskólanum í Reykjavík og M.Sc. heiðursgráðu í fjármálum og áhættustýringu frá Vrije Universiteit Amsterdam. Andri hefur lokið prófi í verðbréfaviðskiptum. 

Andri Már Rúnarsson

Björn er viðskiptastjóri í einkabankaþjónustu Kviku eignastýringar. Hann hefur starfað hjá Kviku samstæðunni frá árinu 2012 þegar hann hóf störf hjá Auði Capital. Auk þess starfaði Björn í 9 ár sem viðskiptastjóri í einkabankaþjónustu Kaupþings í Lúxemborg og Greenleaf Financial. 

Björn er með B.Sc. gráðu í viðskiptafræði og líffræði og M.Sc. í sjávarútvegsfræði frá Háskóla Íslands. Björn hefur einnig lokið prófi sem löggiltur verðbréfamiðlari og viðurkenndur bókari.

Björn Knútsson

Andri er sjóðstjóri blandaðra sjóða hjá Kviku eignastýringu. Hann hóf störf hjá Kviku eignastýringu árið 2021. Andri hefur starfað sem sérfræðingur og sjóðstjóri innan eignastýringar fagfjárfesta hjá Arion banka og var á tíma starfsmaður sérhæfðra fjárfestinga hjá Stefni. Hann hefur jafnframt starfað sem sérfræðingur í fjárfestingarráðgjöf fyrir fagfjárfesta hjá Gabler AS auk þess að hafa kennt þjóðhagfræði við Háskóla Íslands. 

Hann lauk BS gráðu í Hagfræði frá Háskóla Íslands 2007 og MS í viðskiptafræði 2014.  Undanfarið hefur hann verið í MS námi í gagngreiningu (e. Data analytics) við Oxford Brookes University.  Andri hefur auk þess lokið prófi í verðbréfaviðskiptum.

Andri Stefan Guðrúnarson

Hannes Frímann er framkvæmdastjóri Kviku eignastýringar. Hann hefur starfað hjá Kviku samstæðunni frá 2012, lengst af sem forstjóri Virðingar og Auðar Capital. Fyrir þann tíma var Hannes framkvæmdastjóri og einn stofnenda Tinda verðbréfa og einnig aðstoðarframkvæmdastjóri fjárstýringar og markaðsviðskipta hjá Arion banka og Kaupþingi.

Hannes hefur setið í stjórnum fjölda sjóða og félaga í gegnum tíðina. 
Hannes Frímann er með Cand. oecon gráðu í viðskiptafræði frá Háskóla Íslands. Hann hefur lokið prófi í verðbréfaviðskiptum og ACI Dealing prófi í gjaldeyris- og afleiðuviðskiptum.

Hannes Frímann Hrólfsson

Almar er sjóðstjóri hjá Kviku eignastýringu. Almar hefur starfað innan Kviku samstæðunnar síðan árið 2019. Áður starfaði Almar sem sérfræðingur og áhættustjóri hjá GAMMA Capital Management. 

Almar er með B.sc. gráðu í viðskiptafræði frá Háskólanum á Akureyri, M.Sc. gráðu í fjármálum fyrirtækja frá University og Edinburgh, próf í verðbréfaviðskiptum og hefur lokið fyrsta af þremur prófum í CFA vottun.

Almar Ögmundsson

Þórður er viðskiptastjóri í einkabankaþjónustu Kviku eignastýringar. Hann hefur starfað hjá Kviku samstæðunni frá 2010 þegar hann hóf störf hjá Auði Capital. Áður vann Þórður hjá Banque Haviland, í eignastýringu og einkabankaþjónustu Kaupþings í Lúxemborg og einnig hjá Kaupþingi á Íslandi. 

Þórður er með B.Sc. í viðskiptafræði frá Háskólanum á Bifröst og hefur einnig lokið löggildingu í verðbréfamiðlun.

Þórður Emil Ólafsson

Birgitta er viðskiptastjóri í einkabankaþjónustu Kviku eignastýringar. Hún hóf störf hjá Kviku eignastýringu árið 2023. Áður starfaði Birgitta í fyrirtækjaráðgjöf Kviku frá 2021-2023. 

Birgitta er með BSc gráðu í viðskiptafræði frá Copenhagen Business School og hefur lokið prófi í verðbréfaviðskiptum.

Birgitta Maren Einarsdóttir

Frosti er viðskiptastjóri í einkabankaþjónustu Kviku eignastýringar. Hann hefur starfað hjá Kviku samstæðunni frá árinu 2011. Frosti var forstöðumaður verðbréfamiðlunar Virðingar og Auðar Capital frá 2011-2017 og einn stofnenda Tinda verðbréfa, sem sameinaðist Auði Capital árið 2011. Auk þess starfaði hann hjá Kaupþingi, m.a. sem forstöðumaður verðbréfamiðlunar og sem verðbréfamiðlari hjá Fjárvangi sem síðar sameinaðist inn í Frjálsa fjárfestingarbankann. 

Frosti er með B.Sc. próf í viðskiptafræði frá Háskóla Íslands og hefur einnig lokið prófi í verðbréfamiðlun.

Frosti Reyr Rúnarsson

Margit er forstöðumaður framtakssjóða hjá Kviku eignastýringu. Hún hefur starfað hjá Kviku samstæðunni frá 2007 þegar hún tók við framkvæmdastjórastöðu fyrirtækjaráðgjafar hjá Auði Capital. Áður var hún framkvæmdastjóri lánasviðs Straums fjárfestingarbanka frá 2005-2007 og starfaði í fyrirtækjaráðgjöf erlendis, hjá Credit Suisse í París á árunum 1996-2005 og hjá Barclays í London frá 1993-1996. Margit situr í stjórn Íslandshótela og Securitas og er formaður stjórnar IcelandSIF, samtaka fagfjárfesta með það að markmiði að efla þekkingu og umræðu um aðferðafræði sjálfbærra og ábyrga fjárfestinga. 

Margit er viðskiptafræðingur frá University of Colorado í Bandaríkjunum og er með MBA gráðu frá Rotterdam School of Management. Hún hefur lokið prófi í verðbréfaviðskiptum bæði á Íslandi og í London.

Margit Johanne Robertet

Pétur er sérfræðingur hjá framtakssjóðum Kviku eignastýringar. Pétur hóf störf hjá Kviku eignastýringu í apríl 2021. Pétur hefur undanfarið unnið sem fyrirtækjaráðgjafi innan Deloitte. Áður starfaði Pétur hjá Arion banka og forverum hans í fyrirtækjaráðgjöf, fyrirtækjalausnum og markaðsviðskiptum. 

Pétur er vélaverkfræðingur frá Háskóla Íslands og MBA frá Háskólanum í Reykjavík auk þess að hafa lokið prófi í verðbréfaviðskiptum.

Pétur Richter

Lilja er sérfræðingur hjá stofnanafjárfestum Kviku eignastýringar. Lilja hóf störf hjá Kviku eignastýringu í september 2022. Áður starfaði Lilja á hagfræðisviði Seðlabanka Íslands auk þess sem hún kenndi hagrannsóknir við Háskóla Íslands. 

Lilja er með B.Sc. gráðu í hagfræði frá Háskóla Íslands, M.Sc. gráðu í hagfræði frá Stockholm University og hefur lokið prófi í verðbréfaviðskiptum.

Lilja Sólveig Kro

Emil er sérfræðingur hjá framtakssjóðum Kviku eignastýringar. Emil hóf störf hjá Kviku eignastýringu í október 2021. Áður starfaði Emil sem ráðgjafi hjá fyrirtækjaráðgjöf EY. 

Emil er með B.Sc. gráðu í fjármálaverkfræði og MCF gráðu í fjármálum fyrirtækja frá Háskólanum í Reykjavík.

Emil Robert Smith

Einar Pálmi er sérfræðingur á framtakssjóðasviði Kviku eignastýringar. Hann hefur starfað hjá Kviku og forverum hennar frá árinu 2017. Áður en Einar Pálmi kom til starfa hjá Kviku hafði hann starfað hjá Íslandsbanka, Kaupþingi, Arion banka, H.F. Verðbréfum og sjálfstætt. Hann starfaði upphaflega á gjaldeyris og verðbréfamarkaði en síðustu 10 ár hefur hann verið í fyrirtækjaráðgjöf og í framtakssjóðafjárfestingum. Auk þess situr Einar Pálmi í stjórn Já, Arctic Adventures og Ísmar sem eru félög í eigu framtakssjóða í rekstri Kviku. 

Einar Pálmi er viðskiptafræðingur frá Háskóla Íslands og með MBA frá Rotterdam School of Management. Einar Pálmi er einnig með próf í verðbréfaviðskiptum.

Einar Pálmi Sigmundsson

Sveinn er sérfræðingur í sjóðastýringu hjá Kviku eignastýringu. Sveinn hóf störf hjá Kviku eignastýringu árið 2021. Sveinn hefur starfað á fjármálamarkaði frá árinu 2002, m.a. sem viðskiptastjóri á fyrirtækjasviði Sparisjóðabanka Íslands hf. og í eignastýringu hjá Straumi fjárfestingabanka hf. og Kviku banka hf. 

Sveinn hefur Cand.oecon próf í viðskiptafræði frá Háskóla Íslands.

Sveinn Hreinsson

Hilmar er framkvæmdastjóri Iðunnar, framtakssjóðs í rekstri Kviku eignastýringar. Hilmar hefur verið framkvæmdasstjóri Genís frá árinu 2017. Hann leiddi rannsóknar- og þróunarstarf Össurar í um 20 ár auk þess sem hann hefur sinnt starfi forseta verkfræði- og náttúruvísindasviðs Háskóla Íslands. 

Hilmar lauk doktorsprófi í efnafræði og verkfræði frá Leeds háskóla árið 1992.

Hilmar Bragi Janusson

Helgi er sérfræðingur í eignastýringu stofnanafjárfesta hjá Kviku eignastýringu. Hann hóf störf hjá Kviku eignastýringu árið 2022. Áður var Helgi vörueigandi markaðs- og verðbréfalausna hjá Íslandsbanka. Á árunum 2018-2020 starfaði hann sem sérfræðingur erlendra sjóða hjá Stefni hf.  Á árunum 2013-2018 starfaði hann í innri greiningardeild hjá HSBC Global Asset Management. Frá 2011 til 2013 vann Helgi hjá ClientKnowledge (nú ICAP) þar sem hann þróaði sjálfvirkar viðskiptalausnir. Þar áður starfaði hann hjá Virðingu á árunum 2006-2010 sem sérfræðingur í eignastýringu. 

Helgi er með B.Sc. gráðu í fjármálaverkfræði frá HR, M.Sc. gráðu í hagnýtri stærðfræði frá London School of Economics. Einnig hefur hann lokið prófi í verðbréfaviðskiptum og er CFA handhafi.

Helgi Magnússon

Kristinn er forstöðumaður eignastýringu stofnanafjárfesta Kviku eignastýringar. Hann hefur starfað við eignastýringu innan Kviku samstæðunnar frá 2013 þegar hann hóf störf hjá MP banka. Áður starfaði Kristinn við eignaumsjón og fjárstýringu hjá skilanefnd og síðar slitastjórn Kaupþings frá árinu 2009. Kristinn kenndi auk þess áhættustýringu í fjármálaverkfræði við Háskólann í Reykjavík frá 2011-2013. 

Kristinn er með B.Sc. próf í iðnaðarverkfræði frá Háskóla Íslands og M.Sc. í aðgerðagreiningu frá Columbia University í New York. Kristinn hefur einnig lokið prófi í verðbréfaviðskiptum.

Kristinn Jóhannes Magnússon

Sveinn er sjóðstjóri hlutabréfasjóða Kviku eignastýringar. Hann hóf störf hjá Kviku eignastýringu árið 2022. Áður starfaði Sveinn sem sérfræðingur í markaðsviðskiptum Arctica Finance. Sveinn hefur starfað á fjármálamarkaði frá árinu 2002, fyrst hjá Glitni og Lýsingu og síðar í greiningardeild, markaðsviðskiptum og fyrirtækjaráðgjöf hjá Íslandsbanka/Glitni til ársins 2011. Sveinn stýrði síðan hlutabréfagreiningum hjá Landsbankanum í hagfræðideild og markaðsviðskiptum Landsbankans frá árinu 2013. 

Sveinn er með B.Sc. í fjármálum frá Háskóla Íslands, M.Sc. í nýsköpunar- og frumkvöðlafræðum frá Gothenburg University í Svíþjóð og hefur lokið prófi í verðbréfaviðskiptum.

Sveinn Þórarinsson

Dóra er forstöðumaður einkabankaþjónustu hjá Kviku eignastýringu. Hún hefur starfað hjá Kviku samstæðunni frá árinu 2012 og hefur víðtæka reynslu á fjármálamarkaði. Áður starfaði Dóra sem forstöðumaður eignastýringar SPRON og við eignastýringu stofnanafjárfesta hjá Virðingu. 

Dóra er með B.Sc. í viðskiptafræði frá Háskóla Íslands og M.Sc. í alþjóðaviðskiptum frá Copenhagen Business School. Hún hefur einnig lokið prófi í verðbréfaviðskiptum.

Dóra Björg Axelsdóttir

Stefán er sjóðstjóri skuldabréfasjóða hjá Kviku eignastýringu. Hann hefur starfað hjá Kviku samstæðunni frá árinu 2013, sem sjóðstjóri hjá Kviku eignastýringu frá árinu 2015 og í markaðsviðskiptum Kviku banka á árunum 2013-2015.

Áður starfaði Stefán í eignastýringu og markaðsviðskiptum Íslandsbanka frá 2004-2013. Stefán er með B.Sc. gráðu í hagfræði frá Háskóla Íslands, M.Sc. gráðu í fjármálum frá Heriot-Watt University og hefur lokið prófi í verðbréfaviðskiptum.

Stefán Helgi Jónsson

Bjarney er sérfræðingur hjá stofnanafjárfestum Kviku eignastýringar. Bjarney hefur starfað hjá Kviku samstæðunni frá árinu 2008 og er sérsvið hennar viðskiptaumsjón og verðbréfaumsýsla. Áður en Bjarney hóf störf hjá Kviku starfaði hún hjá Kaupþingi á árunum 1999-2008.